ISAYAASI 24:3 - Qullaawa Maxaafa

³ Baatto mulqante mulla gattanno; kuni baalu Kaaliiqi coyi'rino coye ikkino daafira wo'manno.

ISAYAASI 24:3 ပူးပေါင်းရင်းမြစ်များ

LAYINKI DUDUWO 36:21

Kaaliiqi himanaanchu Ermiyaasi widoonni qole coyi'rino garinni, Fooliishshote Barra ayirrisa gibbino daafira baatto 70 diro hoxxe ikkite, fooliishshidhanno yanna afidhanno.

ISAYAASI 21:17

Qeedaari bareedda giddonni shiimu manni callu gatanno. Konne coye coyi'roommohu ani Kaaliiqi Israeelete Maganooti» yiie.

ISAYAASI 22:25

Hakko barra Olantote Mootichi Kaaliiqi, «Kuni coyi baalu ikkanno woyite kaajjado uduunne suxxinanni dawe ta'e ubbanno. Dawete aana suntoonni uduunni baalu uwe hiiqqaqqamanno» yii. Konne coye coyi'rinohu Kaaliiqaati.

ISAYAASI 24:1

Kune Kaaliiqi baatto diige mulla darga assanno; baattonniha dana soorre mannano billaallisanno.

ISAYAASI 24:2

Manna baala mittu coyi amadanno; qeesootanna wole manna, gashshaanonna soqqamaanonsa, mootittenna soqqamaanchose, hirannohanna hidhannoha, liqiissannohanna liqii'rannoha, yaa'nannohanna asale itinoha mittu qarri amadannonsa.

ISAYAASI 24:4

Baatto moolteenna baalunkuri qoore goofanno; baattote aani jajjabbino wolqa hoogge quurtanno.

ISAYAASI 42:22

Manna kayinni mulqi'nenna saamme, balete giddo cunfe agurroonni. Usuru mine beeshshine agurroonni; mulqi'ninsa; saamminsa; «Agurre» yaannohu mittuno dino.

ISAYAASI 5:6

Hakkunni gedensaanni woyine'ya diquuxeemmo; giddono dilooseemmo. Kunnira woyine ishinu, kokko'lunna utu egemmanno gede asseemmo. Xeena ganannokki gede gomicho hajajeemmo» yii.

ISAYAASI 6:11

Anino, «Mooticha'ya, kuni coyi mageeshshi yanna keeshshanno?» yee xa'moommo. Isino qole, «Katamma diiganteenna hee'rannohu hoogeenna gobba ona ikkite gatta geeshshaati.

ERMIYAASI 13:15

Coyi'ranni noohu Kaaliiqaatina, ki'ne Yihudu manni boo'na'ne agurtine, wodana assitine macciishshe.

HIZIQEELI 36:4

Kunnira, ki'ne ilaallanna gaarra, wayibbanna lagga, diigantinoonni darguwanna gaangaawi'nera noo daga horritino'nerinna qaccino'neri mannu nookkire ikkitine gattinoonni katamma, ani Mootichu Kaaliiqi ki'nera yeemmo coye macciishshe.

MIKIYAASI 2:4

Kuni duuchu ikkanno yannara mannu ki'nere maammaahanni qacifatanno'ne. Ki'ne aana iillino qarrira, « ‹Ninke wo'munku horontanni ba'noommo. Maganu baattonke adhe, hajajantannokkirira beehino› yitanni wi'lishshitanno» yaanno.

MIKIYAASI 4:4

Mannu annu annunkunni kaasi'rino balasenna woyinete caali hunda, harshammi yite fooliishshidhanno; masisannonsari dihee'ranno. Konne coye coyi'rinohu Olantote Mootichi Kaaliiqaati.

MARRO 29:23

Loosidhinanni baatto maxinetenninna baattote giddonni fulino ruqaninni dhiwantanno. Mittoreno dikaansanni; ciirannorino dihee'ranno; lophanno haqqi dimu'ranno. Tenne baattora dagganno goofo, jawu Kaaliiqi hanqi galchinohu Soddoomunna Gomooru, Adaamanna Sibayiimite gedeeta ikkitanno.

MARRO 29:28

Kaaliiqi lowo geeshsha hanqe baattonsa aaninni buqqise wole baattora masse tuginonsa. Kuneeti xa techo geeshsha hakkiicho no› yitanno.