ISAYAASI 27:11 - Qullaawa Maxaafa

¹¹ Haqqichote sinna mooltuhu gedensaanni hiiqqaqqante ubbanno; meentuno daye giirate adhanno. Wodancha nookki manna kalaqaanchu Magani dimararanno; horonta dimaarannonsa.

ISAYAASI 27:11 ပူးပေါင်းရင်းမြစ်များ

FAARSO 106:40

Kunnira, Kaaliiqi mannisira hanqi; isino hashakki're giwinsa.

ISAYAASI 1:3

Handu nafa ceinoha annasi afino; harrichuno maddarannosiha egennino. Israeelete kayinni hattenne diegennino; manni'ya wodancha diafi'rino» yii.

ISAYAASI 18:5

Woyinete laalo xinqi'nara albaanni daraarchu giggileenna gumu leanno yannara sinase murrannihu gede, diinu hatte gobba manna hatto asse gudanno.

ISAYAASI 43:1

Xa kayinni kalaqino'nehu Kaaliiqi ki'ne Yaiqoobi sirchira Israeelete, «Wodoommo'nehu aneetina waajjitinoonte; ki'ne anereeti; su'mi'nenni woshshoommo'ne.

ISAYAASI 43:7

Insa su'mi'yanni woshshantinoreetinna ayirrinyi'yara kalaqi'roommoreeti; anga'yanni seekki'roommo mannaati» yii.

ISAYAASI 44:2

Amakki godowi giddo kalaqoommohehunna, kaa'leemmohehu Kaaliiqi aneeti; Yaiqoobi ati soqqamaancho'yaatina waajjitooti; Yishuruuni, dooroommohehu aneetina massooti.

ISAYAASI 44:24

Amakki godowi giddo kalaqinohehu gatisaanchikki Kaaliiqi, «Baalankare kalaqoommohu, gordonna baatto calli'ya diriirsoommohu, ani Kaaliiqaati.

ISAYAASI 5:13

Wodancha hoogansanni kainohunni ki'ne manni'ya qafadantinanni; ayirradda hude guddanno; mannano goo'ro shitanno.

ISAYAASI 9:17

Kunnira, Mootichu wedellansa qorichishanno; galte shii'rino meentonna annanna ama afidhinokki ooso dimararanno; baalunku Kaaliiqira badhe wodhino. Afiinsanni fulanno coyi baalu xagarrote. Insa qorichishate angasi ka'inowiinni dihiggino; tenne giddoonnino hanqisi diqiidino.

ERMIYAASI 11:16

Mitte hige, ‹Ki'ne, xuma hunduruurrino ejersaati› yoommo'ne. Xa kayinni muli yanna giddo gugganno giiranni daro'ne giireemmo; sinna'neno hiiqqaqqeemmo.

ERMIYAASI 13:14

Aja akkala googiddate gede mimmitoho qole ganeemmo; insa hunate dimarareemmo; dimaareemmonsa; yoommotano badhera diqoleemmo» yii.

ERMIYAASI 16:5

«Ermiyaasi, macciishshi! Wi'late minira hadhooti; aye daafirano manchittooti. Kunni ka'a manni'yara keere dieemmo; bagamannokkiha baxille'yanna maaro'ya ho'leemmonsa.

ERMIYAASI 25:37

Buwannohunni Kaaliiqi hanqinni kainohunni, keerunniti hoowensa giirantanno.

ERMIYAASI 4:22

Kaaliiqi, «Manni'ya ane afannokki balalaati; wodancha afidhinokki oosooti; horontanni diqaaggannoreeti. Bunshe loosate lowo geeshsha busultinoreeti; dancha coye assinanni gara kayinni horonta diegentino» yaanna macciishshoommo.

ERMIYAASI 8:7

Rumichu, lembooli, teenni-qocenna qo'laante, hawado darante hadhe, arro galagalte higganno yanna egentino. Ki'ne manni'ya kayinni, ani oommo'ne hajajo diegentinoonni.

HIZIQEELI 19:12

Kayinnilla hanqino manni, rumushshunkunni buqqise tugi. Gumaseno halallinni ka'anno bubbe mooshshitu; jawaata sinnaseno hiiqqaqqantu; mooltuhu gedensaanni giirantu.

HIZIQEELI 20:47

Wodiidi dubbirano, Mootichu Kaaliiqi, ‹Lai! Kuneeti ani giddokki giira qasammoraati; tini giirano shamanna moola baddukkinni haqqe baala ittanno; tenne giira xoyissannori dihee'ranno. Wodiidinni aliyye geeshsha iillitanno; hakkiira iillita geeshsha doogote xaaddure baala ittanno.

HIZIQEELI 9:10

Kunni daafira, dimarareemmonsa; digatiseemmonsa. Insa wolootu aana assitinore baala, qole insa aana abbeemmo» yee dawarie.

HOOSEI 4:14

Ikkollana seenni'ne baashaawannoha, ooso'ne seennino foorannoha ikkino daafira, diqorichisheemmonsa. Hatto asseemmokkihu, ki'ne labballu umi'ne galmuwate fooranno meenti hoode hadhinanni, insa ledo wole maganna magansidhinoonni. Wodancha nookki gosa ba'anno.

HOOSEI 4:6

Manni'ya egenno hooge baino; ki'neno ane habbinoonnie daafira, anino qeesoota ikkitine soqqantinaera dihasi'reemmo'ne. Hajajo'ya shotissinoonninna habbinoonni daafira anino ooso'ne haweemmo.

MAATEWOOSI 13:15

Kunni manni wodani dillaawino; maccansano beebbino; illensano tunsitino. Hatto ikka hoogoommero, illensanni la'e, maccansanni macciishshite, wodaninsanni wodanchite, anewa higgeenna hurseemmonsahu baino» yee borreessino himani aanansa wo'manno.

MAATEWOOSI 13:19

Doogote gama uwi wixi masalo: Maganu gashshooti qaale macciishshe wodana assannokki manchooti. Hakkawoyintenni Sheexaanu daye wodanisi giddo winxoonni qaale xinqe adhanno.

MAATEWOOSI 3:10

Meesane haqqe rumushshunkunni murtara qixxeessineenna no. Kunnira, dancha guma laalannokki haqqa baala karre giirate tunganni.

YOHAANNISI 15:6

Anenni hee'rannokkihu, gobbara tunge agurreenna moolanno sini gedeeho. Hattoo sinna gamba assine giirate tungeenna giirantanno.

ROOMU SOKKA 1:28

Mannu Magano afate hasi'rinokki daafira, saalsiisanno coye assanno gede, tidhitinokki hedo giddo facci asse agurinsa.

ROOMU SOKKA 1:31

mayinae hooga, wodho diiga, baxama giwanna mararro hooga wo'mitino.

MARRO 4:6

Tenne woga baala macciishshitannoriranna, «Halaalinta tini bayira gosa mageeshshi ogimmanna wodancha afidhino!» yaanno mannira ogimma'nenna wodancha'ne leeltanno gede seekkitine agadhe.

UMI TESELONQE 2:16

Daga gattanno qaale kulleemmokki gede nafa hooltannonke. Kunni garinni cubbu aana cubbo lexxitanni heedhanno. Kunnira xa goofimarchoho Maganu hanqi dayinonsa.

YAIQOOBI 2:13

Maganu yoo, sao agurannokkihura saosi diagurtanno; ikkirono maaro yoo qeeltanno.