ISAYAASI 42:5 - Qullaawa Maxaafa

⁵ Gordo kalaqe, qaccetenni qaccete geeshsha diriirsinohu, baattonna aanase noore baala kalaqe, mannahono lubbonna foole worinohu, Maganu Kaaliiqi,

ISAYAASI 42:5 ပူးပေါင်းရင်းမြစ်များ

KALAQAMA 1:1

Maganu umo asse gordonna baatto kalaqino.

KALAQAMA 2:7

Kaaliiqi Maganu baattote aaninni bushsha haa're, manna bushshunni seekki; sanosirano lubbo aanno foole ufuufi; mannuno lubbo noosi kalaqama ikki.

IYYOOBI 12:10

Kalaqamu baalu lubbo, mannu baalu heeshsho isi anga no.

IYYOOBI 27:3

Maganu fooli giddo'ya noo geeshshanna, lubbotenni noommo geeshsha,

IYYOOBI 33:4

Kalaqinoehu Maganu ayyaanaati; lubbo worinoehuno, Wo'manka Dandaanno Magani fooleeti.

IYYOOBI 34:14

Maganu heeshshote foole qole adhiro,

FAARSO 136:6

Baatto diimete wayi aana uurrisino; bagamannokkihu baxillisino hegerehona.

FAARSO 33:6

Kaaliiqi gordo hajajosinni, agana, arrishshonna beeddahe qaalisinni kalaqino.

FAARSO 96:5

Wole gosa magansidhannoti kaphu magannaati; Kaaliiqi kayinni gordo kalaqinoho.

ISAYAASI 37:16

«Olantote Mooticha Israeelete Magano, kirubeelira iimaanni ofolloottohu ateetilla. Gobba baalate gashshootira gashshaanninna Maganu ate callaati. Gordonna baatto kalaqoottohu ateeti.

ISAYAASI 40:12

Wayibba hoowisinni, gordo taakkosinni bikkinohu, baattote bushsha saffunni safarinohu ayeti? Ilaallanna gaarra, keenaasinchunni keeninohu ayeti?

ISAYAASI 40:22

Kaaliiqi baattote iimaanni ayirrinyu barcimira ofolle noota, gordo dukkote gede bedeedinota, dukkanu gede diriirsinota, baattote aana noo manni cuuncichu geeshshiha ikkinota diaffinoonni?

ISAYAASI 40:26

Iimira gordo higgine la'e! La'inanni beeddahe kalaqinohu ayeti? Olantote gaadaanni gede albaanni ha'rannonsa; kiironsano egennino; mitte mittenta su'misenni woshshanno. Wolqasi lowota ikkitino daafira, giddonsanni mitte nafa dixe'anno.

ISAYAASI 40:28

Ki'ne diaffinoonni? Dimacciishshitinoonni? Kaaliiqi hegere Maganooti; baatto baala kalaqinohu isooti. Isi horo didaafuranno; dihooganno; isi hedinore afara dandaannohu dino.

ISAYAASI 44:24

Amakki godowi giddo kalaqinohehu gatisaanchikki Kaaliiqi, «Baalankare kalaqoommohu, gordonna baatto calli'ya diriirsoommohu, ani Kaaliiqaati.

ISAYAASI 45:12

Baatto kalaqe, mannano aanase hee'ranno gede assoommohu aneeti; gordo anga'yanni diriirse, aanaho beeddahe diroommohu aneeti.

ISAYAASI 45:18

Gorduwa kalaqinohu Kaaliiqaati; baatto seekke kalaqinohunna xintinohu isooti; kalaqinosehu fano heedhara ikkikkinni, mannu hee'ranno gedeeti. Isino, «Ani Kaaliiqaati; ane agurranna wolu Magani dino.

ISAYAASI 48:13

Ani baatto xintoommo; gorduwano diriirsoommo; woshsheemmonsa woyite dagge alba'yaanni uurritanno.

ISAYAASI 57:16

Ani manna'ya wo'manka woyite dibushiisheemmo; wo'manka woyiteno dihanqeemmonsa. Hatto assoommoha ikkoommero, kalaqoommo manni goofe hoogino.

ERMIYAASI 10:12

Kaaliiqa ati, wolqakkinni baatto kalaqootto; egennokkinni kalqe xintootto; afakkinni gordo diriirsootto.

ERMIYAASI 27:5

‹Jawaata wolqa'yanninna wolqaataame cigile'yanni baattonna aanase noo manna qoleno saada baalanta kalaqoommo; gashshanno gede, hasi'roommohura eemmo.

ERMIYAASI 32:17

«Kaaliiqa Mooticha'ya! Ati jawa wolqakkinninna jawaata cigilekkinni gordonna baatto kalaqootto; ati dandaattokkiri horonta dino.

ERMIYAASI 38:16

Moote Sedeqiyaasino, «Ani sheemmohekki gedenna shitannoherirano sayise eemmohekki gede, lubbo kalaqinonke Kaaliiqi su'minni xaareemmo» yee hashaashe kulinoe.

HIZIQEELI 18:4

Mittu mittunku manchi lubbo anete; annunnitino beettunnitino anete; cubbo loosanno manchi umisilla reyanno.

DAANIEELI 5:23

Hakkiinnino sa'e gordu Mootichi aana boo'natenni umokki gotti gotti assootto. Maganu Mininni gurre abbinoonni uduunne abbisiisseenna atinna ayirraddikki, qataanyunnihunna irkote meentikki woyinete xajje agginoonni. Agginihu gedensaanni la"a woy macciishsha dandiitannokkirenna mittoreno assite affannokkire culkunni, birrunni, camotenni, siwiilunni, haqqetenninna kinchunni seekkinoonni maganna galaxxitinoonni. Shaahera woy gatisahera dandaannohanna assattore baala afannoha Heeshshote Magano kayinni diayirrisootto.

AMOOTSI 9:6

Maganu hee'rannowa gordoho mi'nino; gordo baattote iimaanni qole guggushshi. Baaru waa gordu iimira fushshe, galagale baattote aana lolaasanno; konne baala assannohu Maganoho; su'misino Kaaliiqaati.

ZAKKAARIYAASI 12:1

Gordo diriirsinohu, baatto kalaqinohu, mannahono heeshshote foole uyino Kaaliiqi Israeelete soyino sokka,

SOQQAMAASINETE LOOSO 17:24

Alamenna giddose noore baala kalaqino Magani, gordunna baattote Mootichaati. Isi mannu minino mine dihee'ranno.

SOQQAMAASINETE LOOSO 17:25

Heeshshonna foole, qoleno wolere manna baalaho aannohu iso ikkinohura, mittoreno diqarramanno. Mannu kaa'lono dihasi'ranno.

IBIRAAWOOTA 1:2

Xa kayinni kunni goofimarchu barrinni baalankare ragi'ranno gede assinohu Beettisi widoonni qole ninkerano coyi'rinonke. Kalqe baala kalaqinohuno isinniiti.