ISAYAASI 41:2 - Qullaawa Maxaafa

² «Gawajjannoha soojjaatinni woshshe abbe, mariwa baala qeelannoha assinohu ayeti? Gosanna mootoolla angasira sayise aanno; bisesinni quuxare buko assanno; maxxisinnino galawimma billaallisannonsa.

ISAYAASI 41:2 ပူးပေါင်းရင်းမြစ်များ

KALAQAMA 11:31

Taara beettosi Abiraami, Kaaraani ilaminoha beettisi beetto Looxinna Abiraami galte Saarayi adhe Baabilooni nooha Uuri Katama agure Kana"aani Gobba ha'rara kai; Kaaraani marte hakkiicho heedhu.

KALAQAMA 17:1

Abiraamira 99 diro ikkisi yannara Kaaliiqi leellesi, «Ani Wo'mankare Dandeemmo Maganootina, ane ledo qaafi; wo'ma woyite dancha coye assi.

LAYINKI SAAMUEELI 22:43

Bukote gede asse maniisseemmonsa; doogote sabbi gede asse lilleemmonsa.

LAYINKI MOOTOOLLA 13:7

Iyoahaazira 50 faradaasine, 10 faradi gaarenna 10,000 olanto agurranna wole olanto dinosi. Kuni ikkinohu Sooriyu moote wole olantosi ayiddummete kuri gede fee mucuqqi asse gude agurino daafiraati.

LAYINKI DUDUWO 36:23

Lallawuno, «Tini Faarisi moote Qiroosi hajajooti. Gordu Magani Kaaliiqi baatto baalate gashshaancho assinoe. Yihudaho Yerusaalamete Katamira isira Qullaawa Mine minammora annimma uyinoe. Kunnira Maganu manni baalunku Yerusaalame hadhe! Magani'ne Kaaliiqi ledo'ne hee'ro!» yaannoho.

IZIRA 1:2

Faarisi moote Qiroosi, «Gordu Magani Kaaliiqi gobba gosate gashshaancho assinoe. Qoleno Qullaawa Mine Yihudaho noo katamira Yerusaalamete mineemmosi gede hajajinoe.

ISAYAASI 40:24

Insa xaalla mu're, rumushshono assi'rinokki haqqi gedeereeti. Kaaliiqi bubbe dagganno woyite, hakkawoyintenni mooshshitannonsa; galawu gedeno fiite huntannonsa.

ISAYAASI 41:25

«Ani Kaaliiqi aliyyeenni mitto roorricha woroommo; isino su'ma'ya ayirrisate soojjaatinni daanno; isi mootoolla sabbu gede kadanno; dora ganannohu gede asse cancananno.

ISAYAASI 41:3

Mittu qarri nookkiha alba qole shorranno; rankesinni kainohunni baatto dikadanno.

ISAYAASI 42:6

«Ani Kaaliiqi keeraanchimmatenni woshshoommohe; angakkino amadeemmohe; gosate gondooro, dagate xawaabba asseemmohe.

ISAYAASI 45:1

Kaaliiqi Qiroosi doodhi; daga gashshanno gede wori; mootoolla mulqanno gede soyinosi. Mittu nafa gatikkinni, katammate waalchuwa baala fanannosi. Kaaliiqi Qiroosira,

ISAYAASI 45:13

Qiroosi keeraancho looso loosanno gedenna, hedo'ya wonshanno gede kayisoommo; doogono qineesseemmosi. Katama'ya Yerusaalame galagalche minanno; qafadame nooha manna'yano tiranno; konne assannohuno uyinannisiri hee'reenna di"ikkino. Konne coye coyi'roommohu ani Olantote Mootichaati› » yii.

ISAYAASI 46:11

Soojjaatinni hawulukannoha allamurchu gedee mancho soyemmo; isino ani hedoommore wonshanno. Anino coyi'roommore asseemmo; hedoommoreno wonsheemmo.

ISAYAASI 48:15

Ani coyi'roommosi; woshshoommosihuno aneeti; ani haa're abbeemmosi; loosanno loosono qineesseemmosi.

ERMIYAASI QURTO 1:15

Kaaliiqi wolqaataamma gaaddo'ya oso'lino; wedella'ya guddanno olanto soyino; manna'ya daankoonni gidi gede asse maniissino.

IBIRAAWOOTA 7:1

Melketsedeqi Saalemi yinanni katami mooteetinna Wo'munkura Aliidi Magani qeesichaati; kuni Melketsedeqi Abirihaami mootoolla qeele higi yannara doogo xaade maassi'rinosi.

YOHAANNIS AJUUJA 16:12

Leelki sokkaasinchino angasi noo gabate giddo nooha Efiraaxisi Wayi giddo duni. Soojjaatinni dagganno mootoollara doogo qixxaabbannonsa gede wayi xoe bai.

YOHAANNIS AJUUJA 7:2

Heeshshote Magani sumuda anga haa'rinoha wole sokkaasincho soojjaatinni daanna afummo. Isi, baattonna baara gawajjitara roorre uyinoonninsariwa shoolente sokkaasinewa mare qoonqosi naggi asse,