ISAYAASI 32:6 - Qullaawa Maxaafa

⁶ Hawanyootu haware coyidhanno; wodaninsa bunshe malanno. Kaaliiqi coye kaphoho soorrite so'ro halashshitanno; hudidhinorira sagale diuyitanno; goodhinorira waa dihayikkissanno.

ISAYAASI 32:6 ပူးပေါင်းရင်းမြစ်များ

FAARSO 141:4

So'ro loosate halchonninna, haxawarrootu ledo hoshshawiinni agarie; jilinsara karsameemmokki gede shawwu assie.

LAWISHSHA 19:3

Mannu umisi gowwimmanni heeshshosi hu'nanno; wodanisinni Kaaliiqa abbooshshi'ranno.

LAWISHSHA 24:7

Gowwaho egenno xeertidhe no; danchare hasaambanni woyiteno yee afannori dino.

ISAYAASI 10:2

Buxanete halaale beeshshitinannirira, galte shii'rinorenna amanna anna afidhinokkire tootayyeessitinannirira aanne'e!

ISAYAASI 10:6

Ane hanqissinoonnirira maganiweelootaho, jajja'ne saante gudde ki'ne doogote sabbi gede assite ceellagganno'nere Asooroota soyemmo'ne» yaanno.

ISAYAASI 26:10

Elo assiteennansano bushu manni danchare loosa dirosanno; keeraanchimma wo'mitino gobbara nafa hee're, bunshe loosa diaguranno; ate lowimma nafa dibuuxanno.

ISAYAASI 3:15

Manni'ya mikita hiiqqatenna buxane gadadisate ayi fajji'ne? Konne coye coyi'roommohu ani Olantote Mootichi Kaaliiqaati» yii.

ISAYAASI 31:2

Kaaliiqi kayinni hayyichaho; bao abbannohuno isooti; yiinoreno diaguranno. Bunshe assanno manni aananna, bunshe assitannore kaa'litannori aana ka"anno.

ISAYAASI 59:13

Atera maahoyye gimbe badhe wodhinoommo; ate hoodeno ha'ra agurroommo. Woloota gadadinse ateno agurre ha'noommo; hendeemmorinna coyi'neemmori baalu kaphohonna so'rote.

ISAYAASI 59:7

Lekka'ne cubbo loosate doddanno; keeraancho manna shaate rakkanno. Wodani'nenni bunshe heddinanni; martiniwa baala diigginanninna huntinanni hadhinanni.

ISAYAASI 9:17

Kunnira, Mootichu wedellansa qorichishanno; galte shii'rino meentonna annanna ama afidhinokki ooso dimararanno; baalunku Kaaliiqira badhe wodhino. Afiinsanni fulanno coyi baalu xagarrote. Insa qorichishate angasi ka'inowiinni dihiggino; tenne giddoonnino hanqisi diqiidino.

ERMIYAASI 13:23

Halaalinta Itiyophiyichu danasi, woy dagunchu muraamurrimmasi soorri'ra dandaannoni? Ki'neno rossinoonni bunshe agurranna, danchumma assitine affinannini?

HIZIQEELI 34:18

Miti miti'ne dancha hayisso ittineno diduubbinoonni; ittinannikki hayisso kakkaddine huntinanni; xalala waa aggine gatinoha boo'reesitinanni.

DAANIEELI 12:10

Lowo manni ko'rishantenna ximbiiwante fulte kullanniri nookkire ikkitanno. Haxawarrootu kayinni mittoreno wodanchitannokkihura bunshete aana bunshe leddanno. Wodancha dandiitannori egennaamma callaho.

AMOOTSI 8:6

Kura qamadete waagira hirreemmo; asale qola hoogino buxichonna, koattete woxe baata hooginoha, borojjimmate hidhineemmo» yitanno.

MAATEWOOSI 15:19

Hakkuri: busha hedooti, manna shaate, foorrete, baashaawate, moorate, beebba coyi'rate, mannu su'ma hunate; kuri baalu mannu wodani giddonni fulanno.

MAATEWOOSI 23:13

Qoleno, «Mannu Gordu Gashshoote eannokki gede waalcho cuffinanniri lawisiisaano, Seeru rosiisaanonna Farisootu, ki'nera aanne'e! Ki'ne die'inanni; ea hasidhannoreno e'annokki gede assitinanni.

YAIQOOBI 1:27

Maganu Annu albaanni keeraanchonna battaabbinokki amma'no: Annanna ama shiidhino ooso, hattonni galte shii'rino meento kaa'la, tenne gobba ishinchiwiinni meessaneete agadhate.

UMI SAAMUEELI 24:13

Albi yannara, ‹Bunshe bushu mannilla loosanno› yinanni daafira, xaano anga'yanni ate dikiseemmohe.