ISAYAASI 41:17 - Qullaawa Maxaafa

¹⁷ «Buxanenna gadadaammu waa hasidhe hoogganno; kokkensa goo'rotenni mooltanno woyite, ani Kaaliiqi huuccattonsa macciishsheemmo; ani Israeelete Magani horo diagureemmonsa.

ISAYAASI 41:17 ပူးပေါင်းရင်းမြစ်များ

KALAQAMA 28:15

Kune ani ledokki noommo; ha'ratto doogo baalate agareemmohe; galagalche tenne gobba higatto gedeno asseemmohe. Kuloommohere baala wonshammohe geeshsha diagureemmohe» yiisi.

UMI MOOTOOLLA 17:8

Hakkunni gedensaanni Kaaliiqi Eeliyaasira,

LAYINKI DUDUWO 6:17

Xaano Israeelete Magano Kaaliiqa! Soqqamaanchikki Daawitira coyi'rootto coye baala wonshi.

FAARSO 22:15

Kokke qa'a yite mooltue; arrawi'ya ga'roho qa'mie. Shinoonnihu gede uulla tugge agurittoe.

FAARSO 34:6

Ani qarraataamu Kaaliiqiwa hige raarummo; isino macciishshie, qarri'ya baalunkunni gatisie.

FAARSO 37:25

Anje'yanni kayise techo geedhimma'ya geeshsha, keeraanchu tugamanna, sirchisino hudi're huucci'ranna afe diegennoommo.

FAARSO 42:2

«Mamoote iilleemma? Magani'ya albano mamoote laeemma?» yite, lubbo'ya heeshshote Magano goodhanno.

FAARSO 50:15

Qarru barra woshshidhe"e; anino gatiseemmo'ne; ki'neno ayirrissinannie.

FAARSO 74:21

Qarraataammu saalfatte higgoonke; qarraataammunna buxane ate galattohe.

FAARSO 94:14

Kaaliiqi mannasi dihunanno; isire ikkitinoreno diaguranno.

FULO 17:3

Mannu kayinni waa goo're noo daafira, «Ninkenna oosonke, saadankeno hada goo'rotenni shaattonkeraati Gibitsetenni fushshittonkehu?» yaanni Musera gungumi.

FULO 17:6

Ani Siina Ilaalira kinchu aana albakkiinni uurreemmo; atino hakkonne kincho ganatto; mannu aganno wayino kinchu giddonni fulanno» yiisi. Muse Israeelete geerri la'anna Kaaliiqi yiinosi gede assi.

ISAYAASI 30:19

Ki'ne Yerusaalamete manni, xaate kunni ka'a diwi'litinanni; Kaaliiqi shaqqado ikkino daafira kaa'lanno'ne gede huuccidhinanni yannara macciishshe dawaranno'ne.

ISAYAASI 42:16

Balloota hadhe egentinokki doogo, affe egentinokki faro qole haa're ha'reemmonsa. Albansaanni noo tunsicho xawaabba asseemmo; gudaagundo ikkino darga taashsheemmo. Konne coye baalanka coyi'roommohu aneetina, wonshummokkinni diagureemmo.

ISAYAASI 43:20

Galata'ya kulanno gede doodhoommo manni aganno gede, halallitte gobbara waa, moola baattora xashsho lolaaseemmo waro, dubbu moyichi, yeedaalanna balguduno ayirrisannoe» yaanno.

ISAYAASI 44:3

«Goodhino baattora waa eemmo; moola baattorano xashshu lolahanno gede asseemmo; oosokki aana Ayyaana'ya duneemmo; oosokki oosorano maasso lolaaseemmo.

ISAYAASI 48:21

Halallitte gobba giddoonni qole, haa're ha'rummo'ne waro waa digoodhinoonni. Kincho dhoose waa fushshoommo'ne; kincho dare waa lolaasoommo'ne» yii.

ISAYAASI 49:10

Mararannonsahu wayi buicho widira qole haa're ha'rannonsa daafira, hudenna goo'ro diamaddannonsa; halalli fooggalinna arrishshote iibbilli digawajjannonsa.

ISAYAASI 55:1

Kaaliiqi, «Ki'ne goodhinoonniri baalu wayinniwa amme! Woxu noo'nekkiri daggine calla hidhitine itte! Daggine mittoreno uyitinikkinni, woxiweello adonna woyinete xajje hidhe.

ISAYAASI 58:11

Wo'manka woyite ani albaanni ha'reemmo'ne; moollete gobbara kassi asseemmo'ne; gogi'nera fayyimmanna jawaante eemmo. Waa hayikkinsanni baattonna, moolte egentinokki buicho gedeere ikkitinanni.

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

ISAYAASI 62:12

Hatti dagano, «Kaaliiqi Wodinoti Qullaawa Gosa» yitanno'ne; Yerusaalameno, «Maganu Baxinosetenna Agurinosekki Katamaati» yitanno.

ISAYAASI 65:13

Kunnira Mootichu Kaaliiqi, «Soqqamaano'ya ittanna ki'ne hudidhinanni. Soqqamaano'ya agganna ki'ne goodhinanni; soqqamaano'ya hagiidhitanna ki'ne kayinni saalfattinanni.

ISAYAASI 65:24

Woshshidhukkinni yee yeemmonsa; huuccidhe guddukkinni qoleemmonsa.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

ERMIYAASI 31:25

Daafurtinorira wolqa haaroonseemmonsa; hudidhinorira sagale duushsheemmonsa.

ERMIYAASI QURTO 4:4

Qaaqquullensa hudenna goo'ro shitanno gede assitu; oosonsa sagale huuccidhanno; aannonsahu kayinni dino.

HIZIQEELI 47:8

Isino, «Kuni wayi baattote aana soojjaatira, Yordaanoosi lagichanna Reyote Baara hige ha'ranno. Reyote Baara hige ha'ranno woyite, Maxinete Baari haaroo'me dancha waa ikkanno.

MAATEWOOSI 5:3

«Ayyaanunni buxxinori ba'raadhinoreeti; gordu gashshooti insahona.

MAATEWOOSI 5:6

Keeraanchimmate daafira hudidhannorinna goodhannori ba'raadhinoreeti; kassino yitannona.

LUQAASI 16:24

Qoonqosi naggi asse, ‹Anna'ya Abirihaami! Eeggatena mararie; konniicho giirate buwani giddo fooggalanni noommona, qubbichisinni waa kise arrawo'ya qiissannoe gede Aliaazaari soyie› yiisi.

LAYINKI QORONTOOSI 12:9

Isi kayinni, «Ane wolqa guutte leeltannohu ate wolqiweelle aana ikkinohura elto'ya ikkitannohe» yiinoe. Kunnira Kiristoosi wolqa aana'ya fooliishshidhanno gede, albinni roorse wolqiweelle'yanni naaxxa baxeemmo.

YOHAANNIS AJUUJA 21:6

Hakkunni gedensaanni, «Kune wo'mino! Umihunna goofimarchunnihu, albihunna gedensihu aneeti. Goo'rinohura heeshshote buichonni mittoreno baantikkinni mulla eemmosi.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.