ISAYAASI 4:3 - Qullaawa Maxaafa

³ Kaaliiqi dooreenna Yerusaalamete gattannore baala, qullaawa mannaati yinanninsa.

ISAYAASI 4:3 ပူးပေါင်းရင်းမြစ်များ

FAARSO 69:28

Heeshshote maxaafi giddonni huninsa; keeraanote ledo su'minsa borreessamoonke.

FAARSO 87:6

Kaaliiqi manna kiiranno woyite, mitto mittonka, «Tsiyooni ilantinoreeti» yaanno.

ISAYAASI 1:27

Ani Kaaliiqi halaalaancho ikkoommo daafira Yerusaalamenna giddose heedhannore cubbonsa aagintaabbannore gatiseemmo.

ISAYAASI 28:5

Hatte yannara Olantote Mootichi Kaaliiqi reyotenni gatinohura mannisira ayirrinyu ba'latto ikkannonsa.

ISAYAASI 35:8

Hakkiicho, Jawa doogo heedhanno; iseno, «Qullaawa Doogooti» yinanni. Tini doogo Kaaliiqi mannira ikkitanno; keeraa'minokkihu hakkaanni hige diha'ranno; hawanyu hakkaanni hige sa"ara diuyinannisi.

ISAYAASI 46:3

Kaaliiqi mannisira, «Ama'ne godowira heedhineenna duhoommo'nerinna, kaa'loommo'neri Yaiqoobi ooso macciishshe"e.

ISAYAASI 52:1

Tsiyooni kai! Baqqi yii! Wolqakkino uddi'ri! Qullaawa Katama Yerusaalame, ayirrado imaanakki uddi'ri! Kunni ka'a barcintinokkirinna keeraa'mitinokkiri, huxxikki giddora die'anno.

ISAYAASI 6:13

Tonnu giddonni mittu manchi gatiro nafa, jajjabba haqqe karreenna gatanno cifichi gedeeha ikkanno; gatino cifichi qullaawa wixa ikkanno» yiie.

ISAYAASI 60:21

Mannikkino keeraancho ikkanno; baattono hegere geeshsha ragi'ranno; galattannoe gede insa kalaqoommohunna kaasoommohu aneeti.

ISAYAASI 62:12

Hatti dagano, «Kaaliiqi Wodinoti Qullaawa Gosa» yitanno'ne; Yerusaalameno, «Maganu Baxinosetenna Agurinosekki Katamaati» yitanno.

HIZIQEELI 13:9

Ki'ne kaphu ajuuja la'inannirinna so'rote himana kultinanni himanaano, ane hanqinni digattinanni. Manni'ya malaho gamba yaanno yannara ledonsa diheedhinanni; Israeelete ilama ledo dikiirantinanni. Gobba'ne Israeele horonta dihigginanni; hatte yannara, ani Mooticha Kaaliiqa ikkoommota affinanni.

HIZIQEELI 43:12

Qullaawu Mini noo dargi qullaawu ilaali'ya qoromboonniha ikka hasiissannosi. Kuni Qullaawu Minira lowo geeshsha hasiisanno seeraati» yee coyi'rie.

IYUEELI 3:17

«Israeele, ki'ne hatte yannara, ani Kaaliiqi Magano'ne ikkoommota affinanni. Qullaawu Ilaali'yara Tsiyooni hee'reemmo. Yerusaalameno qullaawa katama ikkitanno. Kunni ka'a manni gobba manni dikadannose.

ABIDIYU 1:17

Baotenni gattannori Tsiyooni Ilaali aana heedhanno; Tsiyooni Ilaalino qullaawa ikkanno; Yaiqoobi ilama uminsa iqqa ragidhanno.

ZAKKAARIYAASI 14:2

Yerusaalame qassanno gede daga gamba asse abbeemmo; katama amaddanno; minna soqqanno; meentono amadde shollishshanno; mannu giddonni daratu qafadame ha'ranno; gatinohu kayinni katamunni difulanno» yaanno.

MILKIYAASI 3:16

Hatte yannara Kaaliiqa waajjitannorinna su'masi ayirrissannori insa insanaawa hasaabbu. Isino macca insa widira qoli; coyidhinoreno macciishshi. Hawantannokki gede su'mansa maxaafisira borreessi.

LUQAASI 10:20

Su'mi'ne gordu taje giddo borreessamino daafira ikkinnina, durriisu hajajamino'nehura hagiidhitinoonte!» yiinsa.

SOQQAMAASINETE LOOSO 13:48

Daga insa yituta macciishshite, lowo geeshsha hagiidhitu. Maganu qaaleno ayirrissu. Hegere heeshshora doorantinori baalu amma'nitu.

ROOMU SOKKA 11:4

Maganu ma yee dawarisi? «Ba"aali yinannihura kaphu maganira kumbuulinokkiha lamala kume manna gatisi'roommo» yiinosi.

ROOMU SOKKA 11:5

Xaa yannarano eltosinni doorantinoti shiima taraare no.

EFESOONI SOKKA 1:4

Albasiinni qullaawootanna arrasso nookkire ikkine hee'neemmo gede, kalqe kalaqantukkinni Kiristoosinni doorinonke. Baxillisinni kainohunni,

FILIPHISIYUSI SOKKA 4:3

Hakkiicho noottohu ati ammanamoottohu soqqanshote miila'ya: Anenna Qelentoosi, qoleno su'mansa heeshshote taje giddo borreessinoonniri wolootu soqqanshote miilla'ya ledo mitteenni Dancha Duduwo iillishate lowo geeshsha sharramino daafira, hakkore lamenka meento kaa'linsa.

QOLASIYAASI SOKKA 3:12

Xa Maganu doodhino manni gede qullaawootanna baxantinoonnire ikkitine mararro, joongille, shaqqille, shooshanqenna cinca, uddanote gede assitine uddidhe.

IBIRAAWOOTA 12:14

Mannu baalu ledo keere hee'ratenna qullaawoota ikkate jawaatte! Qullaambe nookkiha ayino Kaaliiqa la"a didandaanno.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

YOHAANNIS AJUUJA 13:8

Kalqe kalaqantara albaanni, gorramino Ge'rechi maxaafi heeshshonnihu giddo su'mansa borreessinoonnikkiri, baattote aana heedhannori baalu moyicho magansidhanno.

YOHAANNIS AJUUJA 17:8

Laitto moyichi bashshonni nooho; xa kayinni dino. Gedensaanni diimete giddonni fule baosi dargira ha'ranno. Kalqe kalaqantara albaanni su'mansa heeshshote maxaafi giddo borreessinoonnikkiri baattote aana heedhannori, moyichu bashsho nooha, xa kayinni nookkiha, gedensaanni qole daannoha ikkinota affanno woyite maala'litanno.

YOHAANNIS AJUUJA 20:15

Su'mansa heeshshote maxaafira borreessinoonnikkire baala giirate baari giddo tungi.

YOHAANNIS AJUUJA 21:27

Batte ikkino coyi horontanni hakkiira dieanno; batte loosannohunna kapho coyi'rannohu horontanni hakkiira dieanno. Hakkiira e'annori su'mansa heeshshonnihura Ge'rechu maxaafira borreessinoonnireetilla.

YOHAANNIS AJUUJA 3:5

Qeelinohu hattonni waajjo uddano tuulatanno; su'masino heeshshote maxaafi giddonni dihuneemmo. Anni'yanna sokkaasinesi albaanni farci'reemmosi.