ISAYAASI 26:7 - Qullaawa Maxaafa

⁷ Keeraanote doogo suwashshote; ati suwashshu Magani doogonsa taashshatto.

ISAYAASI 26:7 ပူးပေါင်းရင်းမြစ်များ

UMI DUDUWO 29:17

Ati mannu baalunku wodana fonqolte la'e, ammanamino manninni hagiidhattota afoommo. Konne baala atera baxe oommohehu, halaalunniitinna taalotenniiti. Qoleno konne gamba yee noohu mannikki atera afansha aatenni lowo geeshsha hagiidhinota afoommo.

IYYOOBI 31:6

Maganu keeraanchimma'ya, halaalaanchu keenaasinchinni keene laona.

FAARSO 1:6

Kaaliiqi keeraanote doogo bade egenninona, bushuullu doogo kayinni baote haadhe hadhanno.

FAARSO 11:4

Kaaliiqi Qullaawu Minisi giddo no; Kaaliiqi ayirradu barcimisira gordoho no; illesi manna baala la'anno; assinannire baala afanno.

FAARSO 11:7

Kaaliiqi halaalaancho ikkino daafira, halaale baxanno. Wodana subbinori ledosi heedhanno.

FAARSO 25:4

Kaaliiqa'ya ballo, ha'rumakki leellishie; doogokki rosiisie.

FAARSO 25:5

Ati gatisattoe Maganooti; halaalikkinni hee'reemmo gede massagie; rosiisie; anino barra wo'ma ate hexxeemmo.

FAARSO 27:11

Kaaliiqa eeggate, doogokki rosiisie; duggannori agarte nooe daafira, keeraancho doogo ha'risie.

FAARSO 5:9

Baarigaarra'ya afiira halaalu dinona, wodaninsanni bao calla heddanno; kokkensa fa'nantino waamma gedeete; arrawinsannino manna dogganno.

LAWISHSHA 11:5

Danchu manchira keeraanchimmasi doogo suwissannosi; bushu kayinni umisi cubbinni ba"anno.

LAWISHSHA 20:7

Ammanaminohunnitinna halaalaanchu manchi ooso, hiitto ba'raadhinote!

LAWISHSHA 21:8

Sao loosannohu doogo shokkashshote; keeraanchunniti kayinni suwashshote.

LAWISHSHA 3:6

Assattorira baalaho Magano albaanni qo'li; isino halaalaancho doogo kulannohe.

LAWISHSHA 4:18

«Keeraanote doogo, soodo arrishsho gedeete; barri taalooti geeshsha lexxitanni hadhanno.

ISAYAASI 30:18

Tenne giddoonni kayinni, Kaaliiqi maara'nera qixxaawe no. Kaaliiqi taashshanno Magano ikkino daafira, mararino'ne; kunnira Kaaliiqa hexxitannori ba'raadhinoreeti.

ISAYAASI 35:8

Hakkiicho, Jawa doogo heedhanno; iseno, «Qullaawa Doogooti» yinanni. Tini doogo Kaaliiqi mannira ikkitanno; keeraa'minokkihu hakkaanni hige diha'ranno; hawanyu hakkaanni hige sa"ara diuyinannisi.

ISAYAASI 42:16

Balloota hadhe egentinokki doogo, affe egentinokki faro qole haa're ha'reemmonsa. Albansaanni noo tunsicho xawaabba asseemmo; gudaagundo ikkino darga taashsheemmo. Konne coye baalanka coyi'roommohu aneetina, wonshummokkinni diagureemmo.

ISAYAASI 52:12

Kaaliiqi alba'neenni ha'ranno; Israeelete Magani badheenni dukkisanno'ne. Kunni daafira fultinanni woyite, muddantinikkinni suutunni hadhinanni.

ISAYAASI 57:2

Halaalaancho heeshsho heedhinori, reyitanno waro, keerenna fooliishsho afidhanno.

ERMIYAASI 10:23

Kaaliiqa'ya, mannu heeshsho angasi nookkitanna, ha'rinshosino mannu umisi qineessi're dandaannokkita afoommo.

HOOSEI 14:9

Egenno afi'rinohu baalu konne coye buuxo; wodana afi'rinohu baalu konne coye wodancho. Kaaliiqi doogo suwashshote; aanaseenni higge keeraano hadhanno; cubbaataammu kayinni gufidhanno.

SOFFOONIYAASI 3:5

Keeraanchu Kaaliiqi kayinni, xaano giddosi no. Isi horonta so'ro diassanno; soodo soodontenni mannisira halaalaancho yoo yaanno. Barra tuqa konne coye diaguranno. Kuni baalu ikke hee'reennanni hakkiicho hee'rannohu haxawarru manni saalfatikkinni sao assanno.

UMI QORONTOOSI 4:5

Kunnira, Mootichu Yesuusi yoo yaara daa geeshsha, aye aanano yoo yitinoonte. Isi daanno woyite, tunsote go'le noore haa're xawo fushshanno; mannu wodani giddo nooreno reqecci assanno. Hakka waro, Maganu baalanka gari garisinni jajanno.

LAYINKI QORONTOOSI 1:12

Ninke adawadhineemmo coyi konneeti: Kuni coyi halaale ikkinota tii"inke kulannonke. Wolu manninna roorsineno ki'ne ledo noonke xaadi, Maganuwiinni afi'noommo qullaambenna sumbete aana xintaminoho. Kuni ikkinohu, Maganu eltonniiti ikkinnina mannu egennonni di"ikkino.

EFESOONI SOKKA 2:10

Maganu Kiristoosi Yesuusi widoonni qole xa hee'noommo gedeere asse kalaqinonkehu, balaxe qixxeessinoha dancha looso loonseemmo gedeeti.

UMI YOHAANNISI 3:10

Maganu oosonna Daawuloosi ooso bande anfannihu kunninniiti; keeraanchimma assannokkihunna rodoosi baxannokkihu baalu Maganu ila di"ikkino.

UMI YOHAANNISI 3:7

Ooso! Ayino dogoonke'ne; isi keeraancho ikkinonte gede, keeraanchimma assannohu keeraanchoho.