ISAYAASI 41:14 - Qullaawa Maxaafa

¹⁴ Ati da'muulchu gedee wolqiweeli, ani kaa'leemmohena waajjitooti. Wodeemmohehu ani Kaaliiqaati; ani Israeelete Qullaawaati.

ISAYAASI 41:14 ပူးပေါင်းရင်းမြစ်များ

IYYOOBI 19:25

Ane gatisannoehu kayinni heeshshonniha ikkinota, goofimarchohono coyi'rannoeta afoommo.

IYYOOBI 25:6

Roorenka kuni da'muulchu gedee manni, Maganu albaanni mageeshshi geeshsha ajanno!» yii.

FAARSO 19:14

Kaaliiqa eeggate, ati irko'yaatinna wodattoehona, afii'ya qaalinna wodani'ya hedo ate albaanni biiffinota ikkito.

FAARSO 22:6

Ani kayinni da'muulchoho; manna di"ikkoommo; mannu baalu mishannoe, qacifatannoe.

FAARSO 46:5

Kaaliiqi mereerosi noo daafira katamu dishafamanno; Kaaliiqi konne katama soodo balaxe kaa'lanno.

FAARSO 78:35

Maganu golonsa ikkinota, Wo'munkura Aliidi Magani gatisaanchonsa ikkinota qaaggu.

ISAYAASI 35:10

Kaaliiqi wodinonsa manni galagale hige, faarsanni Tsiyooni eanno; hegere hegerera hagiirru ba'latto wodhitanno. Hagiirrenna hisanyoote haraqidhanno; yaaddonna dadillu mulinsanni xooqanno.

ISAYAASI 37:4

Asoori moote Heeshshote Magano xonara roorricha soyino. Maganikki Kaaliiqi konne coye macciishshe xoninoha qorichishannoha ikkanno. Kunnira hanni manninke giddonni gatte lubbotenni heedhannori daafira huuccinke» yitue.

ISAYAASI 41:10

Ani ledokki noommona waajjitooti; ani Maganokkiitina hexxo mudhitooti. Ani jawaachisheemmohe, kaa'leemmohe; wolqaataame anga'yanni gargare gatiseemmohe.

ISAYAASI 43:14

Israeelete Qullaawi gatisaanchi'ne ani Kaaliiqi, «Ki'ne gatisate Baabiloonira gaaddanno olanto soyemmo; katamunnita huxxu waalchuwa hiiqqaqqeemmo; qeexaalansa raarete soorreemmo.

ISAYAASI 43:3

Ani Israeelete Qullaawi Magani'ne Kaaliiqi gatisaancho'neeti; ki'ne wodate yee, Gibitse Itiyophiyanna Saaba diininsara sayise eemmo.

ISAYAASI 44:22

Cubbokki gomichu gede malalli asseemmo; saokkino soodo guunjo gede asse hooleemmo; gatisoommohehu aneetina, anewa higi» yaanno.

ISAYAASI 44:24

Amakki godowi giddo kalaqinohehu gatisaanchikki Kaaliiqi, «Baalankare kalaqoommohu, gordonna baatto calli'ya diriirsoommohu, ani Kaaliiqaati.

ISAYAASI 44:6

Olantote Magani Israeelete moote gatisaanchu Kaaliiqi, «Albihuno gedensihuno aneeti; ane agurranna wolu Magani dino.

ISAYAASI 47:4

«Gatisaanchinke Olantote Mootichaati; su'misino, Israeelete Qullaawaati.

ISAYAASI 48:17

Gatisanno'nehu Israeelete Qullaawi Kaaliiqi, «Woyyanno'nere baala rosiiseemmo'nehunna, hadhinanni doogo kuleemmo'nehu Magani'ne Kaaliiqi aneeti.

ISAYAASI 49:26

Gadadissannoheri mimmitonsa shitanno gede asseemmo; insano uminsa mundee agge dimbitanno. Hakkunni gedensaanni ani Kaaliiqi gatisaanchokki ikkoommota, wolqaataamo Israeelete Magano ikkoommota daga baala affanno» yii.

ISAYAASI 49:7

«Daga mishshinohehuranna gibbinohehura, gashshaanote soqqamaancho ikkoottohura atera, ani gatisaanchu Israeelete Qullaawi Kaaliiqi yeemmore macciishshi: Ani Maganikki Kaaliiqi assoommohere affe, mootoolla ate ayirrisse ofoltinowiinni ka'anno; gashshaanono ate ayirrisse umo heeshshi yitanno» yii.

