ISAYAASI 42:4 - Qullaawa Maxaafa

⁴ Baattote aana taashshe gashsha, darga amadda geeshsha, dicee'manno; hexxono dimudhanno; xeertote noo daga isi kulannore macciishshite quqquxantanno» yaanno.

ISAYAASI 42:4 ပူးပေါင်းရင်းမြစ်များ

KALAQAMA 49:10

Yihuda, mootimmate siqqicho angakkinni difultanno; mootimmate bakali lekkakki qarrira no. Kuni ikkannohuno, gashshate malinohu daa geeshshaatinna, mannu baalu hajajamasi geeshshaati.

FAARSO 22:27

Gashshootu Kaaliiqihona, gosa baala qaagge, Kaaliiqiwa higganno; daga baala albasiinni kumbuultanno. Kunni daafira, daga isi gashshanno. Baattote aani duuwaleeyye baala jilte isira kumbuultanno; bushsha e'annori baalunna, lubbonsa reyotenni gatisidhe affannokkiri baalu, albasiinni guluphitanno.

ISAYAASI 40:22

Kaaliiqi baattote iimaanni ayirrinyu barcimira ofolle noota, gordo dukkote gede bedeedinota, dukkanu gede diriirsinota, baattote aana noo manni cuuncichu geeshshiha ikkinota diaffinoonni?

ISAYAASI 40:28

Ki'ne diaffinoonni? Dimacciishshitinoonni? Kaaliiqi hegere Maganooti; baatto baala kalaqinohu isooti. Isi horo didaafuranno; dihooganno; isi hedinore afara dandaannohu dino.

ISAYAASI 41:5

«Giddichuwate heedhanno gosa, ani assoommore baala affe, lowo geeshsha masse huxidhino; mitteenni gamba yite anewa daggino.

ISAYAASI 42:10

Ki'ne baaru aana hadhinanniri, baaru giddo heedhinanni kalaqami baalu, Kaaliiqira haaro faarso faarse! Xeerto gobbara heedhinanniri baalu faarse!

ISAYAASI 42:12

Insano Kaaliiqa ayirrisso! Xeerto gobbuwano galatasi lallabbe kulto!

ISAYAASI 42:21

Kaaliiqi wo'manka woyite halaalaancho coye assanno; kunnira seerasi jawanna ayirrado assino.

ISAYAASI 49:1

Ki'ne giddichuwate heedhinanni gosa macciishshe"e! Xeerto gobbara heedhinannirino wodanche. Kaaliiqi ilamammora albaanni woshshinoe; ama'ya godowi giddo hee'reennanni doorinoe.

ISAYAASI 51:4

«Manna'ya macciishshe! Macca'ne ane widira qolle! Seeru anewiinni fulanno; yoo'yano daga baalate caabbicho ikkitanno.

ISAYAASI 51:5

Rahe daye gatiseemmo'ne; ani qeeleemmo barri iillino; wolqa'yanni daga baala gashsheemmo. Giddichuwate heedhanno gosa, gatisammonsara ane agadhitanno; wolqa'yano hexxitanno.

ISAYAASI 55:5

Ani Israeelete Qullaawi Magani'ne Kaaliiqi ayirrinye oommo'ne daafira, affinoonnikki gashshaano woshshitinanni; egentino'nekkirino namoomate rakke ki'newa dagganno» yii.

ISAYAASI 60:9

Israeelete Qullaawi Magani'ne Kaaliiqi, ayirrisino'ne daafira isi ayirrinyira yite, Terseesi markabba ooso'ne birrinsanna culkinsa ledo, xeerto gobbanni haadhe abbitanno.

ISAYAASI 66:19

Qorichishoommonsahu ane ikkoommotano affanno. «Ikkollana, insa giddonni shiima manna gatise, ane ewelumma egentinokkiriwanna ayirrinye'ya affinokkiriwa addi addi gosawa: Terseesi, Liibiya, olte sodhannokki gosawa Liidiya, Tubaalinna Giriike soyemmo. Tenne gosara ane ayirrinye kultanno.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

DAANIEELI 9:24

«7 hige 70 lamala yinannihu Maganu mannakkinna qullaawa katamakki cubbunninna bunshetewiinni keere fushshate hirqino yannaati. Hatte yannara cubbu aguramanno; hegere halaali darga amadeenna ajuujanna himanu wo'manno; Qullaawa Mineno gatamarre maassi'nanni.

ZAKKAARIYAASI 2:11

Hatte yannara, lowo daga Kaaliiqiwa dagge mannasi ikkitanno. Isino mereero'ne hee'ranno; ane ki'newa soyinoehuno Olantote Mooticha Kaaliiqa ikkinota affinanni.

MAATEWOOSI 12:21

Gosa baala iso hexxitanno» yii.

MAARQOOSI 3:3

Yesuusi anga laanshaawa mancho, «Ka'e mannu albaanni uurri!» yiisi.

ROOMU SOKKA 16:26

Kuni halaali xa himanaanote borro widoonni xawe leellino. Mannu baalunku amma'ne hajajamara, hegere Magani hajajo garinni afanno gede assinoonni.

UMI QORONTOOSI 9:21

Maganu Seerinni galoommohanna Kiristoosi Seerira woroonni noommoha ikkummorono, Seeru nookki daga gatisammora yee insa gedeeha ikkoommo.