ISAYAASI 41:8 - Qullaawa Maxaafa

⁸ «Ati soqqamaancho'ya Israeele, doodhoommo manni kayinni, jaali'ya Abirihaami sirchooti.

ISAYAASI 41:8 ပူးပေါင်းရင်းမြစ်များ

LAYINKI DUDUWO 20:7

Maganonke, mannikki Israeele tenne gobba daggu waro, balaxxe konniicho heedhanno daga fushshite baxillaanchikki Abirihaami sirchira oottohu diateeti?

FAARSO 135:4

Kaaliiqi Yaiqoobi umisiha, Israeelete mannano umisi jiro asse dhoodhino.

FAARSO 136:21

Baattonsa baala mannisira ragisiisino; bagamannokkihu baxillisino hegerehona.

FAARSO 136:22

Soqqamaanchisira Israeelira uyinosi; bagamannokkihu baxillisino hegerehona.

FAARSO 33:12

Kaaliiqi Maganonsa ikkino manni ba'raa'rinoho; isire assi're doodhinonsa gosa ba'raadhinote.

ISAYAASI 14:1

Kaaliiqi mannasi Israeele mararannonsa; galagalche mannasi asse doodhanno. Galagalte gobbansara heedhanno gede assannonsa. Wole gobba mannino daye insa ledo sumuu yee hee'ranno.

ISAYAASI 29:22

Kunnira Abirihaami qarrunni gatisinohu Kaaliiqi Israeelete mannira, «Manna'ya! Kunni ka'a shollinyunna saalu diamadanno'ne.

ISAYAASI 42:1

Kaaliiqi, «Irkise amadoommohu, doodhoommohunna baxeemmohu soqqamaanchi'ya konneeti. Ayyaana'ya isi aana woreemmo; isi daga baala taashshe gashshanno.

ISAYAASI 42:19

Soqqamaanchi'yanni roore ballichu nooni? Soqqeemmo sokkaancho agurranna macciweelu wolu ayeti? Ani, ‹Kaaliiqira aamamoommo soqqamaanchooti› yaannoha agurranna ballichu hiikko no?

ISAYAASI 43:1

Xa kayinni kalaqino'nehu Kaaliiqi ki'ne Yaiqoobi sirchira Israeelete, «Wodoommo'nehu aneetina waajjitinoonte; ki'ne anereeti; su'mi'nenni woshshoommo'ne.

ISAYAASI 43:10

«Ki'ne Israeele, ani Kaaliiqa ikkoommota buuxxine, egentinannienna ammantinannie gede doodhoommo; soqqamaano'yaatinna naqaashshe'yaati. Ane agurranna kunni albaanni wolu magani dino; kunni ka'ano dihee'ranno.

ISAYAASI 43:5

Ani ledo'ne noommona waajjitinoonte; ki'ne baalanka ragu baalunni gamba asse abbeemmo.

ISAYAASI 44:21

Kaaliiqi, «Israeele, ani soqqamattoera kalaqoommoheta qaagi! Anino dihaweemmo.

ISAYAASI 45:4

Doodhoommore manna'ya Israeele kaa'latto gede, ati ane egenna hoogittoro nafa su'mikkinni woshsheemmohe; ayirrado su'mano eemmohe.

ISAYAASI 48:12

Kaaliiqi, «Woshshoommo'neri Yaiqoobi ooso Israeele, macciishshe! Maganu ane callaati; albihuno gedensihuno aneeti.

ISAYAASI 49:3

Isino, «Israeeli! Ati anera soqqamaancho'yaati; atenni kainohunni mannu baalu ayirrisannoe» yiinoe.

ISAYAASI 51:2

Anna'ne Abirihaaminna iltino'neta Saara qaagge! Abirihaami woshshummosi waro mittichosiiti; ikkollana kune maassi're sirchosi batisoommo.

ISAYAASI 63:16

Abirihaami afa hooginkerono, Israeeli egenna hooginkerono, ati annankeeti. Maganonke, bi're albinte gede ati annankeeti; bi're albinni kayisse gatisaanchonkeeti.

ERMIYAASI 33:24

«Mannu, ‹Kaaliiqi doorinonsare lamenka mine Israeelenna Yihuda agurinonsa; gosate gede dikiirrannireeti› yee manna'ya mishinota diafootto?

LEEWAAWOOTA 25:42

Israeeloota Gibitsetenni fushshoommohu soqqamaasine'ya ikkitinohuraatina, borojjimmate hirantoonke.

MILKIYAASI 1:2

Kaaliiqi mannisira, «Ani ki'ne baxoommo'ne» yaanno. Mannu kayinni, «Baxattonketa mayinni leellishattonke?» yiino. Kaaliiqino, «Eesawunna Yaiqoobi roduuwaho; ani Yaiqoobi baxoommo

MAATEWOOSI 3:9

‹Abirihaami annankeeti› yaatenni gattinanniha lawoonke'ne; Maganu tenne kinna giddonni Abirihaamira ila ikkitannore kayisa dandaannota kuleemmo'ne.

GALATIYU SOKKA 3:19

Seera uyinoonnihu mayiraati? Seera lendoonnihu Abirihaamira hexxotenni uyinoonni sirchi daa geeshsha cubbu hiittoohoro egensiisateeti. Seera, mittu mereeri manchinni sokkaasinete widoonni qolle uyinoonni.

MARRO 10:15

Kaaliiqi annuwa'ne wodanisinni gudise baxinonsahura, sirchonsa ikkitinoonnire ki'ne dagate mereerinni dooreenna'ne techo geeshsha ki'ne isi mannaati.

MARRO 14:2

Ki'ne Magani'ne Kaaliiqira qullaawa mannaati. Isira baxxitinoonni manna ikkitinara Kaaliiqi baattote aani gosa baalate giddonni doodhino'ne.

YAIQOOBI 2:23

Qullaawu Maxaafira, «Abirihaami Magano ammani; ammanasino keeraanchimmate kiirantusi» yaanno qaali wo'mi. Kunni garinni Abirihaami Maganu jaalaati yinisi.