ISAYAASI 32:2 - Qullaawa Maxaafa

² Mootenna ledosi gashshaano, mannu bubbetenna wishotenni go'lannowa ikkitanno. Halallitte gobbara lolahanno wayinna, molo baattora noohu lowo kinchi gede caale ikkitanno.

ISAYAASI 32:2 ပူးပေါင်းရင်းမြစ်များ

FAARSO 143:9

Kaaliiqa'ya agarattoe gede atewa dayemmona, diinna'yawiinni gatisie.

FAARSO 32:7

Ati anera maaxameemmo dargaati; qarrunni agarattoe; gatisaanchimmakkinni gaangeessoottoe daafira, qoonqo'ya naggi asse faarsi'reemmohe.

FAARSO 63:1

Magano'ya! Ati anera Magano'yaati; ani ate lowo geeshsha sinsinnaawoommo; manninati'ya ate yoranno; waa hoogge buko ikkite mooltino baatto gede lubbo'ya ate goodhanno.

FAARSO 91:1

Wo'munkura Aliidiha golosi assi'rannohu, Wo'manka Dandaanno Magani hunda caa'lanno.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 16:3

Moaabi sokkaano Yihudu mannira, «Hanni assineemmore kullenke; barru taalootira caali'ne hashshi tunsichi gede ikke golonke.

ISAYAASI 25:4

Diinu foorari dambalu gede, kinchu huxxa xiiwanno daafira, buxanetenna qarraataammaho irkidhannowa, hombobolatte dagganno yannara golo, arrishshote fooggalira caale ikkoottonsa.

ISAYAASI 28:17

Taashsha, bikkinanni siiwo asseemmo; keeraanchimma qole, sumbete heelliicho asseemmo. Golo assidhinoonni kapho kaade gantanno; maaxantinanniwano lolahu adhe sa"anno.

ISAYAASI 41:18

Moola gaarrara wayibba lolakkanno gede asseemmo; laggateno bu'a fultanno; halallitte gobbara wayi eelanno gede asseemmo; moola baattora xashshu lolahanno.

ISAYAASI 43:19

Kune haaro coye asseemmo; isino xaanni mu'ranno; ki'ne diegentinoonni? Halallitte gobbara doogo, moola baattora waa fushsheemmo.

ISAYAASI 43:20

Galata'ya kulanno gede doodhoommo manni aganno gede, halallitte gobbara waa, moola baattora xashsho lolaaseemmo waro, dubbu moyichi, yeedaalanna balguduno ayirrisannoe» yaanno.

ISAYAASI 44:3

«Goodhino baattora waa eemmo; moola baattorano xashshu lolahanno gede asseemmo; oosokki aana Ayyaana'ya duneemmo; oosokki oosorano maasso lolaaseemmo.

ISAYAASI 7:14

Kunnira, Mootichu umisi malaate aanno'ne; kuneeti seemo godobbe labbaa beetto iltanno. Su'mano, ‹Amaanueeli› yite fushshitannosi.

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

ERMIYAASI 33:14

Kaaliiqi, «Israeeletenna Yihudu mannira oommota dancha hexxo wonsheemmo barri daanni no.

ERMIYAASI QURTO 4:20

Horritannonkeri baaluwiinni gatisannoha, Kaaliiqi doorinoha, lubbonkera hexxinoommo moote qafaddino.

ZAKKAARIYAASI 13:7

Olantote Mootichi Kaaliiqi, «Bise! Baqqi yite, ledo'ya nooha allaalaasincho'ya gani! Hakkawoyite, ge'reewu billaallanno; manna'ya ani umi'ya gawajjeemmo.

YOHAANNISI 7:37

Ayyaana ayirrinsannihu gumulotenna lowo geeshsha ayirradu barrinni, Yesuusi uurre qoonqosi naggi asse, «Waa goo'rinohu hee'riro anewa daye ago.

UMI XIMOOTEWOOSI 3:16

Amma'nonke halaali, huluullo nookkiha jawaho. Hakku halaalino, «Manna ikke leellinohu; halaalaanchimmasi Qullaawu Ayyaaninni egennantinohu; sokkaasinete leellinohu; manna baalaho kulloonnihu; alamete aana noo manni ammaninosihu; ayirrinyunni gordo ha'rinohu» yaannoho.

YOHAANNIS AJUUJA 22:1

Hakkunni gedensaanni sokkaasinchu Maganunna Ge'rechu barcimi ayirraduwiinni fulannoha hincilaallote gede xawannoha heeshshote wayi xashsho leellishie.