ISAYAASI 40:9 - Qullaawa Maxaafa

⁹ Tsiyoonira dancha duduwo kulattohu, jawu ilaali iimira fuli! Yerusaalamete dancha duduwo kulattohu, qoonqokki naggi assite lallawi! Qoonqokki naggi assi; waajjitooti! Yihudu katammara, «Magani'ne daanni no» yite kulinsa.

ISAYAASI 40:9 ပူးပေါင်းရင်းမြစ်များ

LAYINKI DUDUWO 13:4

Abiya gaaraame Efireemi gobbara Tsemarayimi Ilaalira fule uurre, «Iyorbiaaminna Israeelete manni baalu macciishshe!

ISAYAASI 1:1

Ani Isayaasi Amootsi beettooti. Tini sokka Ooziya, Iyoaataami, Akaazinna Hiziqiyaasi Yihudaho mookku waro, Yihudunna Yerusaalamete daafira kulloonniete.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 25:9

Kuni coyi ikkanno waro mannu, «Isi Maganonkeeti; hexxinoommosi daafira gatisinonke. Gatisinonkehu isootina, amme isinni hagiidhinona» yaanno.

ISAYAASI 35:2

Molo baattora daraaro wo'miteenna, hagiirru faarso faarsitanno; Libaanoosi Ilaali gede biifaado ikkitanno; Qermeloosi Ilaalinna Saarooni Lagichi gede ayirrinye uddidhanno. Mannu baalunku, Kaaliiqi gacheenanna ayirrinye la"anno.

ISAYAASI 41:27

Balaxe Tsiyoonira konne coye hasaawoommohu aneeti; Yerusaalameteno dancha duduwo kuloommohu aneeti.

ISAYAASI 44:26

Soqqamaano'ya yitinori wo'manno gede, himanaano'ya coyidhinorino halaale ikkanno gede asseemmo. Insa, ‹Yerusaalame lowo manni hee'ranno katama ikkitanno; Yihudu katammano gatamarantanno; diigantino minnano galagalte minantanno› yite coyidhino coye wonsheemmo.

ISAYAASI 51:12

Kaaliiqi, «Wodana'ne diggi asseemmohu aneeti; hayissote gede rahe moolannohanna, reyara noo manna mayira waajjitinanniyya?

ISAYAASI 51:7

«Ki'ne halaalaancho coye egentinoonnirinna, seera'ya wodani'nera wodhitinoonniri, ani yeemmota macciishshe"e! Mannu mishanno'ne woyite waajjitinoonte; xonneenna'neno massinoonte.

ISAYAASI 52:6

Hatte yannara kayinni ki'ne ani Kaaliiqa ikkoommotanna konne coyi'roommohuno ane ikkoommota affinanni» yii.

ISAYAASI 58:4

Ita aga agura'nera gawalo, gibbonna ganansho ikkitino daafira, mimmito'ne marartinikkinni tuntummotenni gantinanni. Kunni garinni qatuntinanni qatuma, huuccatto'ne gordoho macciishshinannikki gede assitanno.

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

ERMIYAASI 22:20

Olu miilla'ne baala qeelantinona, Libaanoosi Ilaalla gidditine raarre. Baasaani gobba hadhine «Woo!» yiiyye; Moaabi Ilaalla gidditine raarre.

ERMIYAASI 29:11

Ki'nera hedeemmore ani egennoommo; hedo'yano hexxonna albillittete ikkitanno'ne gede, keerunnite ikkinnina bunshennita di"ikkitino.

NAHOOMI 1:15

Kuneeti dancha duduwo kulannohu, keereno lallawanno soqqamaanchi ilaallate aanaanni hige daanni no. Yihudu manna, bushuullu diinnakki co'o yite gooffinona, kunni ka'a gobbakki horonta dihorritanno. Kunni daafira, diru ayyaannakki hagiirrunni ayirrisi'ri. Xanokkino Kaaliiqira uyi'ri.

LUQAASI 24:47

Su'misinni aagintaambannitanna cubbu maaro afi'nannita, Yerusaalametenni kayinse gobba baalate mannira kullannita coyi'noonni.

SOQQAMAASINETE LOOSO 2:14

Hatte yannara Pheexiroosi tonaa mitunku ledo uurre qaalesi naggi asse mannaho, «Ki'ne Yihudu gobba manninna Yerusaalamete heedhinanniri baalu, konne ikkino coye afate coyi'reemmore macciishshe.

SOQQAMAASINETE LOOSO 4:13

Pheexiroosinna Yohaannisi waajjitukkinni coyidhino daafira, songite noori roso afidhinokkire mulla manna ikkitinota affino daafira maala'litu. Yesuusi ledo keeshshitinotano huwattu.

SOQQAMAASINETE LOOSO 4:29

Xaano Mootichanke, assitannore afilla; soqqamaanokki qaalekki waajjitukkinni jawaatte kultanno gede assi.

ROOMU SOKKA 10:18

Ani mitto coye xa'meemmona, insa dimacciishshitino? Macciishshitinowe! «Qoonqonsa gobba baalate leeltu; sokkansa gobbate qacce geeshsha iillitu» yinoonni.

EFESOONI SOKKA 6:19

Qoleno Danchu Duduwiha go'lino coye ruxxi yuummokkinni coyi'rate, hasiisino qaale aannoe gede anerano huucce"e.

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.

UMI PHEEXIROOSI 3:14

Dancha coye assatenni qarra adhitiniro nafa, baraadhinoonni; waajjishiishshannoreno waajjitinoonte; yaaddinoonte!

EJJEETTO 9:7

Iyoaataamira tenne kulleennasi, Geriizaani Ilaali birxe fule qoonqosi naggi asse, «Sekeemi manna! Maganu macciishshanno'ne gede ani yeemmota macciishshe"e.