ISAYAASI 40:10 - Qullaawa Maxaafa

¹⁰ Kune Wo'munkura Aliidihu Kaaliiqi, jawa wolqasinni gashshara daanno. Daanno woyite afanshanna, loonsoonnirira aannore haa're daanno.

ISAYAASI 40:10 ပူးပေါင်းရင်းမြစ်များ

KALAQAMA 15:1

Hakkunni gedensaanni Kaaliiqi Abiraamira ajuujatenni, «Abiraami! Waajjitooti; wonqo ikke dano baalantenni agareemmohe; lowo maassono eemmohe» yaanna macciishshi.

FAARSO 110:6

Gosate aana yoo yaanno; olu xawono reeshsha calla assanno; baattote aana noo mootoolla baala gudanno.

FAARSO 66:3

Magano, «Loosikki dhaggenniho; wolqakkino lowota ikkitinohura, baarigaarrakki huxidhe waajjitannohe.

ISAYAASI 28:2

Kuneeti Mootichaho: Kaadete, hombobolattetenna wolqaataamu lolahi gede cancanannohu jawaatu manchi noosi. Kuni manchino roorresinni uulla qole kaachishe tugannonsa.

ISAYAASI 33:2

Kaaliiqa, mararinke! Ninke ate hexxineemmo. Barru baala agarinke! Qarru yannarano wodinke!

ISAYAASI 49:4

Anino aneneera, «Beebba daafuroommo; kaa'lannori nookkirira haafa wolqa'ya guxxoommo. Ikkirono ane coyi Kaaliiqi anga no; daafuri'yara uyinannierino Magani'yawa no» yoommo.

ISAYAASI 51:5

Rahe daye gatiseemmo'ne; ani qeeleemmo barri iillino; wolqa'yanni daga baala gashsheemmo. Giddichuwate heedhanno gosa, gatisammonsara ane agadhitanno; wolqa'yano hexxitanno.

ISAYAASI 53:12

Lubbosi reyote sayise uyino; bunshe assitannori ledo kiirroonnisi. Ikkeennano lowo manni cubbo duqqino; sao assitinori daafira araara eanno; jajjabbu ledo dilaalasi eemmosi; wolqaataammu ledo horro beeqqanno» yii.

ISAYAASI 59:15

Halaalu baino daafira, bunshetewiinni xooqannohu gawajjinanniha ikkanno» yii. Kaaliiqino halaalu bainota afe dadilli.

ISAYAASI 59:16

Gadadantinore kaa'lannohu mittuno nookkita afe maala'li; kunnira gadadantinore isi umisi wolqanni kaa'le, qeelle afidhanno gede assi.

ISAYAASI 59:18

Xeertote gobbara noori nafa gattukkinni, baarigaarrasi loosinsa garinni qorichishannonsa.

ISAYAASI 62:11

Kaaliiqi daga baalate, « ‹Tsiyoonira, gatisaanchikki daanno; mannaho aanno ba'raa'rino angasi no› yitine kulle» yee lallawi.

ISAYAASI 63:5

Wirri yee laeemmo woyite kaa'lannoehu dino; ha'lannoehano lae hoogoommo. Kunnira ani wolqaataamu hanqi'yanni, qeelle angara adhoommo.

ERMIYAASI 31:16

Wi'la'ne agurtine hindiiddo'ne fiidhe; ooso'ne diininsa gobbanni galagalte higganno waro, insara assitinoonni danchumma daafira, ani mulla diagureemmo'ne.

MILKIYAASI 3:1

Olantote Mootichi Kaaliiqi, «Doogo'ya biddi assanno gede soqqamaancho'ya balaxe soyemmo. Agadhitinoonni Mootichi, hedeweelcho Qullaawu Minisira daanno. La"ate quqquxantinanni sokkaanchi'ya daye gondooro'ya lallawanno» yaanno.

MAATEWOOSI 28:18

Yesuusi insawa shiqqi yee, «Roorre baala gordohonna baattote uyinoonnie.

YOHAANNISI 12:13

Kunnira saattu daro haa're Yesuusa haa'rara fule, «Galata Maganoho; Mootichu su'minni daannohu Israeelete Moote maassaminoho» yaanni qeexaa'li.

IBIRAAWOOTA 2:14

Mannu maalanna mundee afi'rinoha ikkino garinni, Yesuusino insa gedee manna ikke suudensa karsami. Hatto ikkinohuno, reyosi widoonni hige reyote aana roorre afi'rinoha Sheexaane hunara yeeti.

UMI YOHAANNISI 3:8

Daawuloosi bi'renni cubbo loosannoha ikkino daafira, cubbo loosannohu Daawuloosiho. Maganu Beetti dayinohu Daawuloosi looso diigaraati.

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.

YOHAANNIS AJUUJA 20:11

Hakkunni gedensaanni lowoha waajjo ayirrado barcimanna barcimu aana ofolle nooha afummo. Hatte yannara baattonna gordu albisinni xooqqu; higguwano dianfoonni.

YOHAANNIS AJUUJA 22:12

Xaano qole, «Kune ani rahe dayemmo. Mittu mittunkura loosisi garinni aammora, loosisi gumi anewa no.