ISAYAASI 22:5 - Qullaawa Maxaafa

⁵ Kuni Ajuujate Lagichi shettonniho; kakkadamannihonna hembeelamate dargaati. Kuni coyi ikkanno gede assinohu Olantote Mootichi Kaaliiqaati. Kataminke huxxi diigamino; kaa'lote raarranni raare ilaallate geeshsha leeltanno.

ISAYAASI 22:5 ပူးပေါင်းရင်းမြစ်များ

LAYINKI MOOTOOLLA 19:3

«Hiziqiyaasi, ‹Ninkera tini qarrunna shettote yannaati; shollinyuno amadanni noonke; ilate yanna iilliteenna niixxe fushshi'ra hooggino mancho gede ikkine hee'noommo.

LAYINKI MOOTOOLLA 25:10

Nabuzardaani olantono Yerusaalamete huxxa diiggu.

ASTEERI 3:15

Moote hajajino garinni, dannawu katamira Suusaho lallawa faajjete egensiinsi. Rahe iillishanno gede sonkoonni mannino sokka gobba baala tuqisi. Dannawu katami Suusa hembeelame hee'reenna mootenna Haama mitteenni ofolte woyinete xajje agganni no.

ISAYAASI 10:6

Ane hanqissinoonnirira maganiweelootaho, jajja'ne saante gudde ki'ne doogote sabbi gede assite ceellagganno'nere Asooroota soyemmo'ne» yaanno.

ISAYAASI 22:1

Ajuujate Lagichaati yinanni dargi daafira kulloonni sokka aante noote: Ki'ne minu aana minnoonni mini aana heedhine, ayyaana mayira ayirrissinanni?

ISAYAASI 25:10

Kaaliiqi anga Tsiyooni Ilaala agartanno; Moaabi gosa kayinni sabbu giddo cide gede assine kakkandanni.

ISAYAASI 37:3

«Ninkera tini qarrunna shettote yannaati; ilate yanna iilliteenna niixxe fushshi'ra hooggino mancho gede ikkine hee'noommo.

ISAYAASI 5:5

«Kunni ka'a woyinete darga asseemmota kulo'ne? Gaangaawisira noo huxxa buqqise hoole, qiishosino diigeemmo. Moyichu hosannowanna kakkadannowa asseemmo.

ISAYAASI 63:3

Kaaliiqi, «Daga ani calli'ya woyinete laalo gede huuncoommo; togo asseemmo woyite, dagate giddonni ane ledo noohu dino. Insa hanqi'yanni kadanna, aari'yanni ceellaganna, mundeensa kaatte uddano'ya huntino.

ISAYAASI 63:6

Daga hanqi'yanni kade tugoommo; aari'ya dimbisannonsa gede assoommo; mundeensano baattote aana dunoommo» yii.

ERMIYAASI 30:7

Bayisibao! Hakku shettote barri daanni no! Hakko barri gedeehu wolu dino. Ki'ne Yaiqoobi ilamara qarru barraati; ani kayinni hakkiinni gatiseemmo'ne» yii.

ERMIYAASI QURTO 1:5

Cubbise batinyinni kainohunni, Kaaliiqi shetisinose daafira, diinnase isera umo ikkitino; insara baalu coyi qiniinonsa. Oososeno diinu qafadanno gede assino.

ERMIYAASI QURTO 2:2

Kaaliiqi Yihudu qacha baala, mararikkinni gudi; aarisinni Yihudunnita kaajjado qiisho diigi; Gashshootenna gashshaanosi shollinyeho tugi.

ERMIYAASI QURTO 2:8

Kaaliiqi, Tsiyoonihu kinchu huxxi, diigamanno gede murci'rino; gudisame ba"annota egensiisate, siiwotenni bikkino. Shaenna kinchu huxxi baalu mitteenni diigamino.

HIZIQEELI 7:7

Baattote aana heedhinanni manni baalunkura goofimarchu iillino. Ilaallate aana kaphu magannara seekkidhinoonni darguwa kakkalonnitera ayyaana ayirrisi'ra'ne gatteenna canco ikkanno.

HOOSEI 10:8

Israeelete manni Aweeni yinanni katamira kaphu magano magansi'ranni cubbo loosanno gaarra diigantanno; kakkalonsa dargi aanano utunna kokko'lu fulanno. Hattenne yannara mannu ilaalla, «Maaxxenke» gaarrano, «Gollenke» yaanno.

MIKIYAASI 7:4

Insa giddonni, «Addinta dancha ammanaminoho» yinoonni manchi utunninna qu'muudotenni bande dila'nanniho. Himanaanote widoonni qorophisiisinonsa garinni Maganu mannasi qorichishanno yanna dagganno. Kuneeti xaano ikkiro dartu aana no.

SOFFOONIYAASI 1:15

Hakku barri hanqunniha, qarrunnihanna shettonniha, baonnihanna diigamanniha, tunsichunnihanna limixenniha, guunjonnihanna gomichunniha ikkanno.

MAATEWOOSI 24:16

Hatte yannara Yihudu gobbara noori ilaallate widira higge xooqqo.

LUQAASI 23:30

Hattenne yannara mannu ilaalla, ‹Aananke ubbe!› Gaarrano, ‹Maaxxenke!› yaanno.