ISAYAASI 3:24 - Qullaawa Maxaafa

²⁴ Kunnira su'naa agure bowannore, dancha qu'ne agure siiwotenni qodhannore, naannote darga umu luqqainore, aanaanni uddi'nanni imaani darga xiddunniha uddi'rannore, xumille hoole boddimma woreemmonsa.

ISAYAASI 3:24 ပူးပေါင်းရင်းမြစ်များ

ASTEERI 2:12

Meento mitto diro wo'ma biifinsanna keeshshino. Hakkuno uurrinsha suwe manninate biifanno gede umiha 6 agana kaarbetenninna zayitetenni xixxiimbanni; layinkihu 6 aganirano balisaami yinannitenni su'niitanno shittonni xixxiimbanni. Hakkunni gedensaanni mitte mittenti bado badotenni moote Arxekisiisiwa eanno gede assinanni.

IYYOOBI 16:15

«Wo'manka woyite xiddu uddano uddi'roommo; qeelame bukote aana diriiroommo.

LAWISHSHA 31:24

Uddanonna hiito angasenni gante, daddalaasinete hirtanno.

LAWISHSHA 7:17

Aanaho kaarbetenni, almuuninna qarafa yinanni haqqenni seekkinoonni su'nare giggishshoomma.

ISAYAASI 15:2

Dibooni mannino magannansa mine wi'lara gaarrate aanira fulanno. Moaabi mannino katammansa Nebonna Medeba daafira lowo geeshsha dadille wi'lanno. Dadillitino daafira, umonsanna ereedansano meexxitanno.

ISAYAASI 15:3

Anfannihu baalu xiddu uddano uddi'rinoho. Minu aananna gudumaaleho baalunku hindiiddi'ranni wi'lanno.

ISAYAASI 22:12

Hatte yannara Olantote Mootichi Kaaliiqi, umo meexxitinanni gedenna, xiddu uddano uddidhine wi'litinanni gede woshshino'ne.

ISAYAASI 4:4

Kaaliiqi wolqasinni Yerusaalamete xurenna mundee hayishshe hoole keereensanno.

ISAYAASI 57:9

Shittonna buuro buudhitine Molooki magansidhinara hadhinanni; mala kultanno'ne gede ekerranniwa sokkaancho soqqitinanni.

ERMIYAASI 4:8

Ani Ermiyaasi Israeelete mannira, «Xaa geeshsha Kaaliiqi hanqe noonkena, xiddu imaana uddidhine, dadillitine wi'le» yoommonsa.

ERMIYAASI 48:37

Ereeda mudhite, umono meexxite, anga bicidhe xiddu uddanono uddidhino.

ERMIYAASI 49:3

Katami'ne diigamanno daafira, Hasebooni heedhinanni manni wi'le; Gayi katamino diigamanno. Molooki magani'ne, qeesooti'nenna roorrooti'ne ledo qafadamaraatina, ki'ne meentu garu baeenna'ne raataabbinanni wi'le; xiddu uddano uddidhine manchitte.

ERMIYAASI 6:26

Kaaliiqi mannisira, «Guda'nera dayino diini, hedeweelcho bala tuga'neraatina, xiddu uddano uddidhine buluulu aana ofolle! Afi'rinoha mitto beetto shii'rino manchi gede, hururantine wi'le.

ERMIYAASI QURTO 2:10

Yerusaalamete geerri xiddu uddano uddidhe, umoho buluulo giggishshidhe, sammi yite bukote aana ofoltanno. Yerusaalamete seennino haxo heeshshi yee uulla la"anno.

HIZIQEELI 27:31

Atera dadillite umo meexxite, xiddu uddano uddidhanno; wodaninsanni lowo geeshsha hururante wi'litanno.

HIZIQEELI 7:18

Xiddu uddano uddidhe waajjite huxidhanno; baalunku saalfattanno; hexxo mudhite umo meexxitanno.

IYUEELI 1:8

Kunnira, huucci'rinohu reennase, xiddu uddano uddidhe wi'litannote gede, ki'neno hatto ikkitine wi'le.

LEEWAAWOOTA 26:16

anino hedeweelcho masille, ille hunannohanna manninate maniissannoha fooggashshannohanna shetisanno dhibba abbeemmo'ne; gide beebballa wixidhinannina loosidhinoonniha diini'ne itanno.

AMOOTSI 8:10

Diru ayyaani hagiirri'ne dadilleho, faarso'neno wi'late soorreemmo. Afidhino beetto shiidhe wi'litannori gede, umo meexxitine xiddu uddano uddidhinanni gede asseemmo; hakko barri goofimarchi qaraaro ikkanno» yoommo.

MIKIYAASI 1:16

Ki'ne Yihudu manna! Ooso'ne qafadante hadhanno daafira, baxxinanni ooso'nera manchittine umo'ne meexxe. Umi'neno doowirchu umi gede bulla ikko.

MARRO 28:22

Kaaliiqi ba'ina geeshsha shotisanno dhibbinni, fooggalunni, darshetenni, moolletenni, shawalletenninna shammetenni gananno'ne.

MARRO 32:24

Hude guddannonsa; buwanno fooggali itannonsa. Shettote dhibbinni reyitanno; gawajjannonsa gede dubbu moyicho, iddannonsa gede harfaamo hamaso soyemmo.

UMI PHEEXIROOSI 3:3

Ki'ne biinfilli umo shura assi'ratenni, culka irri'ratenninna maareekote uddano uddi'ratenni gobbayidi seesiha ikkoonke.

YOHAANNIS AJUUJA 11:3

Lamunku farci'raasine'ya xiddu uddano uddidhe, 1,260 barra sokka'ya kultanno gede soyemmo» yinie.

YOHAANNIS AJUUJA 16:9

Mannano iibbillu giiri. Tenne qoomamma aana roorre afi'rino Magani su'ma xontu. Cubbinsanni gaabbite higanna Maganoho ayirrinye aano gibbu.

YOHAANNIS AJUUJA 18:9

Ise ledo foortannorinna la'ma heeshsho heedhinori baattote aani mootoolla, ise giirantanna fultanno wiliile la'anno woyite raarte wi'litanno.