ISAYAASI 26:3 - Qullaawa Maxaafa

³ Kaaliiqa, ate hexxatenni kaajjite heedhannorira, wo'ma keere aattonsa.

ISAYAASI 26:3 ပူးပေါင်းရင်းမြစ်များ

UMI DUDUWO 5:20

Tini olanto kaa'lannonsa gede hexxite Magano huuccidhu. Maganuno huuccattonsa macciishshe Hagaroota ha'litinonsari baalu ledo qeeltanno gede assi.

LAYINKI DUDUWO 13:18

Yihudu manni akaakkansa Magano Kaaliiqa addaxxino daafira qeelle afi'ri; Israeelete mannino sholli.

LAYINKI DUDUWO 16:8

Itiyophiyootunna Liibiyootu lowo olanto, faradi gaarenna faradu noonsare di"ikkitino? Ikkollana hatte yannara Kaaliiqa addaxxootto daafira isi qeelle uyinohe.

FAARSO 119:165

Seerakki baxxannorira co'o yiino keeri noonsa; horontanni mittu coyino sarraaqansara didandaanno.

FAARSO 125:1

Kaaliiqa addaxxanno manni, darginni milli yiikkinninna shafamikkinni hee'ranno ilaali Tsiyoonihu gedeeho.

FAARSO 9:10

Kaaliiqa, ati hasidhannohere tugge agurattonsakki daafira, su'makki egentinori baalu addaxxitannohe. Kaaliiqa, ati hasidhannohere tugge diagurattonsa.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 26:12

Kaaliiqa, keere oottonkehu ateeti; loosonkeno ati qineessoottonke.

ISAYAASI 27:5

Woyinete dargi addaxxe anewa dayiro, anera fiixa ikkanno; ane ledo keere hee'ranno.

ISAYAASI 31:1

Lowo farado, faradi gaarenna gaaddo afidhinota Gibitse hexxite, kaa'lote hakkiichira hadhannorira aanne'e! Israeelete Qullaawa ikkinoha hexxa agurtino; isi kaa'lono dihasidhino.

ISAYAASI 32:17

Keeraanchimmate loosi keere abbanno; keeraanchimmate gumino, hegerera hawaqi'ne hee'nanni gede assanno.

ISAYAASI 32:18

Maganu manni yaaddonna qarru nookkiha hee'ranno; mininsa keerunnihanna hobbaatenniha ikkanno.

ISAYAASI 42:19

Soqqamaanchi'yanni roore ballichu nooni? Soqqeemmo sokkaancho agurranna macciweelu wolu ayeti? Ani, ‹Kaaliiqira aamamoommo soqqamaanchooti› yaannoha agurranna ballichu hiikko no?

ISAYAASI 42:6

«Ani Kaaliiqi keeraanchimmatenni woshshoommohe; angakkino amadeemmohe; gosate gondooro, dagate xawaabba asseemmohe.

ISAYAASI 48:2

Ki'ne, «Qullaawu Katamira hee'neemmo; Olantote Mooticha Israeelete Magano hexxineemmo» yitine adawadhitinanni.

ISAYAASI 49:8

Kaaliiqi, «Ani baxoommo yannara huuccattokki macciishshoommohe; gatote barrano kaa'leemmohe. Galagalchite gobba dhaawatto gede, diigantinota dargase qolatto gede, ate widoonni hige daga baalate ledo gondooro e"eemmo.

ISAYAASI 50:1

Kaaliiqi, «Galtesi fushshe hunanno manchi gede, ani ki'ne manna'ya fushshe hunoommoha lawi'ne? Hatto ikkiro fushshe ha'risa'ya kultanno taje hiikko nooyya? Mannu oososi borojjimmate hirannohu gede, anino ki'ne qafadote hire aguroommoha lawi'ne? Ki'ne qafadantinoonnihu cubbi'nenniiti; darantinoonnihuno assitinoonni saonniiti.

ISAYAASI 50:10

Ki'ne giddo Kaaliiqa waajjannohunna, isi soqqamaanchi yaannore macciishshannohu ayeti? Tunsichoho hee'rannohu xawaabba afi'rinokkihu, Kaaliiqa addaxxo; Maganosi irki'ro.

ISAYAASI 66:12

Kaaliiqi, «Gooffannokki jiro eemmo'ne; dagate jirono xo'annokki buicho gede asse lolaaseemmo'ne; ama giwoodisera hanqaffe qansitanni lossidhanno qaaqqi gedeere ikkitinanni.

ERMIYAASI 39:18

Ani keerunni agareemmohe daafira direyatto; ane hexxootto daafira bagadu dishaannohe. Konne coye coyi'roommohu ani Kaaliiqaati» yii.

DAANIEELI 3:17

Ninke soqqammeemmosi Magani tenne bubbanno giiranninna ate anganni gatisankera dandaanno.

DAANIEELI 3:28

Hakkunni gedensaanni moote Nabukadanatsoori, «Sidiraaqi, Misaaqinna Abidinaago Magani galatamo! Isi sokkaasinchosi soye soqqamaanosi gatisino. Insa Maganonsa addaxxite, iso agurranna wole magannara kumbuultannokki gede mootete hajajo gibbe lubbonsa sayisse uyitino.

DAANIEELI 6:23

Mooteno lowo geeshsha hagiidhe, Daanieeli balete giddonni fushshitannosi gede hajaji. Fushshini woyite Magano addaxxinohura bisisi aana mitte madano dianfoonni.

MIKIYAASI 5:5

Isino keerensa ikkanno. Asoori manni gobbanke horranno woyitenna qiishonke kade eanno woyite, manna agartannore 7 woy 8 olantote roorroota sonke olammeemmo.

YOHAANNISI 14:27

«Keere'ya ki'newa woreemmo; keere'ya eemmo'ne. Ani eemmo'ne keeri tini gobba uyitanno'nehu gedeeha di"ikkino. Wodani'ne masoonke; waajjitinoonte!

YOHAANNISI 16:33

Konne coye kuloommo'nehu, anenni heedhine keere afidhinara yeeti. Tenne gobbara heedhini geeshsha qarru noo'ne. Ikkirono waajjitinoonte; ani tenne gobba qeeloommona» yiinsa.

ROOMU SOKKA 5:1

Kune ninke keeraanchimma ammanatenni afi'noommo daafira, Mootichinke Yesuusi Kiristoosi widoonni Maganu ledo keere hee'noommo.

FILIPHISIYUSI SOKKA 4:7

Mannu hedora aleenni ikkinohu Maganu keeri, Kiristoosi Yesuusinni wodana'nenna hedo'ne agaranno.