ISAYAASI 45:8 - Qullaawa Maxaafa

⁸ Ki'ne gorduwa, keeraanchimma xeenu gede iiminni dirrisse! Gomichuno kikkiifona. Baattono fa'nanto; gatonna keeraanchimma lophito. Konne baala asseemmohu ani Kaaliiqaati» yii.

ISAYAASI 45:8 ပူးပေါင်းရင်းမြစ်များ

LAYINKI MOOTOOLLA 19:25

« ‹Lowo dirira albaanni konne coye hedoommohu ane ikkoommota diafootto? Hedoommo coyi ikkanno gede assoommohuno aneeti. Qiinshoonni katamma diigge duuno assatto gede wolqa oommohehu aneeti.

FAARSO 68:8

Siina Ilaali Magani albaanni, Israeelete Magani albaanni baatto huxidhu; gordu xeena lolaasi.

FAARSO 72:3

Mannikkira ilaalla jiro, gaarrano keeraanchimmate guma uyitanno.

FAARSO 72:6

Mooteno xawoho gananno xeeninna baattote uwanno shori gedeeha ikko.

ISAYAASI 11:1

Isseyi cifichi ciiranno; rumushshisi giddonni mittichu guma laalanno.

ISAYAASI 32:15

Kaaliiqi Ayyaanasi ninke aana dunanno yannara, moola baatto shaqqado ikkitanno; iseno lowo jajja fushshitanno.

ISAYAASI 4:2

Mitto barra Kaaliiqi baattote aana noo haqqe baalate sinna hala'lite lattanno gede assanno. Israeelete giddonni baotenni gattinori baalu baatto uyitanno laalchinni la'mite hagiidhitanno.

ISAYAASI 44:24

Amakki godowi giddo kalaqinohehu gatisaanchikki Kaaliiqi, «Baalankare kalaqoommohu, gordonna baatto calli'ya diriirsoommohu, ani Kaaliiqaati.

ISAYAASI 44:3

«Goodhino baattora waa eemmo; moola baattorano xashshu lolahanno gede asseemmo; oosokki aana Ayyaana'ya duneemmo; oosokki oosorano maasso lolaaseemmo.

ISAYAASI 46:13

Keeraanchimma'ya abbanni noommo; barruno dixeerti'rino; gatisaanchimma'yano difaffino. Yerusaalameno gatiseemmo; Israeeleteno ayirrinye'ya uddisiiseemmo» yiino.

ISAYAASI 48:18

Hajajo'ya seekkitine macciishshitinoonniha ikkoommero, keeru moolannokki wayi gede, keeraanchimmano baaru dambali gede ikkite heedhanno'ne.

ISAYAASI 53:2

Kaaliiqi soqqamaanchi albasiinni, moola baattora mu'rino haqqichi rumushshi gedeeho. Illetenni la"ate xummenna gaamaarre diafi'rino; mootete gede la'ne banxanni dani dinosi.

ISAYAASI 60:21

Mannikkino keeraancho ikkanno; baattono hegere geeshsha ragi'ranno; galattannoe gede insa kalaqoommohunna kaasoommohu aneeti.

ISAYAASI 61:11

Baatto jajja mu'rissannohu gedenna, gatu winxire laashshannohu gede, Mootichu Kaaliiqino mannu baalunku giddonni, keeraanchimmanna galatu burqanno gede assanno.

ISAYAASI 61:3

Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

ISAYAASI 66:22

«Ani Kaaliiqi kuleemmo'neri: Kalaqeemmori haaru gorduwanna haaro baatto ane wolqanni kaajjite heedhannonte gede, sirchi'nenna su'mi'neno ane wolqanni kaajje hee'ranno.

ERMIYAASI 31:22

Ki'ne ammana xe'ino'neri! Raataabbinanni heedhinannihu mamooti geeshshaati? Ani Kaaliiqi baattote aana haaro coye kalaqeemmo; labbaaha meyati agartanno» yii.

HIZIQEELI 34:26

«Ani maassi'reemmonsa; Qullaawu Ilaali'ya gaangaawira hee'ranno gede asseemmonsa. Hasiisannonsa yannara ikkanno geeshshi xeena ee maassi'reemmonsa.

HOOSEI 10:12

Anino, ‹Kunni ka'a galo baatto hawuurre; keeraanchimma umi'nera wixidhe; anera ammanantinoonnire ikka'nenni daanno atoote gamba assidhinannina. Kuneeti ane Kaaliiqi'newa higginanni yanna xaati! Anino daye atoote xeenimma dirriseemmo'ne› yoommo.

IYUEELI 3:18

«Hatte yannara ilaalla baalanta, woyinete kaashshi guggushshanno. Gaarrate aanano lowo ado uyitanno saada hossanno. Yihudu baattora heedhanno lagga baalate, wayi wo'manno. Maganu Mini Qullaawu giddo buicho lolakkanno. Shixiimi Lagichano hayikkissanno.

SOQQAMAASINETE LOOSO 2:33

Maganu qiniiteenni ofollara gordo ha'ri woyitenna Qullaawu Ayyaani hexxo Annuwiinni adhi yannara konne la'inannihanna macciishshitinanniha ninke aana dunino.

EFESOONI SOKKA 2:10

Maganu Kiristoosi Yesuusi widoonni qole xa hee'noommo gedeere asse kalaqinonkehu, balaxe qixxeessinoha dancha looso loonseemmo gedeeti.

EFESOONI SOKKA 4:24

Magano lawate kalaqantinota, halaalaancho qullaawanna keeraanchimmannita haaro mannimma uddidhe.