ISAYAASI 54:5

Kuni ikkannohuno, ani kalaqaanchikki Olantote Magani Kaaliiqi, ayiddaannakkiiti. Ani gatisaanchikki Israeelete Qullaawaati; kalqe baalate Maganooti yinannie.

ISAYAASI 54:8

Lowo geeshsha hanqoommo daafira shiima yanna alba shawwu yoommohe; xa kayinni gatisaanchikki ani Kaaliiqi, marare hegere geeshsha baxeemmohe yoommo.

ISAYAASI 59:20

Kaaliiqi mannisira, «Gargarammo'neranna cubbo'ne aagintaabbinannire gatisate, ani Yerusaalame dayemmo.

ISAYAASI 60:16

Oososera unuuna qansitanno ama gede, ate daganna mootoolla towattannohe. Atino ani Kaaliiqi gatisaanchokkinna wodeemmoheha, wolqaataamo Yaiqoobi Magano ikkoommota afatta.

ISAYAASI 63:16

Abirihaami afa hooginkerono, Israeeli egenna hooginkerono, ati annankeeti. Maganonke, bi're albinte gede ati annankeeti; bi're albinni kayisse gatisaanchonkeeti.

ERMIYAASI 46:27

«Borojjichi'ya Yaiqoobi ooso waajjitinoonte; Israeelete manna massinoonte; qafadantinoonniwiinni fafo gobbanni gatise fushsheemmo'ne. Hakkunni gedensaanni waajjishanno'neri nookkiha, keere heedhinanni.

ERMIYAASI 50:34

Wodeemmonsahu ani Olantote Mootichi Kaaliiqi jawaataho; ani umi'ya insara golame, gobbansara keere dirriseemmo. Baabilooni heedhannori kayinni fooliishsho diafidhanno.

ERMIYAASI QURTO 3:57

Woshshi'rummoheta anewa dagge, «Waajjitooti» yoottoe.

DAANIEELI 10:12

Ledeno, «Daanieeli! Waajjitooti. Wodancha afi'ratto gede umokki Maganikki albaanni shollishate murci'ritto barrinni kayisse huuccattokki macciishshantino. Ani soqqame atewa dayommohuno huuccattokkira dawaro higginohuraati.

HOOSEI 11:9

Kunnira, hanqi'ya qoomama diabbeemmo; layinkimeeshsho Israeele dihuneemmo. Hatto asseemmokkihu, ani Maganoho ikkinnina manna ikkoommokki daafiraati. Qullaawu ani ki'ne giddo hee'reemmo; tenne ki'newa hanqi'yanni didayemmo.

MAATEWOOSI 7:14

Heeshshote widira massanno waalchi ruukkashshoho; doogono gurchote; ise afi'ranno manni kiiro shiimaho» yii.

LUQAASI 12:32

«Ki'ne shiima hoshsha, Anni'ne gashshootesi aa'nera hasi'rinona waajjitinoonte.

ROOMU SOKKA 9:27

Isayaasino qaalesi naggi asse Israeelete daafira, «Israeelete manni baaru shaafi gede kiiro batidhurono, insa giddonni shiimu manni callu gatanno.

GALATIYU SOKKA 3:13

Maganu qaali, «Haqqu aana sutame reyinohu baalu rumammoho» yiinonte gede, Kiristoosi ninkera yee rumaminoha ikke, Seeru rumo giddonni wodinonke.

MARRO 7:7

«Kaaliiqi ki'ne baxino'nehunna doodhino'nehu wole gosanni kiiro roortineenna di"ikkino. Kiiro'ne gosa baalatewiinni lowo geeshsha ajjinote.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

IYYAASU 17:18

Kunnira, gaaraame gobba ki'nera ikkitanno; dubbono ikkiro doltine qaccetenni qaccete geeshsha umi'ne iqqa assidhe. Kana"aanootaho ayi gedeno siwiilu faradi gaare heedhunsaronna jawaatoota ikkituro nafa, fushshitine shorra dandiitinanni» yiinsa.

YOHAANNIS AJUUJA 5:9

Insa, «Xaanxoonniha borrote goga haa'rate, sumudano tirate maloottohu ateeti. Gorramoottona; mundeekkinni ga're baala, addi addi afoo coyi'rannoha baala, gosanna sircho baala wodde,