ISAYAASI 26:16 - Qullaawa Maxaafa

¹⁶ Kaaliiqa, qarrantu yannara atewa daggino; seejjittonsa waro hashaashshe huuccidhino.

ISAYAASI 26:16 ပူးပေါင်းရင်းမြစ်များ

FAARSO 142:2

Laala'ya baala albisira shiqishi'reemmo; mitiimma'ya baala ku'leemmosi.

FAARSO 27:8

Ati, «Dagge magansi'rie!» yiittoe yannara, anino, «Kaaliiqa'ya maahoyye dayemmo» yuummo.

FAARSO 42:4

Ani albaanni hige lowo manni ledo Maganu Minira ha'ranna, ayyaana ayirrissannori galatu faarsonni Magano galattino; konne coye qaaganna wodani'ya dadillunni hiiqqami.

FAARSO 50:15

Qarru barra woshshidhe"e; anino gatiseemmo'ne; ki'neno ayirrissinannie.

FAARSO 77:3

Magano! Atere hedeemmo yannara dadilleemmo; heeshshi gotti asse laeemmo woyite jalli assie.

FAARSO 78:34

Insa giddonni gama shiita, gattinori isiwa higgino; aagintaabbanni iso huuccidhanno.

FAARSO 91:15

Woshshi'rannoe woyite, ‹Yee› yeemmosi; qarramanno yannara ledosi hee'reemmo; gatiseemmosi; ayirrado asseemmosi.

ISAYAASI 37:3

«Ninkera tini qarrunna shettote yannaati; ilate yanna iilliteenna niixxe fushshi'ra hooggino mancho gede ikkine hee'noommo.

ERMIYAASI 2:27

Ki'ne anewa higa gibbine haqqicho, ‹Annankeeti› kinchono, ‹Amankeeti› yitinanni daafira, saalu amadanno'ne. Qarru iillanno'ne yannara kayinni, ‹Amo gatisinke› yitinannie.

ERMIYAASI 22:23

Ati Libaanoosinni abbinoonni daguwinni minnoonni mine hee'rattohu, iltanno mancho amaddanno game gedeeti amaddannohe woyite, hiitto ikkite uratto ikka?

ERMIYAASI 29:12

Hatte yannara woshshidhinannie; anewa higgine huuccidhinannie; anino macciishsheemmo'ne.

ERMIYAASI QURTO 2:19

Oosokki dooggate madde baalate, hudetenni reyitaraatina, hashsha wo'ma marro marro higge, baqqi yite Kaaliiqiwa raari. Wodanikkira noore co'o assite isira kulatenni, oosokkira maaro huucci'ri.

HOOSEI 5:15

«Loossino sao egente anewa higga geeshsha insawiinni horonta fafe ha'reemmo. Assitino saonni qarru bati'rinsaro, miteekkite hasidhannoeha ikkanno» yii.

HOOSEI 7:14

Daallasinsa aana haabbe raartannota ikkinnina wodaninsanni anewa higge dihuuccidhanno. Gidenna woyinete xajje afidhara kayinni dagate gede bisonsa huduuxxitanni huuccidhanno; ane aanano mokkookkitanno.

KIIRO 21:7

Mannuno Musewa daye, «Kaaliiqinna ate aana busha coye coyi'rankenni sayinsoommona, hamaso aaninkenni hoolanno gede Kaaliiqa huuccinke» yii. Museno Kaaliiqa huucci.

YOHAANNIS AJUUJA 3:19

« ‹Ani baxeemmoha baala seejjeemmo; qorichisheemmono. Kunni daafira diinaggaawoottoha ikki! Cubbokkino aagintaawi!

EJJEETTO 10:15

Israeelootuno Kaaliiqa, «Cubbo loonsoommota anfoommo. Atino hasi'ritto gede assa dandaattona, ballo techolla diininke anganni gatisinke» yitusi.

UMI SAAMUEELI 1:15

Haannano, «Mooticha'ya, diiwedimboomma; ani dadillaame manchootiwe! Wodani'yata Kaaliiqira ku'lanni noommata ikkinnina dimbisannore diagoomma.