ISAYAASI 23:9 - Qullaawa Maxaafa

⁹ Tenne malinohu Olantote Mootichi Kaaliiqaati; isi konne coye assinohu boo'nansa agurtanno gede assatenna, ayirradda shollishara hedeeti.

ISAYAASI 23:9 ပူးပေါင်းရင်းမြစ်များ

IYYOOBI 12:21

Ayirradda gashshaanora shollinye soyanno; jawaatu manni qodhono tiranno.

FAARSO 107:40

Maganu gadadissunsare mishino; doogo nookkiwa halallitte gobbara raataabbanno gede assinonsa.

FULO 8:4

Beche'naama kukkubbitanni atewa, mannikkiwanna ledokki gashshaasine baalunkuwa dagganno yiino› yite kulisi» yii.

ISAYAASI 10:33

Kune Olantote Mootichi Kaaliiqi wolqasinni seeddaanna haqqe karanno; sinna baala quuxaranno.

ISAYAASI 13:11

Kaaliiqi, «Baatto bunshese daafira, bushuulleno cubbinsa daafira qorichisheemmo; boonaleeyye heeshshi asseemmo; kakkachoota shollisheemmo.

ISAYAASI 14:24

Olantote Mootichi Kaaliiqi, «Hedoommo coyi baalu wo'manno; coyi'roommorino ikkanno.

ISAYAASI 14:26

Baatto baalate hedoommo hedo tenneeti; daga baala qorichishate anga'ya kayisoommo» yii.

ISAYAASI 14:27

Olantote Mootichi Kaaliiqi tenne hedino. Ittisannosihu ayeti? Qorichishara anga kayise no. Amade hoolannosihu nooni?

ISAYAASI 2:11

Haxawarrootu ille baatto la'annohunna boonaleeyye umo heeshshi yitanno barri daanno; hatte yannara Kaaliiqi callu ayirranno.

ISAYAASI 2:12

«Ani wolqaataamoho» yee naaxxannoha baala hatte yannara Olantote Mootichi Kaaliiqi shollishanno.

ISAYAASI 2:17

Haxawarrootu baatto la'anno; boonaleeyye umo heeshshi yitanno; Kaaliiqi callu ayirranno.

ISAYAASI 23:10

Terseesi gosa, kunni ka'a malka noo'nekki daafira, ki'neno hadhine Abbayi gama loosidhanno gosa gede assitine loosidhe.

ISAYAASI 32:13

Manni'ya baattora utunna qu'muudo fultino daafira, alba hagiidhanni hee'rino minnaranna, hagiirru wo'meenna hee'rino katamira wi'le.

ISAYAASI 5:13

Wodancha hoogansanni kainohunni ki'ne manni'ya qafadantinanni; ayirradda hude guddanno; mannano goo'ro shitanno.

ISAYAASI 9:15

Umoho yinanniri geerrahonna roorrootansaati; farroho yinannirino kapho rosiissanno himanaanooti.

ERMIYAASI 13:9

«Ani yeemmoti: Yihudunnitanna Yerusaalamennita lowo boo'na co'o asse huneemmo.

ERMIYAASI 51:62

Hakkunni gedensaanni, ‹Mooticha'ya! Ati tenne baatto hunatto gede coyi'rootto. Kunnira lubbo afi'rino kalaqami: mannunna saada gooffeenna baatto hegerera ona ikkite gatto› yite huucci.

DAANIEELI 4:37

«Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

ABIDIYU 1:2

Kaaliiqi Edoomoota, «Kuneeti, dagate mereero ki'ne maa'ne gosa asseemmo'ne; lowo geeshsha mishantinoonnire ikkitinanni.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

SOQQAMAASINETE LOOSO 4:28

Kuni ikkinohuno, ati balaxxe wolqakkinna hedoottori wo'manno gedeeti.

EFESOONI SOKKA 1:11

Baalankare hedosi gede loosannohu Maganu, balaxe hedino garinni Kiristoosi widoonni qole mannasi ikkinammora doorinonke.

EFESOONI SOKKA 3:11

Maganu konne Mootichinke Kiristoosi Yesuusi widoonni qole wonshinohu, hegere hedosi garinniiti.

YAIQOOBI 4:6

Ikkirono Qullaawu Maxaafi, «Maganu boonaleeyye giwanno; jooguulleho kayinni eltosi aanno» yaanno daafira, Maganu aanno elto baalunkurinni roortanno.