ISAYAASI 3:14 - Qullaawa Maxaafa

¹⁴ Kunnira mannisi albisootanna amaalaasine yoonniwa shiqqi asse, «Woyinete laalo gatissinikkinni mucuqqi assitine gudhitinoonni; buxanetewiinni wolqatenni haa'noonni jiro mine wonshidhinoonni.

ISAYAASI 3:14 ပူးပေါင်းရင်းမြစ်များ

IYYOOBI 22:4

Iso ayirrisoottoha ikkoommero rufannoheni? Yoote haa're shiqishannoheni?

IYYOOBI 24:14

Manna shaannohu soodikkinni gute ka"anno; qarraataammanna buxane shaanno; hashshano mooraho ha'ranno.

IYYOOBI 24:9

«Bushu manni, anniweelo qaaqqo unuunu qarrinni wolqatenni adhanno; qarraataammu ooso amadote adhanno.

IYYOOBI 34:23

Maganu ayerano yoo yaara barra diamadanno.

FAARSO 10:9

Doobbiichu gede citu giddo maaxame agaranno. Buxicho amadara rie agaranno; woshshaadosinni amade goshooshe haa're ha'ranno.

FAARSO 14:4

Kaaliiqi, «Manna'ya sagalimma ittannorinna, ane magansidhannokkiri, woyyanno coye afa hasiissannonsani!» yaanno.

FAARSO 143:2

Mittuno keeraanchu nookkita ati afoottona, ane soqqamaanchokki yoote shiqishshootie.

LAWISHSHA 30:14

Hinko bisete gedeeri, kelta billawu gedeerinna, buxanenna gadadaamma marartannokkiha miiccannori no.

ISAYAASI 10:1

Manna'ya gadadisate kaajjado seera fushshitinannirira anne'e!

ISAYAASI 10:2

Buxanete halaale beeshshitinannirira, galte shii'rinorenna amanna anna afidhinokkire tootayyeessitinannirira aanne'e!

ISAYAASI 11:4

Buxanete taashshe coyi'ranno; qarraataammaho halaale fushshanno. Isi hajajonni mannu qorichishamanno. Bunshe loossannore afiisinni fulanno qaali shaanno.

ISAYAASI 14:30

Lowo geeshsha buxinohu irki'rannowa afi'ranno; gadadaammuno fafisidhe heedhanno. Ki'nera kayinni hude abbeemmo'ne; hudeno mittono gatissukkinni guddanno'ne.

ISAYAASI 26:6

Gadadante heedhinori aanasiinni higge hadhanno; buxaneno lekkansanni kakkaddanno.

ISAYAASI 29:19

Jooguullunna gadadaammu Israeelete Qullaawa ikkinohunni Kaaliiqinni hagiidhitanno.

ISAYAASI 30:12

Kunnira Israeelete Qullaawa ikkino Magani, «Ani kuleemmore mishshinoonni daafira, beebbanna xagarro hexxitinoonni.

ISAYAASI 5:7

Kuni Olantote Mootichi Kaaliiqihu, woyinete dargi Israeelete mannaati; Yihudu mannino isi kaasi'rino woyineeti. Isi keeraanchimma assitanno yee agadhe hee'reenna, insa kayinni shitannore ikkitino. Taashshitanno yee hede hee'reenna, manna gadadisse raashshiishshino.

ISAYAASI 58:4

Ita aga agura'nera gawalo, gibbonna ganansho ikkitino daafira, mimmito'ne marartinikkinni tuntummotenni gantinanni. Kunni garinni qatuntinanni qatuma, huuccatto'ne gordoho macciishshinannikki gede assitanno.

ERMIYAASI 12:10

Lowoti wole gobba gashshaano, woyinete kaashshiha darga'ya huntino; loosi'reemmo dargano kakkadde huntino; dancha gate'ya mullicho darga assitino.

ERMIYAASI 5:27

Cea amade mine wonshi'rannohu gede, insano hanaaqqe gamba assidhino jiro mine wonshidhino; wolqaataammanna dureeyye ikkitinohu kunninniiti.

HIZIQEELI 18:12

buxanenna qarrantinore miiciro, manni jajja wolqatenni adhiro, woxe liqiissanno woyite amadote adhinoha qolannokkiha ikkiro, wole daga magansidhannowa mare kaphu maganna magansi'ratenni tiyyi'nanni coye assiro,

HIZIQEELI 20:35

Halallitte gobba dagannita haa're masseemmo'ne; hakkiicho ille'nenni la'inanna yoo yeemmo'ne.

HIZIQEELI 20:36

Halallitte gobbara Siina, annuwi'nera yoo yuummonte gede, ki'ne aanano yoo yeemmo. Konne coye coyi'roommohu ani Mootichu Kaaliiqaati.

LEEWAAWOOTA 25:14

Fiixi'ne giddonni mittu baatto hidhiro woy hiriro, ku'u ko'onne dogoonke.

LEEWAAWOOTA 25:17

Ku'u ko'onne dogoonke; ane Magano'ne waajje. Ani Kaaliiqi Magano'neeti.

AMOOTSI 2:7

Wolqa afidhinokkirenna kaa'lannohu nookkire bukote aana tugge umonsa kakkaddanno. Gadadaamma xiibbe doogote aaninni fushshitanno. Annunna beettu mitte soqqamaancho ledo foortanno. Kunni loosinsanni qullaawa su'ma'ya batteessitanno.

AMOOTSI 4:1

Maqalloonnihu Baasaani lali gede missinoonniri, Samaariyu meenti, konne coye macciishshe. Ki'ne wolqa hoogginore raateessitinanni; buxane gawajjitinanni; wo'manka woyite ayyiddaanna'ne, dimbisanno ago abbanno'ne gede qarrissinanni.

MIKIYAASI 2:1

Goxxe heedhe bunshenna xagarro maltannorira aanne'e! Hashshinohu soodeenna woyyitino yanna afidhuro heddinore assitanno.

MIKIYAASI 2:2

Hasidhuro manni baatto wolqatenni loosidhanno. Mine hasidhuro manniha giddetenni adhitanno. Manna fugge beeshshite jajjansa adhitanno.

MIKIYAASI 3:3

Manni'ya goga dultine maalansa murtine ittinoonni. Miqqansano hiiqqaqqitine midaanote ganfanni maali gede murmurtinoonni.

MIKIYAASI 6:10

Cubbaataammu minensa kaphunninna dogatenni afidhino jiro wonshidhino. Ani giwoommoha kaphu safaraasincho horoonsidhino.

MAATEWOOSI 21:33

Yesuusi lede, «Wole lawishshano macciishshe; woyinete kaashsho kaasi'rinohu mittu manchi no. Woyinete kaashshono gaangeesse huxxi. Woyine huuncinanni baleno ume qixxeessi; woyine agarrannita seeda shaeno kinchunni seekki. Hakkunni gedensaanni gatesi loossannorira guto ee, wole gobba ha'ri.

YAIQOOBI 2:6

Ki'ne kayinni buxane mishshinanni. Gadadissanno'nerinna yoote minira goshooshshe haadhe hadhanno'neri dureeyye di"ikkitino?