ISAYAASI 3:8 - Qullaawa Maxaafa

⁸ Yerusaalame sarraaqante doogote aana no; Yihuduno uwara rahe no; coyinsanninna loosinsanni Kaaliiqa fonqolte ayirrinyesi shotissino.

ISAYAASI 3:8 ပူးပေါင်းရင်းမြစ်များ

LAYINKI DUDUWO 28:18

Hatte yannaranni, Filisxeemootu galchimi gaarra hundanna wodiidoonni noo katamma qasse, Beetesaamisa, Ayalooni, Gederooti, Sooko, Temina, Gimizo katammanna qooxeessaho noo qachuwa baala amadde hakko heedhu.

LAYINKI DUDUWO 33:11

Kunnira Kaaliiqi Asoori olanto Yihuda horritanno gede assi. Olantono Minaase qafadde sanosira qoroora gante camote cagaagenni usurte Baabilooni haadhe hadhu.

LAWISHSHA 26:27

Woleho bale umannohu, u'minotera isinni umanno; wolu aanira kincho gongo'mishannohura, kinchu aanaho jigannosi.

ISAYAASI 1:7

Kuneeti gobba'ne ona ikkitino; katamma'neno giirante gooffino; loosidhinanni bayichono ille'ne la'anna allaggu wole gobba manni adhanno; baalanka coye gudde baatto'ne noori nookkita assitanno.

ISAYAASI 49:19

«Diigante mulla darga ikkittaro nafa, xa galagale higannohu mannikki wo'me ruukkamanno; diigginoherino atewiinni xeertidhe hadhanno.

ISAYAASI 57:4

Ki'ne aye haariintinanni? Qacifattinannihunna arrassitinannihuno ayeti? Ki'ne haxawarrootanna kaphaasine di"ikkitinoonni?

ISAYAASI 59:3

Anga'nenna qubbe'ne mundee callate; afii'nenna arrawi'ne kaphonna cubbo coyi'ranno.

ISAYAASI 6:11

Anino, «Mooticha'ya, kuni coyi mageeshshi yanna keeshshanno?» yee xa'moommo. Isino qole, «Katamma diiganteenna hee'rannohu hoogeenna gobba ona ikkite gatta geeshshaati.

ISAYAASI 9:17

Kunnira, Mootichu wedellansa qorichishanno; galte shii'rino meentonna annanna ama afidhinokki ooso dimararanno; baalunku Kaaliiqira badhe wodhino. Afiinsanni fulanno coyi baalu xagarrote. Insa qorichishate angasi ka'inowiinni dihiggino; tenne giddoonnino hanqisi diqiidino.

ERMIYAASI 23:36

Kaaliiqi duhaati yitine coyidhinoonte; togo yaannohura qaali'ya addinta duha ikkannosi gede asseemmo. Ki'ne ane heeshshote Maganihanna Olantote Mootichi qaale shokkishshinoonni.

ERMIYAASI 26:18

«Morisheeti Katamihu Mikiyaasi Yihudu moote Hiziqiyaasi yannara himanaanchoho. Isino Yihudu manni baalunkura, Olantote Mootichi Kaaliiqi, ‹Tsiyooni loosi'nanni gati gede ikke hawuuramanno; Yerusaalameno diingoonni duuno gede ikkitanno; Qullaawu Mini noo gaarino dubbo ikkanno› yee coyi'rino.

ERMIYAASI 26:6

Yoommota ikkitinannikkiha ikkiro, konne mine Seelo assummo gede asseenna konne katamano baattote aana noo gosa baala rumonniha assite kiirtanno» yii.

ERMIYAASI 4:13

«La'e kuneeti diinu olanto, gomichu gede ikkite tunsiisse dagganni no; olunniti faradu gaarensano hombobolattetenni roore rakkannote; faraduno risu gede buuwannoho. «Ki'ne hatte yannara, ‹Bayisibao ba'nummo› yitinanni.

ERMIYAASI 44:3

Kuni ikkinohuno, bunshe assatenni hanqissinoe daafiraati. Kaphu magannarano kakkaltino; insa ki'neno akaakka'neno egentinoonnikki maganna magansidhino.

ERMIYAASI QURTO 1:9

Battaawase reqecci yite leeltino; ise kayinni daannose coyi daafira, bashshi nafa diassitino. Uwase jaddote; sheshifachishinosehu mittuno dino. Diinna qeeltinoena, Kaaliiqa qarra'ya lai!

HIZIQEELI 8:12

Maganuno, «Koo manchi beetto, Israeelete geerri maaxante assitannore afitto? Misilla wo'mitino holge e'e kumbuultanno. Qolteno, ‹Kaaliiqi diafannonke; gobbankeno horonta facci asse agurino› yitanno» yiie.

HIZIQEELI 9:9

Maganuno, «Israeeletenna Yihudu manni lowo geeshsha busha cubbo loosatenni sao assino; baatto baalate aana shaa batidhino. Yerusaalameteno maqqaallo batidhino. Qolteno, ‹Kaaliiqi gobbanke hawino; ninkeno la"a agurinonke› yitino.

HOOSEI 5:5

Israeelete mannira uminsa adawarshi naqqasannonsa. Cubbinsano guficho ikke tugannonsa; Yihudu mannino insa ledo gufi're uwanno.

HOOSEI 7:16

Anewiinni faffe kapho magansi'rate higgino; alaama so'rinohu shokkashshu digaani gede ikkitino. Roorrootinsano busha coye coyi'ratenni kainohunni bisetenni ganneenna reyitanno. Gibitsootuno qacifattannonsa» yii.

MIKIYAASI 3:12

Kunnira, ki'nenni kainohunni Yerusaalamete Katami loosi'nanni darga ikke gatanno. Diigame duuno ikkanno. Qullaawu Mini minamino ilaalino dubbo ikkanno.

MIKIYAASI 6:12

Mereero'ne noore buxane gadadissino. Wo'munku kapho coyidhinannireeti.

IMBAAQOOMI 1:13

Illekki lowo geeshsha keeraancho ikkitinohura busha coye dila'anno. Atino busha coye assinanna la'e dicincatto. Hatto ikkina, kore haxawarroota hiitto sammi yite la"attoyya? Cubbaataammu insawiinni woyyinoha dancha manna huntanna mayira sammi yaattoyya?

UMI QORONTOOSI 10:22

Hatto assine Mooticha hinaasiinsoni? Ninke isinni roore jawaanteemmoreetini?

YIHUDA 1:15

Hakkore Magano magansidhannokkire, assitino bunshenni qorichishannonsa; haxawarrootahonna cubbaataamma baalaho, assitanno bunshe baalatenna Maganu aana coyidhanno saora yoo yaannonsa» yee coyi'rino.