ISAYAASI 40:11 - Qullaawa Maxaafa

¹¹ Allaalaanchu gede hoshshasi towatanno; wilii'le isiwa gamba asse hanqafanno; amuuwansano wodaninni shiikkanno.

ISAYAASI 40:11 ပူးပေါင်းရင်းမြစ်များ

KALAQAMA 33:13

Yaiqoobi kayinni, «Mooticha'ya, ooso jawaattinore ikkitinokkita ati afootto; qansidhanno saadara, wilii'linsaranna siittinsara qoropha hasiissannoe; mitto barra nafa muddine ganniro saada baalanti gooffanno.

KALAQAMA 49:24

Kayinnilla, jawaatu Yaiqoobi Magani wolqanni, allaalaanchu Israeelete agaraanchinni, digaanikki kaajjado ikkanno; wolqakkino jawaattanno.

FAARSO 100:3

Kaaliiqi Magano ikkinota egenne; kalaqinonkehu isooti; ninkeno isireeti; ge'reewu gede asse allaalannonke mannasiiti.

FAARSO 27:10

Anni'yanna ama'ya agurtuero nafa, Kaaliiqi towatannoe.

FAARSO 28:9

Mannakki gatisi; utuwakkino maassi'ri; allaalinsa; hegere geeshsha hanqaffe amadinsa.

FAARSO 37:3

Uullate aana keere hee'ratto gede, Kaaliiqa addaxxi; dancha coyeno assi.

FAARSO 80:1

Yooseefi sircho ge'reewu gede massagattohu, Israeelete allaalaancho ballo, macciishshinke! Kirubeeli iimaanni ayirradu barcimikkira ofolte leelli.

ISAYAASI 42:3

Dabbino shomboqqo nafa dihiiqqanno; ba"ara rahino caabbichono dixoyissanno; ammanamatenni taashshe gashshanno.

ISAYAASI 63:11

Hakkunni gedensaanni albita Muse yanna qaaggu; saadansa ledo baaru giddoonni qole sayisinsahu hiikki? Qullaawa Ayyaanasi giddonsa wori Magani hiikki?

ERMIYAASI 31:10

Ki'ne daga! Ani coyi'reemmore macciishshe! Yeemmore qaccete fafowa noorira, ‹Manna'ya billaallisoommo; xa kayinni gamba asse, allaalaanchu gede allaaleemmonsa› yiino, yitine lallabbe.

ERMIYAASI 31:8

Kune aliyye gobbanni abbeemmonsa; baattote qaccennino gamba asseemmonsa. Illiweelootu, naafootu, godowinni noorinna, gamaa'manni noori baalu ledonsa higanno; lowo gosa ikkite gobbansa higganno.

HIZIQEELI 34:15

Ani umi'ya ge'reewo'ya allaa'leemmo; garga'ranno dargano qixxeesseemmonsa. Ani Mootichu Kaaliiqi konne coye coyi'roommo.

HIZIQEELI 34:16

«Bainore hasi'reemmo; billaallinore gamba assi'reemmo; hiiqqaminore sisseemmo. Dhiwaminore xagiseemmo; misinorenna jawaatinore kayinni sammi yee agureemmo. Togo asseemmohuno ani taashshe laeemmo allaalaancho ikkoommohuraati.

HIZIQEELI 34:2

«Koo manchi beetto, Israeelete allaalaasinera, ani Mootichu Kaaliiqi yeemmore baala himanunni, «‹Saada towatanna allaala agurtine, umo'ne towaxxitinannirira ki'ne Israeelete allaalaasinera aanne'e!

HIZIQEELI 34:23

Soqqamaancho'ya Daawiti lawanno moote allaalete woreemmo; isino seekke allaalannonsa.

HIZIQEELI 34:31

Mootichu Kaaliiqi, «Ki'ne ge'reewi'ya, qanchi'ya hoshshaati. Ani Magano'neeti; ki'neno manna'yaati. Konne coye coyi'roommohu ani Mootichu Kaaliiqaati» yii.

HIZIQEELI 37:24

«Soqqamaancho'ya Daawiti lawanno moote gashshannonsa; mittu allaalaasinchiwa gamba yite seera'ya xeissukkinni agadhitanno.

MIKIYAASI 5:4

Isi daanno yannara, Kaaliiqiwiinni afi'ranno jawaantenninna xirchinni Kaaliiqi Maganu su'minni mannasi gashshanno. Lowimmasi gobbate qacce geeshsha egennantanno daafira, ga'resi massukkinni heedhanno.

MIKIYAASI 7:14

Kaaliiqa'ya ballo, ati dooroottota gosakki, Qermeloosi dubbi giddo calluwinsa ofoltinore mannakki, iqqikki ge'reewo siqqichokkinni allaali. Albi diri gede Baasaaninni Geleaadi geeshsha allaali.

ZAKKAARIYAASI 11:7

Ge'reewo hirtannoriranna hidhitannorira kiranya ikke gorrinara worroonni ge'reewo allaaleemmoha ikkoommo; 2 siqqo fushshi're, mitte, «Elto» yee, layinkita, «Mittimma» yee su'mise, ge'reewo seekke allaaloommo.

ZAKKAARIYAASI 13:7

Olantote Mootichi Kaaliiqi, «Bise! Baqqi yite, ledo'ya nooha allaalaasincho'ya gani! Hakkawoyite, ge'reewu billaallanno; manna'ya ani umi'ya gawajjeemmo.

IBIRAAWOOTA 13:20

Maganu Mootichanke Yesuusa reyotenni kayisino. Isi jawa ge'reewu Allaalaancho ikkinohu, hegere gondooro sumundoonnitenni kakkalamino mundee widoonni higeeti.

UMI PHEEXIROOSI 2:25

Ki'ne baino ge'reewi gede ka'anna kawa raataabbinoonni; xa kayinni lubbo'ne allaalaanchiwanna agaraanchiwa higginoonni.

UMI PHEEXIROOSI 5:4

Konne coye agadhitiniro, Qaru Allaalaanchi daanno yannara ba'annokkita ayirrinyu ba'latto adhitinanni.

YOHAANNIS AJUUJA 7:17

Ayirradu barcimi mereero noo Ge'rechi, allaalaanchonsa ikkanno. Heeshshote buichowa haa're massannonsa. Maganuno hindiiddo baala illensanni feyannonsa» yiie.