ISAYAASI 37:3 - Qullaawa Maxaafa

³ «Ninkera tini qarrunna shettote yannaati; ilate yanna iilliteenna niixxe fushshi'ra hooggino mancho gede ikkine hee'noommo.

ISAYAASI 37:3 ပူးပေါင်းရင်းမြစ်များ

LAYINKI MOOTOOLLA 19:3

«Hiziqiyaasi, ‹Ninkera tini qarrunna shettote yannaati; shollinyuno amadanni noonke; ilate yanna iilliteenna niixxe fushshi'ra hooggino mancho gede ikkine hee'noommo.

LAYINKI DUDUWO 15:4

Qarru amadinsa yannara kayinni, Israeelete Magani Kaaliiqiwa alba higino; hasi'reno afi'rinosi.

FAARSO 50:15

Qarru barra woshshidhe"e; anino gatiseemmo'ne; ki'neno ayirrissinannie.

FAARSO 91:15

Woshshi'rannoe woyite, ‹Yee› yeemmosi; qarramanno yannara ledosi hee'reemmo; gatiseemmosi; ayirrado asseemmosi.

FAARSO 95:8

Akaakka'ne halalli gobbara Meriibanna Maasahi assitunte gede, ki'neno wodana'ne dilleessitinoonte.

ISAYAASI 22:5

Kuni Ajuujate Lagichi shettonniho; kakkadamannihonna hembeelamate dargaati. Kuni coyi ikkanno gede assinohu Olantote Mootichi Kaaliiqaati. Kataminke huxxi diigamino; kaa'lote raarranni raare ilaallate geeshsha leeltanno.

ISAYAASI 25:8

Mootichu Kaaliiqi reyo co'o asse hunanno; mannu baalunku albinni hindiiddo feyanno; mannisi kalqe baalate adhino shollinye aaninsanni hoolanno. Konne coyi'rinohu Kaaliiqaati.

ISAYAASI 26:16

Kaaliiqa, qarrantu yannara atewa daggino; seejjittonsa waro hashaashshe huuccidhino.

ISAYAASI 29:2

Mitto barra kayinni ani Kaaliiqi, «Kaaliiqi Kakkalo Dargaati» yinanni Katama shetiseemmo. Hakkiichi dadillunna wi'late darga ikkanno; katamuno mundee aanaho lolaansoonni dargi kakkalonnihu gedeeha ikkanno.

ISAYAASI 33:2

Kaaliiqa, mararinke! Ninke ate hexxineemmo. Barru baala agarinke! Qarru yannarano wodinke!

ISAYAASI 66:7

«Qullaawu Katami'ya, gamaa'mitukkinni iltanno mancho gedeeho.

ISAYAASI 66:9

Iltanno yanna iillitannose gede assoommota ila hooleemmoni? Godobbanno gede assoommotera otootto cufeemmoni? Konne coye coyi'roommohu ani Kaaliiqaati» yii.

ERMIYAASI 30:7

Bayisibao! Hakku shettote barri daanni no! Hakko barri gedeehu wolu dino. Ki'ne Yaiqoobi ilamara qarru barraati; ani kayinni hakkiinni gatiseemmo'ne» yii.

HOOSEI 13:13

Israeelete lubbotenni hee'rate hexxo noonsa. Kayinnilla ilamanno barri iillanno woyite amasi godowi goddonni fulara hasi'rannokki qaaqqi gede gowwoota ikkitino.

HOOSEI 5:15

«Loossino sao egente anewa higga geeshsha insawiinni horonta fafe ha'reemmo. Assitino saonni qarru bati'rinsaro, miteekkite hasidhannoeha ikkanno» yii.

HOOSEI 5:9

Qorichu barri daanno yannara, Israeelete gobbara mitturino gatikkinni shakki yee goofanno. Kuni coyi Israeelete aana ikkikkinni gatannokkita egensiiseemmo.

YOHAANNIS AJUUJA 3:19

« ‹Ani baxeemmoha baala seejjeemmo; qorichisheemmono. Kunni daafira diinaggaawoottoha ikki! Cubbokkino aagintaawi!