ISAYAASI 3:10 - Qullaawa Maxaafa

¹⁰ Keeraano dancha loosinsa laalcho ittanno daafira, «Baraadhinoonni» yiiyyensa.

ISAYAASI 3:10 ပူးပေါင်းရင်းမြစ်များ

KALAQAMA 18:25

Keeraano cubbaataammu ledo shaatto yee dihedeemmo; keeraano cubbaataammu gede diassatto; hatto assittoro keeraano cubbaataammu ledo qorichishakkiiti; gobba baalate gashshaanchi ati hattoo coye assattoni?» yii.

FAARSO 58:11

Hatte yannara mannu, «Halaalintanni keeraano angasinni ba'raa'ra adhitanno; hada baattote aana halaale coyi'ranno Magani nooni?» yaanno.

FULO 1:20

Ilshiishanno meenti Magano waajjino daafira, Maganuno danchare assinsa; mitte mittentera uminsa maate uyinsa; Israeelete mannino hala'li; kiironsano batidhu.

LAWISHSHA 10:6

Keeraancho mannu baalu maassi'rannosi; bushu kayinni coyisinni bunshe maaxi'ranno.

LAWISHSHA 12:14

Mannu afiisi danchummanni atoote afi'ranno; loosi'rino garinni malinosire adhanno.

LAWISHSHA 13:21

Qarru cubbaataammu hoode ha'ranno; keeraano kayinni dancha coye afidhanno.

LAWISHSHA 18:21

Reyonna heeshsho arrawu aana no; kunnira, mannu coyi'rinore adhanno.

ROSIISAANCHO 8:12

Cubbaataammu xibbe higge cubbo loossanni seeda diro heedhuro nafa, halaalunni Magano waajjitannorira kayinni woyyannonsata afoommo.

ISAYAASI 54:17

Ate shinara seekkinanni bagadi shuffanno; yekkeertannoherira baalaho qolatta dawaro dihoogatta. Ani soqqamaano'yara golo ikkeemmonsa; qeelleno eemmonsa. Konne coye coyi'reemmohu ani Kaaliiqaati» yii.

ERMIYAASI 15:11

Kaaliiqi, «Halaalintanni ani dancha hedora yee gatiseemmohe; qarrunna mitiimmate yannara, diinikki atera eegamanno gede asseemmo.

ERMIYAASI 21:14

Kunnira, loosikki garinni qorichisheemmohe; dubbokki giireemmo; qooxeessaho noori baalu digatanno. Konne coye coyi'roommohu ani Kaaliiqaati» yii.

ERMIYAASI 22:15

Wolu manninni roorsite daguwunni mi'nakki, roore moote assitannoheni? Annikki dirosi wo'ma hagiirraamo ikke hee'rino; isi wo'manka woyite halaalaanchonna, taashshannoha ikkino daafira, baalunku coyi qiniinosi.

ERMIYAASI 7:23

Kayinnilla, ani Magano'ne ikkeemmo gedenna ki'neno manna'ya ikkitinanni gede ani yoommore macciishshe. Hajajoommo'ne gede ikkitiniro baalunku coyi qinaanno'ne yoommonsa.

HIZIQEELI 18:20

Reyo hasiissannohu cubbo loosanno manchootilla; beettu annu cubbira diqorichishamanno. Annuno beettu cubbira diqorichishamanno; danchu manchi danchummasinni dancha waaga adhanno. Bushu manchino bunshesinni qorichishamanno.

HIZIQEELI 9:4

«Yerusaalamete katami baalaho kawanna ka'a higge ha'rami. Katamaho assinoonnihu tiyyi'nanni coyinni kainohunni, lowo geeshsha yaade dadillanni noo manni albi aana malaate wori» yiisi.

MIKIYAASI 7:13

Baatto kayinni aanase hee'ranno manni bunshenni kainohunni molo ikkite gattanno.

SOFFOONIYAASI 2:3

Hajajosi wonshitinanniri, tenne baatto aana heedhinanniri, ki'ne jooguullu Kaaliiqiwa higgine, dancha looso loosse. Kaaliiqi albaanni umo'ne heeshshi asse; kunni garinni Kaaliiqi hanqosi leellishanno barra miteekkitine qorichunni gattinanniha ikkanno.

MILKIYAASI 3:18

Hatte yannara anera soqqamannoehura danchu manchira assinannisi danchummanna soqqamannoekkihura bushu manchira iillannosi qarra manni'ya la"anno» yaanno.

LUQAASI 19:19

Mootichisi, ‹Ateno ontu katamira gashshaancho assoommohe› yiisi.

MARRO 12:25

Kaaliiqi albaanni dancha coye assitinironna mundee aga agurtiniro, ki'neranna ki'ne gedensaanni ooso'nera seyanno'ne.

IBIRAAWOOTA 6:10

Maganu halaalaancho yoo yaannoho; looso'nenna albano ikko xaano qullaawa manna kaa'latenni leellishshinoonnisi baxille dihawanno.