ISAYAASI 41:13 - Qullaawa Maxaafa

¹³ Qiniiticho angakki irkiseemmohe; ‹Kaa'leemmohena waajjitooti› yeemmohehu, Maganikki ani Kaaliiqaati.

ISAYAASI 41:13 ပူးပေါင်းရင်းမြစ်များ

FAARSO 118:7

Kaaliiqi kaa'leennae, baarigaarra'ya qeelantanna laeemmo.

FAARSO 63:8

Lubbo'ya ate cu'midhino; qiniiticho angakkino irkissinoe.

FAARSO 73:23

Ikkirono wo'manka woyite ani ate ledo noommo; atino qiniiticho anga'ya amadoottoe.

FULO 14:13

Museno mannaho, «Waajjitinoontena heedhinoonniwa uurre; kore techo affinanni Gibitsoota layinkita diaffinannina, Kaaliiqi ki'ne gatisate assannore la'inannina agarre.

FULO 20:20

Museno mannaho, «Kaaliiqi iso ayirrissine cubbo loossinannikki gede assa'neralla dayinona waajjitinoonte» yii.

ISAYAASI 41:10

Ani ledokki noommona waajjitooti; ani Maganokkiitina hexxo mudhitooti. Ani jawaachisheemmohe, kaa'leemmohe; wolqaataame anga'yanni gargare gatiseemmohe.

ISAYAASI 42:6

«Ani Kaaliiqi keeraanchimmatenni woshshoommohe; angakkino amadeemmohe; gosate gondooro, dagate xawaabba asseemmohe.

ISAYAASI 43:6

« ‹Ooso'ya xeertote gobbanni daggona hooltinoontensa› yee, Aliyyeenninna wodiidoonni noo gosara kuleemmo.

ISAYAASI 45:1

Kaaliiqi Qiroosi doodhi; daga gashshanno gede wori; mootoolla mulqanno gede soyinosi. Mittu nafa gatikkinni, katammate waalchuwa baala fanannosi. Kaaliiqi Qiroosira,

ISAYAASI 51:18

Ilootta ooso giddonni, massagannohehu horonta dino. Lossi'rootta ooso giddonni, anga amade haa're ha'rannohehu mittuno dino.

ERMIYAASI 30:10

«Kunni daafira, soqqamaancho'ya Yaiqoobi, waajjitooti! Israeeli, hexxo mudhitooti! Xeertote gobbanni gatise abbeemmo'ne; ooso'neno qafadantinowiinni qoleemmonsa; waajjishannori nookkiha, keerunni heedhinanni.

ERMIYAASI 46:27

«Borojjichi'ya Yaiqoobi ooso waajjitinoonte; Israeelete manna massinoonte; qafadantinoonniwiinni fafo gobbanni gatise fushsheemmo'ne. Hakkunni gedensaanni waajjishanno'neri nookkiha, keere heedhinanni.

HAGE 2:5

Gibitsete gobbanni fultini waro, ‹Ledo'ne noommo› yuummo qaali garinni xaano Ayyaani'ya ledo'ne noona jawaatte! Waajjitinoonte» yee kulinsa.

LAYINKI XIMOOTEWOOSI 4:17

Ikkollana ani sokka wonshe kuleenna daga baala macciishshitanno gede Mootichu ledo'ya hee're jawaachishinoe. Doobbiichu afiinnino gatoommo.