ISAYAASI 41:1 - Qullaawa Maxaafa

¹ Kaaliiqi, «Ki'ne giddichuwate heedhinanni gosa, sammi yitine macciishshe! Daga wolqansa haaroonsidho; amme mitteenni gamba yine, marre yoote darga xaandona.

ISAYAASI 41:1 ပူးပေါင်းရင်းမြစ်များ

IYYOOBI 38:3

Hanni mannu gede qodhite ka'e, xa'meemmohere qolate qixxaawi.

FAARSO 46:10

Fooliishshidhe; ani Magano ikkoommotano egenne! Dagate mereeronna baattote aana ayirreemmo.

ISAYAASI 1:18

Qoleno Kaaliiqi, «Amme hanni mala hansona! Cubbi'ne duumo xiille ikkirono ani hayishshe bullaame kaade gede asseemmo'ne. Mundeete gede duu'mirono suqqinoonni fuutti gede xabbinanni gede asseemmo'ne.

ISAYAASI 11:11

Hatte yannara, Mootichu galagale angasi diriirse gatino manna Asoorinni, Gibitsetenni, Itiyophiyunni, Elaaminni, Baabilooninni, Hamaatinni, Baaru qaccuwanninna giddichuwa baalatenni gamba assanno.

ISAYAASI 34:1

Ki'ne daga, amme macciishshe! Ki'ne manna, wodana asse! Baattonna aanase noori, uullanna uullate giddonni fulannori baalu macciishsho!

ISAYAASI 40:31

Kaaliiqi kayinni iso hexxitannorira, wolqansa haaroonsanno; allamurchu gede qoolunni buubbanno. Doddanno; didaafurtanno; hadhanno dihoogganno.

ISAYAASI 41:5

«Giddichuwate heedhanno gosa, ani assoommore baala affe, lowo geeshsha masse huxidhino; mitteenni gamba yite anewa daggino.

ISAYAASI 43:26

«Hanni albi coye qaagiisse"e; yoote dargirano daggine coye'ne hasaaphe; halaalaasine ikka'neno ammansiisse.

ISAYAASI 43:9

Gosa baala mitteenni gamba yiiyye! Magannansa giddonni albihanna daara noo coye kulinohu nooni? Halaalaasine ikkansa egensiisate naqaashshe abbidhona; wolootuno macciishshite, ‹Halaaleho› yitona.

ISAYAASI 48:16

Anewa shiqqine yeemmore macciishshe! Bi're hundinni kayise mittoreno gole dicoyi'roommo; kuni coyi ikkinkunni ani hakkiicho noommo» yii. Xaano kune ane Mootichu Kaaliiqi, Ayyaanisi ledo soyinoe.

ISAYAASI 49:1

Ki'ne giddichuwate heedhinanni gosa macciishshe"e! Xeerto gobbara heedhinannirino wodanche. Kaaliiqi ilamammora albaanni woshshinoe; ama'ya godowi giddo hee'reennanni doorinoe.

ISAYAASI 50:8

Keereensannoehu mule'ya no; yekkeerannoehu ayetiyya? Nooha ikkiro hanni shiqe garossieyya!

IMBAAQOOMI 2:20

Kaaliiqi kayinni Qullaawu Minisi giddo no. Kunnira mannu baalu isi albaanni sammi yoo.

ZAKKAARIYAASI 2:13

Kaaliiqi qullaawu dargisinni daanno daafira, baalunku albasiinni sammi yiiyye.