ISAYAASI 43:2 - Qullaawa Maxaafa

² Wayi giddoonni higgine sa'inanni woyite, ani ledo'ne noommo; giddoonni sa'inanni woyite wayi diegemmanno'ne. Giirate giddoonni sa'ineennano giira di"ittanno'ne; buwanuno digudanno'ne.

ISAYAASI 43:2 ပူးပေါင်းရင်းမြစ်များ

IYYOOBI 5:19

Leyu bushu coyi giddonni gatisannohe; lamalu bushu coyi giddonni mitturino dikisannohe.

FAARSO 23:4

Reyo lawanno tunsichi giddoonni hige ha'rummoro nafa, ati ledo'ya nootto daafira diwaajjeemmo; siqqichokkinna wodambichikki sheshifachishshannoe.

FAARSO 32:6

Kunnira, qarru lolahi iillannonsakki gede, keeraano baala yanna heedheenna, ate huuccidho.

FAARSO 66:10

Magano! Giiratenni daashshinanni birri gede, ninkeno fonqolte laoottonke.

FAARSO 66:12

Baarigaarra aananke guluffanno gede assootto; giiratenna wayi giddoonni hinge sa'noommo; xa kayinni, hala'lado jirote dargira haadhe abboottonke.

FAARSO 91:15

Woshshi'rannoe woyite, ‹Yee› yeemmosi; qarramanno yannara ledosi hee'reemmo; gatiseemmosi; ayirrado asseemmosi.

FULO 14:29

Israeelete manni kayinni, baaru giddoonni moola baatto kaxxe sa"anno yannara, wayi guransaanninna qiniitensaanni gammalu gede ikke uurri.

FULO 3:12

Maganuno daware, «Ani ledokki hee're kaa'leemmohe; Israeele Gibitsetenni fushshatto yannara, kunni ilaalira magansidhinannie; kunino ani soommoheta egensiisate malaate ikkannohe» yiisi.

ISAYAASI 29:6

Ani Olantote Mootichi Kaaliiqi banqo, baattote shafama, lowo luulo, hombobolatte, dambalanna itannoha giirate buwano soye diinikki anganni gatiseemmohe.

ISAYAASI 30:27

Kune, Kaaliiqiti wolqasinna xirchisi xeertote leellanno. Buwanunna wiliile hanqisi malaateeti; qaalisi ittanno giiraati.

ISAYAASI 41:10

Ani ledokki noommona waajjitooti; ani Maganokkiitina hexxo mudhitooti. Ani jawaachisheemmohe, kaa'leemmohe; wolqaataame anga'yanni gargare gatiseemmohe.

ISAYAASI 41:14

Ati da'muulchu gedee wolqiweeli, ani kaa'leemmohena waajjitooti. Wodeemmohehu ani Kaaliiqaati; ani Israeelete Qullaawaati.

ISAYAASI 43:5

Ani ledo'ne noommona waajjitinoonte; ki'ne baalanka ragu baalunni gamba asse abbeemmo.

ERMIYAASI 42:11

Baabilooni moote waajja agurre; ani ledo'ne noommo daafira isi anganni gatiseemmo'ne. Togo yoommohu ani Kaaliiqaati.

ERMIYAASI 46:28

Soqqamaano'ya Israeele, ani ledo'ne noommona waajjitinoonte. Giddonsa billaallisummo'ne gosa baala huneemmo; ki'ne higginara yee taalo qoricha eemmo'ne; kayinnilla co'o asse digudeemmo'ne. Konne coye coyi'roommohu ani Kaaliiqaati» yii.

DAANIEELI 3:23

Sasunku manni kayinni duu'ne usurroonni gedeenni giirate buwani giddo ubbu.

HAGE 1:13

Himanaanchu Hageno mannaho, « ‹Ani ki'ne ledo noommo› yaanno Kaaliiqi» yee sokka kulinsa.

ZAKKAARIYAASI 13:9

Gatinoha mitte anga ikkanno manna haa're giiranniwa masse, birru gede daashshe, culku gede fonqole xalaltanno gede asseemmonsa. Hakkunni gedensaanni anewa higge huuccidhanno; anino dawareemmonsa. Anino, ‹Ki'ne manna'yaati› yeemmonsa; insano, ‹Kaaliiqi Maganonkeeti› yitannoe» yaanno.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

MAATEWOOSI 1:23

«Kuneeti, seemo godobbe labbaa beetto iltanno; su'masino Amaanueeli yinanni» Amaanueeli yaa, «Maganu ninke ledo no» yaate.

LAYINKI XIMOOTEWOOSI 4:17

Ikkollana ani sokka wonshe kuleenna daga baala macciishshitanno gede Mootichu ledo'ya hee're jawaachishinoe. Doobbiichu afiinnino gatoommo.

LAYINKI XIMOOTEWOOSI 4:22

Mootichu, ayyaanikki ledo hee'ro. Maganu elto ledo'ne heedho.

IBIRAAWOOTA 11:29

Israeelootu moola baatto aanaanni ha'rannohu gede ikkite, Duumo Baara fultinohu amma'natenniiti; Gibitsete mannino hatto assara wo'naali yannara, baalunku itante gattino.

IYYAASU 1:5

Ate Iyyaasu lubbotenni nootto geeshsha qeelannohehu ayino dihee'ranno. Ani Muse ledo hee'rummonte gede, ate ledono hee'reemmo. Wo'manka woyite ate ledo noommo; horontanni diagureemmohe.

IYYAASU 1:9

Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.