ISAYAASI 4:5 - Qullaawa Maxaafa

⁵ Hatte yannara Kaaliiqi Tsiyooni Ilaaliranna hakkiicho gamba yite noorira baalaho barra gomicho, hashsha wiliilenna wala yaanno kiffala soyanno. Maganu ayirrinyi katama gudise guggushshe golanno.

ISAYAASI 4:5 ပူးပေါင်းရင်းမြစ်များ

NEHIMIYA 9:12

Barra gomichunni massagoottonsa; hashsha bubbanno giiranni doogo xawisoottonsa.

FAARSO 105:39

Gomicho dukkote gede asse golinsa; hashshirano xawaabba uyitanno giira qixxeessinsa.

FAARSO 111:1

Kaaliiqira galatu iillosi! Suwaddu xaadiwanna songote mereero, Kaaliiqa wo'mu wodani'yanni galaxxeemmosi.

FAARSO 78:14

Barra gomichunni, hashsha giirate xawaabbinni massaginonsa.

FAARSO 85:9

Ayirrinyisi baattonkera hee'ranno gede, isino ayirrissannosire gatisate qixxaawaho.

FAARSO 89:7

Keeraanote songo mereero Kaaliiqi ayirradoho; qooxeessaho noorira baalaho jawahonna waajjishannoho.

FULO 14:24

Duu'mo saaqqukkinni Kaaliiqi giiratenna gomichu heelliicho iima hee're Gibitsete olanto lae, garu ba"annonsa gede assi.

FULO 24:16

Kaaliiqi ayirrinye leellishannohu bilicci yaanno xawaabbi ilaalu aanira dirri. Gomichu ilaala 6 barra wo'ma guggushshi. Lamalki barra Kaaliiqi gomichu giddo hee're Muse woshshi.

FULO 26:1

«Ani galeemmowano fila heqonni gannoonnita bule, xiillittenna duume heqonni 10 dukko seekki; aanaho kirubeeli misilla goonde seekkinona.

FULO 26:7

«Dukkana gollannita 11 dukko meu ordanni seekki.

ISAYAASI 32:18

Maganu manni yaaddonna qarru nookkiha hee'ranno; mininsa keerunnihanna hobbaatenniha ikkanno.

ISAYAASI 33:20

Amma'note Ayyaanna ayirrisi'neemmowa, Tsiyooni Katama la'e! Keere hee'nanni dukkana Yerusaalame la'e! Ciffase horontanni dibuqqisanatanno; siibbaseno ditatta'anno; Yerusaalameno darginni milli diyitanno.

ISAYAASI 37:35

Ayirrinyi'ya daafiranna soqqamaanchi'ya Daawitira oommo hexxo daafira yee konne katama ani umi'ya gargare gatiseemmo» yee coyi'ri.

ISAYAASI 46:13

Keeraanchimma'ya abbanni noommo; barruno dixeerti'rino; gatisaanchimma'yano difaffino. Yerusaalameno gatiseemmo; Israeeleteno ayirrinye'ya uddisiiseemmo» yiino.

ISAYAASI 60:1

Yerusaalame! Caabbichikki dayinona ka'e xawisi'ri; Kaaliiqi ayirrinyino aanakki xawanno.

ISAYAASI 60:2

Kune tunsichu baatto, beebbu tunsichino daga beeshshe amadanno; Kaaliiqi ayirrinyi kayinni ate aana arrishshote gede xawanno.

MAATEWOOSI 18:20

Lame woy sase ikkitine su'mi'yanni xaaddinanniwa ani ledo'ne hee'reemmo» yiinsa.

MAATEWOOSI 28:20

Hajajoommo'nere baala assitanno gede rosiissensa! Kuneeti, gobbate goofimarchi geeshsha ani ki'ne ledo noommo» yiinsa.