ISAYAASI 40:22 - Qullaawa Maxaafa

²² Kaaliiqi baattote iimaanni ayirrinyu barcimira ofolle noota, gordo dukkote gede bedeedinota, dukkanu gede diriirsinota, baattote aana noo manni cuuncichu geeshshiha ikkinota diaffinoonni?

ISAYAASI 40:22 ပူးပေါင်းရင်းမြစ်များ

KALAQAMA 1:6

Hakkunni gedensaanni Maganu, «Iimi waa uullahuwiinni badate gordu dukkanu gede ikkona» yii;

IYYOOBI 22:14

Gordunna baatto qasidhinowa ha'ramanni, la"annokki gede kolishshu gordi golinosi› yaatto.

IYYOOBI 26:7

Mitturino nookkiwa Maganu aliyye gordo iima diriirsi; baattono mulla darga rarraasi.

IYYOOBI 36:29

Ikkollana, Maganu gomicho asse doyissanno garanna, hee'rannowa gordoho, beleqo asse gugisanno gara afinohu dino.

IYYOOBI 37:18

Maganu gordo diriirsi waro, hincilaallote gede xawannoha assate kaa'loottosini?

IYYOOBI 9:8

Gordo callichisi diriirsino; baaru dambalano sammi assannohu isooti.

FAARSO 104:2

Xawaabba imaanimma tuulatootto; gordo dukkanu gede diriirsootto.

FAARSO 18:11

Isonoo kolishshu gomichinni goli; xeena amadinohu du'mu gomichi gaangeessinosi.

FAARSO 19:4

Ikkirono, sokka baatto baala, qaalinsa gobbate qacce geeshsha iilli. Maganu gordoho arrishshote dukkana qasi.

FAARSO 2:4

Gordoho hee'ranno Kaaliiqi oso'lannonsa; Mootichuno qacifatannonsa.

FAARSO 29:10

Kaaliiqi waaho iimaanni ofollanno; Kaaliiqi hegerera moohe hee'ranno.

FAARSO 68:33

Bi're hundinni kayise gordo gulufe noo Maganita, wolqaataame huurosi macciishshe!

LAWISHSHA 8:27

Gordo dargasi diriirsi yannara, gordonna baatto xaadisi waro ledosi noomma.

ISAYAASI 19:1

Gibitsete daafira kulloonni sokka kunninni aante noote: Kaaliiqi ariiffatu gomichi aana ofolle Gibitse daanno. Gibitsenniti kaphu maganna albasiinni qece yite huxidhanno; Gibitsete manni wodanino daaqanno.

ISAYAASI 37:16

«Olantote Mooticha Israeelete Magano, kirubeelira iimaanni ofolloottohu ateetilla. Gobba baalate gashshootira gashshaanninna Maganu ate callaati. Gordonna baatto kalaqoottohu ateeti.

ISAYAASI 40:15

Daga Kaaliiqi albaanni gambayichu giddo cophi yiino wayi geeshshireeti; keenaasinchu aana noo buko geeshshireeti; giddichuwano albasiinni cu'minoonni buluuli geeshshite.

ISAYAASI 40:17

Daga baala Kaaliiqi albaanni mullareeti; mite yine nafa dikiirrannireeti.

ISAYAASI 42:4

Baattote aana taashshe gashsha, darga amadda geeshsha, dicee'manno; hexxono dimudhanno; xeertote noo daga isi kulannore macciishshite quqquxantanno» yaanno.

ISAYAASI 42:5

Gordo kalaqe, qaccetenni qaccete geeshsha diriirsinohu, baattonna aanase noore baala kalaqe, mannahono lubbonna foole worinohu, Maganu Kaaliiqi,

ISAYAASI 44:24

Amakki godowi giddo kalaqinohehu gatisaanchikki Kaaliiqi, «Baalankare kalaqoommohu, gordonna baatto calli'ya diriirsoommohu, ani Kaaliiqaati.

ISAYAASI 51:13

Baatto xintoommohanna gorduwa diriirsoommoha, kalaqaancho'ne ane Kaaliiqa habbinoonni. Gudda'nera ka'inoriha kaajjaddu hanqo waajjitinoonni; kunni ka'a insa hanqi assanno'neri dino.

ISAYAASI 66:1

Kaaliiqi, «Gordu ayirrinyu barcima'yaati; baattono lekka'yanni kaxxeemmowaati. Anera mintinannie mini hiittoohoyya? Fooliishshi'reemmo dargino hiittooho?

ERMIYAASI 10:12

Kaaliiqa ati, wolqakkinni baatto kalaqootto; egennokkinni kalqe xintootto; afakkinni gordo diriirsootto.

ZAKKAARIYAASI 12:1

Gordo diriirsinohu, baatto kalaqinohu, mannahono heeshshote foole uyino Kaaliiqi Israeelete soyino sokka,

KIIRO 13:33

Nefiliimi yinannire Enaaqi gosa hakko anfoommo. Insa mule ninke koro'miisu geeshshire ikkinoommo; insano hakko garinni la'inonke» yitu.