ISAYAASI 32:3 - Qullaawa Maxaafa

³ Hatte yannara, la"anno manni ille fa'nantanno; macciishshanno manni macca macciishshitanno.

ISAYAASI 32:3 ပူးပေါင်းရင်းမြစ်များ

ISAYAASI 29:18

Hatte yannara macciweelootu nabbambanninsa maxaafa macciishshitanno. Tunsichoho heedhanno illiweelooti illensa fa'niteenna la'anno.

ISAYAASI 29:24

Garu baino manni afa lexxanno; wo'manka woyite gunguntannori kulloonnire adhitanno» yii.

ISAYAASI 30:26

Kaaliiqi madiissinoha mannasi hursanno waro, aganu arrishshote gede xawanno; arrishshono albinni roore 7 ero xabbanno. Xawaabbiseno 7 barri xawaabbi geeshsha ikkanno.

ISAYAASI 42:16

Balloota hadhe egentinokki doogo, affe egentinokki faro qole haa're ha'reemmonsa. Albansaanni noo tunsicho xawaabba asseemmo; gudaagundo ikkino darga taashsheemmo. Konne coye baalanka coyi'roommohu aneetina, wonshummokkinni diagureemmo.

ISAYAASI 54:13

«Oosokki baala ani Kaaliiqi rosiiseemmo; oosokki keerino bati'rinoha ikkanno.

ERMIYAASI 31:34

Ajuno akkaluno egennannoe daafira, jaalasi woy rodoosi, ‹Kaaliiqa egenni› yee rosiisannohu dihee'ranno; saonsano agureemmonsa. Hakkunni gedensaanni cubbonsa diqaageemmo. Konne coye coyi'roommohu ani Kaaliiqaati» yii.

MAATEWOOSI 13:11

Isi qole, «Ki'nera gordu gashshooti maana afate hayyo uyinoonni'ne. Insara kayinni diuyinoonninsa.

MAARQOOSI 7:37

Macciishshituri lowo geeshsha maala'lite, «Isi baala coye seekkino. Macciweelu maccatenni afanno gede, danqichuno coyi'ranno gede assanno» yitu.

SOQQAMAASINETE LOOSO 26:18

Illensa fanattonna tunsichunni xawaabba fushshattonsara, Sheexaanu gashshooti giddonni Maganunniwa qolattonsa gede asseemmohe. Insa ane ammanansanni cubbu maaro afidhanno; doorantinori ledono iqqa adhitanno.›

LAYINKI QORONTOOSI 4:6

«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.