ISAYAASI 27:12 - Qullaawa Maxaafa

¹² Loosi'rino manchi gide galawuwiinni badannonte gede, hakko barra Kaaliiqi, Efiraaxisi Wayinni kayise Gibitsete danni geeshsha nooha mannasi Israeele, mittu mittunkunni gamba assanno.

ISAYAASI 27:12 ပူးပေါင်းရင်းမြစ်များ

KALAQAMA 15:18

Hakko barra Kaaliiqi Abiraami ledo gondooro eanni, «Gibitsete danninni lowohu Efiraaxisi Wayi geeshsha noo baatto sirchikkira eemmo.

UMI MOOTOOLLA 8:65

Hakkiicho Qullaawa Mine Selemooninna Israeelete manni baalu 7 barra Daasu Ayyaana ayirrissu. Aliyyeenni Hamaati faronni kayise wodiidoonni Gibitsete danni geeshshinni lowo manni dayino.

FAARSO 68:22

Mootichu, «Baarigaarrakki Baasaaninni abbeemmo; baaru diime giddonnino haa're fushsheemmo.

FAARSO 72:8

Baarunni kayise baaru geeshsha, Efiraaxisi Wayinni kayise baattote qacce geeshsha gashsho.

ISAYAASI 17:6

Shiimu manni callu gatanno. Aliidi sinira 2 woy 3 gumi noosihu gede, qoleno woriidi sinira 4 woy 5 gumi gatino ejersi gede ikkitanno. Konne coye coyi'roommohu ani Israeelete Magani Kaaliiqaati.

ISAYAASI 49:5

Kaaliiqi ama'ya godowi giddo hee'reennanni doorinoe; billaallinoha Yaiqoobi sircho Israeelete manna gamba asseemmo gede, soqqamaanchosi assi'rinoe. Kaaliiqi albaanni ayirrinye afi'roommo; Magani'yano wolqa ikkinoe.

ISAYAASI 56:8

Billaallitino Israeele gamba assannohu Mootichu Kaaliiqi, «Insa aanano woloota lede gamba asseemmo» yii.

ERMIYAASI 3:14

Ki'ne hexxinannikki manni, ani Mooticha'neetina ane Kaaliiqiwa higge! Ani ki'ne mereerinni, mittu mittu katami giddonni, mitte mittente maate giddonni lame lame doodhe, Tsiyooni Ilaaliwa haa're masseemmo.

ERMIYAASI 44:28

Ki'ne giddonni shiimu manni callu gate Gibitsetenni Yihuda higanno. Gibitse ha'ri manni ani yoommoti wo'mitannoronna insati ikkitannoro hakka waro afanno.

HIZIQEELI 20:34

Mittowa gamba asseemmo'ne; billaallitinoonni gobba baalantenni qole abbeemmo'ne. Jawaata anga'ya, wolqaataame cigile'yanna buwannohu hanqi'ya mageeshshihoro leellisheemmo'ne.

HIZIQEELI 20:41

Billaallitinoonni gobbanni abbe mittowa gamba asseemmo'ne yannara, shilqinshanni kakkalo gede asse baxeemmo'ne; ani ki'nera qullaawa ikkoommota dagate leellisheemmo.

HIZIQEELI 39:25

Mootichu Kaaliiqi, «Xa kayinni Yaiqoobi sircho ikkitinore Israeelete manna marareemmonsa; galagaleno duroonseemmonsa. Qullaawu su'mi'yano xonamannokki gede assi'reemmo.

HIZIQEELI 47:19

«Wodiidi dannino Taamaarinni kae, wodiidi galchimi ragaanni Meriba-Qaadesi yinanni buicho iille, hakkiinnino aliyye galchimaanni Gibitsete qacce amade Mediteraaniyu Baari geeshsha iillanno.

AMOOTSI 9:9

«Israeelete manni giddonni tidhitinokkire bade hoolate, insa gidu gede asse meemmiisseemmo; hatto asseemmohuno dagate mereero heedhanno yannaraati.

ZAKKAARIYAASI 8:7

Ani manna'ya qafadame hee'ranno gobbanni soojjaatinninna galchiminni qole abbeemmo.

LUQAASI 15:4

«Ki'ne giddonni xibbe ge'reewo afi'rino manchira mitte ge'recho baxxite ba'usiro ma assanno? Honsayina honse dubbu giddo agure mitticho ba'uta hasi'rara diha'ranno?

YOHAANNISI 10:16

Tenne hoowe giddo nookkihu wolu ge'reewino nooe; insano abba hasiissannoe. Insano huuro'ya macciishshitanno. Mitte hoshsha ikkitanno; allaalaanchuno mitto ikkanno.

YOHAANNISI 6:37

Anni'ya aannoehu baalu anewa daanno. Anewa daannoha horonta fushshe dihuneemmo.

IYYAASU 15:4

Atsimooni sae, Gibitsete dannira noo xashshi, Mediteraaniyu Baarira aananno. Hakkiichi dannaho gawalote; wodiidi ragaanni Yihudu danni konneeti.