ISAYAASI 42:3 - Qullaawa Maxaafa

³ Dabbino shomboqqo nafa dihiiqqanno; ba"ara rahino caabbichono dixoyissanno; ammanamatenni taashshe gashshanno.

ISAYAASI 42:3 ပူးပေါင်းရင်းမြစ်များ

FAARSO 147:3

Wodana hiiqqantinore dhaawannonsa; madansarano gaga gananno.

FAARSO 54:5

Diinna'yara bunshensa garinni qoli; ammanamoottoha ikkootto daafira insa gudi.

FAARSO 94:15

Halaalu dargasi dihawanno; wodana subbinori baalu sumuu yite adhitanno.

FAARSO 96:13

Kaaliiqi baattote aana yoo yaara daanno; manna baalaho taalonna halaalaancho yoo yaanno.

FAARSO 98:9

Isi baattote aana baalunkura halaalenna taalo coyi'rara daanni noona, insa Kaaliiqa magansidho!

ISAYAASI 2:4

Isi lowo gosara gibbo hoolanno; kunnira bisensa maarashaho, urdensa haantote soorritanno. Gashshootu gashshootu aana ola dikayisanno; hakkunni gedensaanni olaho qixxaawannohu dihee'ranno.

ISAYAASI 40:11

Allaalaanchu gede hoshshasi towatanno; wilii'le isiwa gamba asse hanqafanno; amuuwansano wodaninni shiikkanno.

ISAYAASI 42:2

Cance dicoyi'ranno; dooggateno qoonqosi naggi diassanno.

ISAYAASI 50:10

Ki'ne giddo Kaaliiqa waajjannohunna, isi soqqamaanchi yaannore macciishshannohu ayeti? Tunsichoho hee'rannohu xawaabba afi'rinokkihu, Kaaliiqa addaxxo; Maganosi irki'ro.

ISAYAASI 50:4

Wolqa hoogginore jawaachisheemmo gede, Mootichu Kaaliiqi coyi'reemmore kulinoe; soodimaroho baqqi yee, rosiisannore macciishsheemmo gede assannoe.

ISAYAASI 63:1

Kuni Edoomi gobbanni Bootsira Kataminni, duumo imaana uddi're daannohu ayeti? Wolqatenni wo'me, ayirrado imaana uddi're qa'naafanni noohu ayeti? Taalo yoo yeemmohu, gatisate wolqa nooehu ani Kaaliiqaati.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

ISAYAASI 9:7

Wolqasira gawalo dino; gashshootisira hegere keeri wo'mino. Isino Daawiti mootimma amade, taashshe halaalunni gashshanno. Olantote Mootichi Kaaliiqi laala, konne coye assitanno.

ERMIYAASI 31:25

Daafurtinorira wolqa haaroonseemmonsa; hudidhinorira sagale duushsheemmonsa.

HIZIQEELI 34:16

«Bainore hasi'reemmo; billaallinore gamba assi'reemmo; hiiqqaminore sisseemmo. Dhiwaminore xagiseemmo; misinorenna jawaatinore kayinni sammi yee agureemmo. Togo asseemmohuno ani taashshe laeemmo allaalaancho ikkoommohuraati.

MIKIYAASI 7:9

Maganu aana sao assoommo daafira, hanqosi cinca hasiissannoe. Goofimarchoho kayinni, Maganu anera coyi'rannoe. Ane aana iillitino gawajjora yoo yaannoe. Xawaabbu widirano fushshannoe. Gatisaanchimmasino laeemmo.

MAATEWOOSI 11:28

«Ki'ne daafurtinoonniri, duhu ayirrino'neri baalu anewa amme! Ani fooliishshiisheemmo'ne.

MAATEWOOSI 12:20

Dabbino shomboqqo nafa dihiiqqanno; ba"ara rahino caabbichono dixoyissanno. Halaalu qeela geeshsha cincanno.

YOHAANNISI 20:27

Hakkunni gedensaanni Toomaasi woshshe, «Qubbichokki kawa abbite anga'ya lai; angakki abbite midaadi'ya giddo worte lai. Huluullama agurte ammani!» yiisi.

YOHAANNISI 5:30

Lede Yesuusi, «Ani umi'yanni mittoreno asse diafeemmo. Isi yaanna macciishshoommore coyi'reemmo. Ani halchoommore ikkikkinni soyinoehu hedinore wonsheemmo daafira, yoo'ya halaalaanchote.

YOHAANNIS AJUUJA 19:11

Hakkunni gedensaanni gordu fa'name hee'reenna, waajjo farashsho afummo. Gulufe nooha, «Ammanaminohonna Halaalaanchoho» yinanni. Isi taalo yoo yaanno; taalotenni olamanno.