ISAYAASI 41:18 - Qullaawa Maxaafa

¹⁸ Moola gaarrara wayibba lolakkanno gede asseemmo; laggateno bu'a fultanno; halallitte gobbara wayi eelanno gede asseemmo; moola baattora xashshu lolahanno.

ISAYAASI 41:18 ပူးပေါင်းရင်းမြစ်များ

FAARSO 104:10

Bu'a laggate giddo du'nantanno gede, hadhanno wayibba ilaallate mereeroonni higge lolakkanno gede assootto.

FAARSO 105:41

Kincho dhooseenna wayi fulinsa; halallitte gobbara wayi xashshimma lolahinsa.

FAARSO 107:35

Galagalche halalla kofammate, moola gobba lolakkanno xashshuwara soorri.

FAARSO 126:4

Kaaliiqa ballo, xeenu moolino lagira waa wonshannonte gede, qafadonke qolinke.

FAARSO 46:4

Maganu katamira, Wo'munkura Aliidihu hee'rannowa qullaawa darga, tashshi assannohu daadanno wayi no.

ISAYAASI 12:3

Gatisaanchimmasi mannasi, buetenni hinkii'linanni wayi gede hagiirsiissanno» yitinanni faarsitinanni.

ISAYAASI 30:25

Diini'nera goofo iillitanno yannara, jajjabba ilaallanninna gaarratenni bu'a lolakkanno'ne.

ISAYAASI 32:2

Mootenna ledosi gashshaano, mannu bubbetenna wishotenni go'lannowa ikkitanno. Halallitte gobbara lolahanno wayinna, molo baattora noohu lowo kinchi gede caale ikkitanno.

ISAYAASI 33:21

Diininke yowolonna markaawe hadhannokkiwa, daadanno wayinna jajjabba xashshuwa gama, Kaaliiqi ayirrinyisinni ninke ledo hee'ranno.

ISAYAASI 35:1

Molo baatto hagiidhitanno; halalli baattorano daraaro fultanno.

ISAYAASI 44:3

«Goodhino baattora waa eemmo; moola baattorano xashshu lolahanno gede asseemmo; oosokki aana Ayyaana'ya duneemmo; oosokki oosorano maasso lolaaseemmo.

ISAYAASI 48:21

Halallitte gobba giddoonni qole, haa're ha'rummo'ne waro waa digoodhinoonni. Kincho dhoose waa fushshoommo'ne; kincho dare waa lolaasoommo'ne» yii.

ISAYAASI 58:11

Wo'manka woyite ani albaanni ha'reemmo'ne; moollete gobbara kassi asseemmo'ne; gogi'nera fayyimmanna jawaante eemmo. Waa hayikkinsanni baattonna, moolte egentinokki buicho gedeere ikkitinanni.

ISAYAASI 65:13

Kunnira Mootichu Kaaliiqi, «Soqqamaano'ya ittanna ki'ne hudidhinanni. Soqqamaano'ya agganna ki'ne goodhinanni; soqqamaano'ya hagiidhitanna ki'ne kayinni saalfattinanni.

IYUEELI 3:18

«Hatte yannara ilaalla baalanta, woyinete kaashshi guggushshanno. Gaarrate aanano lowo ado uyitanno saada hossanno. Yihudu baattora heedhanno lagga baalate, wayi wo'manno. Maganu Mini Qullaawu giddo buicho lolakkanno. Shixiimi Lagichano hayikkissanno.

ZAKKAARIYAASI 14:8

Hakko barra, Yerusaalametenni haaru heeshshote wayi fule, taalootu Reyino Baari widira, taalootu Mediteraaniyu Baari widira hige lolahanno; arro hawado yiikkinni diro wo'ma lolahanni hee'ranno.

YOHAANNIS AJUUJA 22:1

Hakkunni gedensaanni sokkaasinchu Maganunna Ge'rechu barcimi ayirraduwiinni fulannoha hincilaallote gede xawannoha heeshshote wayi xashsho leellishie.

YOHAANNIS AJUUJA 7:17

Ayirradu barcimi mereero noo Ge'rechi, allaalaanchonsa ikkanno. Heeshshote buichowa haa're massannonsa. Maganuno hindiiddo baala illensanni feyannonsa» yiie.

EJJEETTO 15:19

Maganuno Leehi noo kincho dhoose waa fushshisi. Samisonino hakkonne waa age jawaati. Wolqano assi'ri. Kunnira, hakko dargira su'ma, «Ayini Haaqore» yini. Tini buichono techo geeshsha hakko Leehi no.