ISAYAASI 3:7 - Qullaawa Maxaafa

⁷ Isino qoonqosi naggi asse, «Anerano mine'ya ikkitanno sagale woy imaanu nooekki daafira, albisa ikke gashshammo'nera didandeemmona doortinoonte"e» yee dawarannonsa.

ISAYAASI 3:7 ပူးပေါင်းရင်းမြစ်များ

KALAQAMA 14:22

Abiraamino, «Gordonna baatto kalaqinohu Wo'munkura Aliidi Magani Kaaliiqi afanna,

ISAYAASI 58:12

Ki'ne manni'ya diigaminore baala galagalchitine uurrissinanni; kunnira, ‹Huxxa galagalche huxxannohonna, diigantino minnano layinkimeeshsho minanno mannaati› yinanni'ne» yii.

ERMIYAASI 14:19

Yihuda co'onta giwittoni? Tsiyooni manna tiyyi'rittoni? Ka'neemmokki gede assite, mayira gawajjittonke? Keere afi'neemmo yine hexxinoommo; kayinnilla mittono dancha coye diafi'noommo; hurreemmo yine hexxinoommo; ikkollana yaaddo callalla lexxitinonke.

ERMIYAASI QURTO 2:13

Yerusaalame! Baxamootta Yerusaalame! Kunni ka'a mayeemmo? Hiitto asse sheshifachisheemmohe? Togo shetinohu horonta wolu dino; dagginohe bao lowo baari gede dannu dinoote; hexxo assi'rattari mitturino dino.

HIZIQEELI 34:4

Daafurinore ditowattinoonni; dhiwaminore dixagissinoonni. Hiiqqaminore disissitinoonni; billaallinore gamba diassitinoonni; bainore dihassinoonni. Hatto assa agurtine, wolqatenninna jaddotenni ce'inoonninsa.

HOOSEI 5:13

«Israeeli dhiwamasi, Yihudu madi'rasi afi woyite, Israeeli albasi Asoori widira higi. Kaa'lo afi'rate jawiidi mootewa manna soqqi. Kayinnilla isi gatisansara woy madansa hursara didandiino.

HOOSEI 6:1

Israeelete manni, «Amme, Kaaliiqiwa hingona! Isi hiiqqinonkente gede, isinni sissannonke. Isi madiissinkente gede, isinni madankera gaga ganannonke.

IYUEELI 1:16

Gidinke ba"anna dadillunni la'neemmo. Qullaawaho Maganinke Kaaliiqi Minira, jilunna hagiirru dino.

MARRO 32:40

Hegerera hee'reemmoha ikka'yanni, anga'ya ale qole kayise xaareemmo.