ISAYAASI 22:4 - Qullaawa Maxaafa

⁴ Kunnira, xa reyino mannira hururame wi'leemmona agurre"e; sheshifachishshinoonte"e.

ISAYAASI 22:4 ပူးပေါင်းရင်းမြစ်များ

ASTEERI 4:1

Merdookiyoosi konne assinoonni coye baala macciishshe dadillunni uddanosi dari; hakkunni gedensaanni xiddu uddano uddi're umisi aanano buluulo giggishshi're qoonqosi naggi asse heqqifate wi'lanni katamu giddo ka'anna kawa ha'ranni raataawi.

FAARSO 77:2

Qarru barra Mooticha hasi'reemmo; hashsha wo'ma anga'ya diriirse huucci'ranni galoommo; kayinnilla, shesho diafi'roommo.

ISAYAASI 15:3

Anfannihu baalu xiddu uddano uddi'rinoho. Minu aananna gudumaaleho baalunku hindiiddi'ranni wi'lanno.

ISAYAASI 33:7

Bareedda kaa'lote raartanno; araaraho sonkoonniri hururante wi'litanno.

ERMIYAASI 13:17

Yiinota gibbiniro kayinni, boo'na'ne daafira maaxame wi'leemmo. Kaaliiqi manni qafadame ha'ranno woyite, agurummokkinni hururame xurfu yee wi'leemmo.

ERMIYAASI 31:15

Kaaliiqi, «Raamaho wi'lanna didatto macciishshini; Raaheeli oososera wi'litu; oosose lubbotenni nookki daafira sheshifata hooggu.

ERMIYAASI 4:19

Hayi qarra! Konne qarra baala hiitto ikke cinca dandeemmo? Hayi wodana'ya! Wodani'ya hiitto shafamanni no! Xurumbunna olu luulo macciishshanni, sammi yee cinca didandeemmo.

ERMIYAASI 6:26

Kaaliiqi mannisira, «Guda'nera dayino diini, hedeweelcho bala tuga'neraatina, xiddu uddano uddidhine buluulu aana ofolle! Afi'rinoha mitto beetto shii'rino manchi gede, hururantine wi'le.

ERMIYAASI 8:18

Sheshifachinshara dandiinannikkihu, lowo geeshsha bati'rino qarri amadinoe; wodani'ya lowo geeshsha daafurino.

ERMIYAASI 9:1

Shinoonnihura manni'yara hashshanna barra wi'lammora, umi'ya wayi bale, ille'yano hindiiddote buicho ikkitoommero, hiitto baxeemmohu baino.

ERMIYAASI 9:18

Mannuno, «Illenke hindiiddidhanno gede, baqqaallinkera hindiiddo daaddanno gede, haarookkise kiirannore rakkine woshshe» yii.

ERMIYAASI QURTO 2:11

Wi'late batinyinni kainohunni ille'ya jaaroortu; lubbo'yano shettote giddo no. Manni'ya ba"anni kainohunni dadillunni manii'roommo; oosonna qaaqquullu katamu dooggara dalagganno.

HIZIQEELI 21:11

Bise fiine amandanni gede, gamanxe fiine shaannohura uyinoonni.

HIZIQEELI 27:31

Atera dadillite umo meexxite, xiddu uddano uddidhanno; wodaninsanni lowo geeshsha hururante wi'litanno.

MIKIYAASI 1:8

Hakkunni gedensaanni Mikiyaasi, «Kunni daafira yaaddo'ya leellishate mulqi're mulla lekkanni ha'ranni yeedaalate gede ikke godoodeemmo; balgudu gede ikke raareemmo.

MAATEWOOSI 2:18

«Raama wi'lanna didatto macciishshini; Raheeli oososera wi'litu; oosose lubbotenni nookki daafira, sheshifata hooggu» yee himanino himani wo'mi.

MAATEWOOSI 26:75

Pheexiroosino, « ‹Lukkichu ganikkinni sase higge diegennoommosi› yaattoe» yee Yesuusi coyi'rino coyi qulli yeennasi gobbara fule hururame wi'li.

LUQAASI 1:2

Tenne sokka ninkera sayissinori illetenni affinoreetinna qaalisira soqqantanni heedhinoreeti.

LUQAASI 19:41

Yesuusi Yerusaalame iille laihu gedensaanni katamu daafira wi'li.