ISAYAASI 45:5 - Qullaawa Maxaafa

⁵ «Ani Kaaliiqaati; ane agurranna wolu magani dino; ati ane egenna hoogittoro nafa wolqa eemmohe.

ISAYAASI 45:5 ပူးပေါင်းရင်းမြစ်များ

UMI MOOTOOLLA 8:60

Kunni garinni gobbate aana noo manni baalu Kaaliiqi callu Magano ikkinotanna iso agurranna wolu magani nookkita afanno.

IZIRA 1:2

Faarisi moote Qiroosi, «Gordu Magani Kaaliiqi gobba gosate gashshaancho assinoe. Qoleno Qullaawa Mine Yihudaho noo katamira Yerusaalamete mineemmosi gede hajajinoe.

IYYOOBI 12:18

Mootennita mootimmate uddano mulqe, borojju uddano uddisiisanno.

IYYOOBI 12:21

Ayirradda gashshaanora shollinye soyanno; jawaatu manni qodhono tiranno.

FAARSO 18:31

Kaaliiqa agurranna wolu Magani dino; Maganinke callu irkonkeeti.

FAARSO 18:32

Wolqa aannoehunna, doogo'ya keerunnita assannoehu Kaaliiqaati.

FAARSO 18:33

Lekka'ya geedimunnite gede kaajjishannoe; gaarrate aana wodani gede qaafisannoehu isooti.

FAARSO 18:39

Olaho wolqa oottoe; gawajjitannoere lekka'yara woroonni karootto.

FAARSO 86:10

Magano, ati jawaho; maala'linanni coye assatto; Maganu ate callaati.

FULO 9:14

giwittoro kayinni, gobba baalate aana ane gedeehu wolu nookkita afatto gede, ledokki gashshaanonna mannakki calla ikkikkinni, ate umokkino wolqaataamu qoomaminni ganeemmo.

ISAYAASI 22:21

Ateha ayirrinyu imaana uddisiisannosi; hiitokkino qodhisiisannosi; roorrekki baala haa're isira aanno. Isino Yihudunna Yerusaalamete mannira anna ikkanno.

ISAYAASI 37:20

Kaaliiqa Maganonke, ati callu Magano ikkoottota daga baala affanno gede xa Asoorootu anganni gatisinke» yaanni huucci'ri.

ISAYAASI 43:10

«Ki'ne Israeele, ani Kaaliiqa ikkoommota buuxxine, egentinannienna ammantinannie gede doodhoommo; soqqamaano'yaatinna naqaashshe'yaati. Ane agurranna kunni albaanni wolu magani dino; kunni ka'ano dihee'ranno.

ISAYAASI 44:6

Olantote Magani Israeelete moote gatisaanchu Kaaliiqi, «Albihuno gedensihuno aneeti; ane agurranna wolu Magani dino.

ISAYAASI 44:8

Ki'ne waajjitinoonte; bi're hundinni kayise balaxe dikuloommo'ne? Hanni ane gedeehu ayeti? Ki'ne anera naqaashshe'yaati; ane agurranna wolu Magani nooni? Ane ka'a golo ikkannohu nooni?» yii.

ISAYAASI 45:1

Kaaliiqi Qiroosi doodhi; daga gashshanno gede wori; mootoolla mulqanno gede soyinosi. Mittu nafa gatikkinni, katammate waalchuwa baala fanannosi. Kaaliiqi Qiroosira,

ISAYAASI 45:6

Hatto asseemmohuno, soojjaatinni galchimi geeshsha noo gosa, ani callu Kaaliiqa ikkoommotanna, ane agurranna wolu nookkita affanno gedeeti.

ISAYAASI 46:9

Bi're hundinni kayise ikkino coye qaagge; ani callu Maganoho; ane agurranna wolu magani dino; ane gedeeha wole dianfanni.

ISAYAASI 47:8

«Ati wodanikkinni, ‹Ane gedeehu dino› yite, atenee Maganu ledo taashshootta. ‹Galtiweelo di"ikkeemma; woy ilaweelono di"ikkeemma› yite, bashshi assattakkiha hawaqidhe hee'rattati, konne coye macciishshi!

HIZIQEELI 30:24

Kunni garinni Baabilooni moote cigile jawaachishe, ane bagado anga woreemmosi. Gibitsete moote cigile kayinni hiiqqeemmo; diinisi albaanni korrisanni reyanno.

IYUEELI 2:27

Israeele, ani mereero'ne noommota, ani callu Magano'ne ikkoommotanna, ane ka'a wolu Magani nookkita, hatte yannara affinanni. Manna'ya kunni ka'a saalu diamadannonsa.

YOHAANNISI 1:1

Umo Qaalu no. Qaaluno Maganu ledo no. Hakku Qaalino Maganoho.

MARRO 32:39

« ‹Ani calli'ya Maganoho; ane ka'a wolu magani dino. Sheemmo; gatiseemmo; madiisseemmo; hurseemmo; anga'yanni gatisara dandaannohu mittuno dino.

MARRO 4:35

«Kaaliiqi callu Magano ikkinotanna, isi ka'a wolu Magani nookkita affinanni gede ki'nera leellishino'ne.

MARRO 4:39

«Xaate kunni ka'a iima gordoho, uulla baattote Kaaliiqi Magano ikkinota affe. Isi callu Maganoho. Konneno wodani'nera wodhe.