ISAYAASI 26:8 - Qullaawa Maxaafa

⁸ Mooticha, seerakki agadhinanni ate hexxineemmo; wodaninke halchono ate ayirrisate.

ISAYAASI 26:8 ပူးပေါင်းရင်းမြစ်များ

LAYINKI SAAMUEELI 23:5

«Ane ledo hegere gondooro eino daafira, ba"annokki namoomanna, soorrantannokki hexxo aannoe. Halaalinta Kaaliiqi sircho'ya kunni garinni maassi'ranno; tini anera halcho'yaati; qeelle'yano iseeti; Maganuno addinta konne coye wonshannoe.

FAARSO 106:3

Hajajosi wonshitannorinna, wo'manka woyite halaale loossannori, hiitto baraadhinoreeti!

FAARSO 130:5

Kaaliiqi kaa'lo quqquxamatenni agadheemmo; qaalesino addaxxeemmo.

FAARSO 18:23

Isi albaanni sao diassoommo; cubbono qorophoommo.

FAARSO 42:2

«Mamoote iilleemma? Magani'ya albano mamoote laeemma?» yite, lubbo'ya heeshshote Magano goodhanno.

FAARSO 65:6

Jawaata wolqakki leellishshanni, ilaalla base basensara uurrisootto.

FAARSO 73:25

Gordoho ate ka'a ayi nooe? Baattote aanano ate afi'rummohu ka'a wolu ma"assannoe?

FAARSO 84:2

Ani hakkiicho hee'rate halchoommo; Kaaliiqi mineno sinsinnaawoommo. Heeshshote Maganira wo'mu wodani'yanni hagiidhanni faarseemmo.

FULO 3:15

Akaakka'ne Abirihaami, Yisihaaqinna Yaiqoobi Magani ani Kaaliiqi soommoheta Israeelete mannira kulinsa; hegere geeshsha su'mi'ya konneeti; dagganno ilama baala kunni su'minni woshshitannoe.

FAARSO ROORE FAARSO 5:8

Ki'ne Yerusaalamete seenni, baxillaancho'ya affinoonniha ikkiro, ani baxillisinni kainohunni xiwamoommata, kultinannisi gede, eegameemma'ne.

ISAYAASI 12:4

Qoltine, «Kaaliiqa galatte! Su'masino ayirrisse! Isi assinore dagate mereero dudubbe! Roorresino kulle!

ISAYAASI 24:15

Kunnira Soojjaatoonni noori Kaaliiqa ayirrissanno; Giddichuwate heedhannori, Israeelete Magano Kaaliiqa guwissanno.

ISAYAASI 25:1

Kaaliiqa, ati Magano'yaatina, ayirrisi'reemmohe; galatano uyi'reemmohe. Co'o yitino ammanamakkinni, bi're albanni hedoottoha, dhaggete looso loosootto.

ISAYAASI 25:9

Kuni coyi ikkanno waro mannu, «Isi Maganonkeeti; hexxinoommosi daafira gatisinonke. Gatisinonkehu isootina, amme isinni hagiidhinona» yaanno.

ISAYAASI 26:13

Kaaliiqa Maganonke, wole lowo mootoolla gashshitinonke; ninke kayinni ate calla ayirrinseemmo.

ISAYAASI 30:18

Tenne giddoonni kayinni, Kaaliiqi maara'nera qixxaawe no. Kaaliiqi taashshanno Magano ikkino daafira, mararino'ne; kunnira Kaaliiqa hexxitannori ba'raadhinoreeti.

ISAYAASI 33:2

Kaaliiqa, mararinke! Ninke ate hexxineemmo. Barru baala agarinke! Qarru yannarano wodinke!

ISAYAASI 49:23

Mootoolla annuwa ikkite lossitannonsa; mootete meentino amate gede awuutannonsa. Aterano borojju gede umo heeshshi yee kumbuule, lekkakki buko laaxanno; kunninni ani Kaaliiqa ikkoommota afatta; ane hexxitannori disaalfattanno» yii.

ISAYAASI 51:4

«Manna'ya macciishshe! Macca'ne ane widira qolle! Seeru anewiinni fulanno; yoo'yano daga baalate caabbicho ikkitanno.

ISAYAASI 56:1

Kaaliiqi, «Gatiseemmo yanna rakke dagganno; keeraanchimma'ya leeltanno yanna gambissino. Kunnira taalo coye asse; halaalaancho looso loosse.

MIKIYAASI 4:5

Daga wo'manti uminsa maganna magansidhanno. Ninke kayinni hegere geeshsha Kaaliiqa Maganonke magansi'neemmo; isira hajajammeemmo.

MIKIYAASI 7:7

Ani kayinni Kaaliiqa agadheemmo. Gatisaancho'ya Magano hexxeemmo. Isino macciishshannoe.

MILKIYAASI 4:4

«Siina Ilaali aana soqqamaanchi'ya Muse widoonni qole Israeelete manni baalaho oommo seera, woganna wodho qaagge.

KIIRO 36:13

Iyyaarkora widoonni Yordaanoosi Wayi mule, Moaabi Xawira heedheenna Kaaliiqi Muse widoonni qole Israeelete uyino hajajonna woga tenneeti.

LUQAASI 1:6

Lamunku Maganu albaanni hajajosinna Seerasi minshanniri nookki garinni agadhitanni keeraanchimmatenni heedhino.

SOQQAMAASINETE LOOSO 1:4

Ledonsa hee'ri yannara, «Ani kuloommo'neha Anni'ya uyinoe hexxo agadhe ikkinnina Yerusaalametenni fultinoonte.

ROOMU SOKKA 8:25

Illete leellannokkire hexxinummoro kayinni, cincine agadhineemmo.

LAYINKI TESELONQE 3:5

Mootichu wodana'ne Maganu baxilliwanna Kiristoosi cincawa qole xaaddeesso'ne.