ISAYAASI 26:4 - Qullaawa Maxaafa

⁴ Mootichu Kaaliiqi hegere golootina, geedote geeshsha iso addaxxe.

ISAYAASI 26:4 ပူးပေါင်းရင်းမြစ်များ

LAYINKI DUDUWO 20:20

Mannuno layinki soodo gute kae Teqoa yinanni halallitte ha'ri. Ha'ra hanafanni hee'reenna Iyosaafiixi uurre, «Yihudunna Yerusaalamete manna! Magano'ne Kaaliiqa addaxxitine jawaatte! Qinaanno'nena, himanaanosi yitinoreno ammanne» yiinsa.

LAYINKI DUDUWO 32:8

Isi ledo noo wolqa mannunnite. Ninke ledo hee're olamannohunna kaa'lannonkehu kayinni Maganinke Kaaliiqaati» yii. Mannuno mootensa coyi'rino coyinni jawaati.

IYYOOBI 9:19

Wolqannire hendiro, isi geeshsha ikkannohu dino; yoote coye ikkirono, iso yoote shiqishannohu ayeti?

FAARSO 125:1

Kaaliiqa addaxxanno manni, darginni milli yiikkinninna shafamikkinni hee'ranno ilaali Tsiyoonihu gedeeho.

FAARSO 18:2

Kaaliiqi golo'yaati; qiisho'yaatinna gatisaancho'yaati; Magani'ya maaxameemmo godaati; wonqo ikke gargarannoe; ha'leno gatisannoe; isi anera seeda shaeeti.

FAARSO 46:1

Maganu golonkeetinna wolqankeeti; qarru iillannonke yanna baalate kaa'late qixxaawaho.

FAARSO 55:22

Isi irkisannohena, yaaddokki Maganu aana tugi; isi keeraancho qeelamara wore dila"anno.

FAARSO 62:11

Maganu, «Wolqanna bagamannokki baxilli aneho» yee coyi'ranna lame hige macciishshoommo. Mootichu, mittu mittunkura loosisi garinni aanno.

FAARSO 62:8

Manna! Wo'manka woyite iso addaxxe; isi golonkeetina, qarra'ne baala isira hasaaphe.

FAARSO 62:9

Mannu baalu fooraru gedeeho; afi'rinohuno hooginohuno baalunku mullareeti; keennanni woyite shote baino. Foollanni fooli geeshsha nafa di"ikkino.

FAARSO 66:7

Wolqasinni hegerera gashshanno; illesi dagate aaninni dika'anno; kunnira, haxawarrootu isi albaanni naaxxitoonke.

FAARSO 93:1

Kaaliiqi mootete; kalqeno kaajjishe uurrisino; iseno dishashshafantanno.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 17:10

Israeele! Gatisino'neha golo'ne Magano habbine, wole gobba maganna ayirrisate biifado haqqe kaasidhinoonni.

ISAYAASI 30:29

Ki'ne Maganu manni kayinni, qullaawa ayyaana ayirrisidhinanni hashshi gede faarsitinanni. Israeelete golo ikkino Kaaliiqi Minira ha'ranno yannara, suusulle ufuufanni faarsanno manni gede ikkitine hagiidhitinanni.

ISAYAASI 32:2

Mootenna ledosi gashshaano, mannu bubbetenna wishotenni go'lannowa ikkitanno. Halallitte gobbara lolahanno wayinna, molo baattora noohu lowo kinchi gede caale ikkitanno.

ISAYAASI 44:8

Ki'ne waajjitinoonte; bi're hundinni kayise balaxe dikuloommo'ne? Hanni ane gedeehu ayeti? Ki'ne anera naqaashshe'yaati; ane agurranna wolu Magani nooni? Ane ka'a golo ikkannohu nooni?» yii.

ISAYAASI 45:17

Ki'ne Israeele kayinni hegere gatisaanchimma Kaaliiqi aanno'netenni gattinanni; hegerera saalunna shollinyu diamadanno'ne.

ISAYAASI 45:24

Mannuno, ‹Keeraanchimmanna wolqa Kaaliiqiwa no› yee coyi'ranno; gibbannoeri baalu anewa dagge saalfattanno.

ISAYAASI 50:10

Ki'ne giddo Kaaliiqa waajjannohunna, isi soqqamaanchi yaannore macciishshannohu ayeti? Tunsichoho hee'rannohu xawaabba afi'rinokkihu, Kaaliiqa addaxxo; Maganosi irki'ro.

ISAYAASI 51:5

Rahe daye gatiseemmo'ne; ani qeeleemmo barri iillino; wolqa'yanni daga baala gashsheemmo. Giddichuwate heedhanno gosa, gatisammonsara ane agadhitanno; wolqa'yano hexxitanno.

ISAYAASI 63:1

Kuni Edoomi gobbanni Bootsira Kataminni, duumo imaana uddi're daannohu ayeti? Wolqatenni wo'me, ayirrado imaana uddi're qa'naafanni noohu ayeti? Taalo yoo yeemmohu, gatisate wolqa nooehu ani Kaaliiqaati.

DAANIEELI 3:17

Ninke soqqammeemmosi Magani tenne bubbanno giiranninna ate anganni gatisankera dandaanno.

DAANIEELI 3:28

Hakkunni gedensaanni moote Nabukadanatsoori, «Sidiraaqi, Misaaqinna Abidinaago Magani galatamo! Isi sokkaasinchosi soye soqqamaanosi gatisino. Insa Maganonsa addaxxite, iso agurranna wole magannara kumbuultannokki gede mootete hajajo gibbe lubbonsa sayisse uyitino.

MAATEWOOSI 28:18

Yesuusi insawa shiqqi yee, «Roorre baala gordohonna baattote uyinoonnie.

MAATEWOOSI 6:13

Bushu coyiwiinni gatisinke ikkinnina, jifammeemmo gede assitootinke. [Gashshootu, wolqanna ayirrinyu hegerera atehona. Hamii'ni!›] yitine huuccidhe.

MARRO 32:15

«Israeele duubbe maahoyye gibbino; manninatinsa kee'mino; sagaleno qawaaxxidhino. Kalaqinonsa Magano agurtino; wolqaataamo gatisaanchonsa mishshino.

MARRO 32:4

«Isi jawaata go'linanni kinchooti; loosisino guutaho. Doogosi baalanti suwashshote; halaalaanchohonna ammanammo Maganooti; suwashshunna taalu Magani isooti.

MARRO 33:27

Hegere Magani godankeeti; hegereti cigilesino irkissannonke; diinnanke gundeemmo gede kulannonke yannara, xooqqanno gede assannonsa.

FILIPHISIYUSI SOKKA 4:13

Wolqa aannoehunni Kiristoosinni baalankare assa dandeemmo.

UMI SAAMUEELI 2:2

Kaaliiqa, ate gedeehu qullaawu ayino? Ate gedeehu wolu dino; ate Maganinke gedeehu golu dino.