ISAYAASI 21:3 - Qullaawa Maxaafa

³ Afoommonna macciishshoommo coyinni kainohunni dhiwamoommo; ilate game amaddino mancho gede ikkoommo.

ISAYAASI 21:3 ပူးပေါင်းရင်းမြစ်များ

FAARSO 48:6

Ilate game amaddino mancho gede, yaaddonna waajjillu amadinsa.

ISAYAASI 13:8

Iltanno mancho game amaddannohu gede, insano waajjillu goxano ho'lannonsa. Waajjillunni kainohunni baalunku mimmito alba la'anno.

ISAYAASI 15:5

Moaabira godowinni wi'leemmo; mannu Zooaari, Egilaati-Shilishiya geeshsha darami. Shiimu manni wi'lanni Luhiiti Baga fulanno. Wolootu kayinni lowo geeshsha wi'litanni Horonayimi higge ba'ara wo'naaltanno.

ISAYAASI 16:11

Kunnira, Moaabiranna Qiirihereesira hururame wi'leemmo.

ISAYAASI 16:9

Kunnira, Yaizeerira wi'leemmonte gede, Sibimahura woyinete kaashshira wi'leemmo. Hasebooninna Eliaale daafira hindiiddo'ya lolakkanno. Gide gamba assi'rate ayyaanano diayirrinsanni.

ISAYAASI 26:17

Kaaliiqa, godowinni noo mancho game amaddeenna, shette xiixantannohu gede, ninkeno ate albaanni hatto ikkinoommo.

ERMIYAASI 4:19

Hayi qarra! Konne qarra baala hiitto ikke cinca dandeemmo? Hayi wodana'ya! Wodani'ya hiitto shafamanni no! Xurumbunna olu luulo macciishshanni, sammi yee cinca didandeemmo.

ERMIYAASI 48:41

Katammanna qiisho baala amadantanno; hatte yannara Moaabi olanto game amaddino mancho gede ikkitanno.

ERMIYAASI 49:22

Allamurchu qoola fane eela buuwannohu gede, diinu Bootsira gawajjara qoqqobbisanno. Hatte yannara ki'ne Edoomi olanto wodani, game amaddino mancho wodani gedeeha ikkanno» yii.

ERMIYAASI 50:43

Baabilooni moote konne duduwo macciishshanno woyite, wolqasi daaqqanno; waajjillu amadeenna gamaa'mitanni noo mancho gede ikkanno.

ERMIYAASI 6:24

Yerusaalamete manni insa insanaawa: «Konne duduwo macciishshinummota wolqanke daaqqu; game amaddino mancho gede, masillunna yaaddo amaddinonke.

IMBAAQOOMI 3:16

Konne coye macciishshummota, mannimma'ya shiiltu; suume'ya huxidhu; miqqa'ya daaqqu; lekka'yano qece yitu. Maganu qarrissannonkere qorichisha geeshsha, cince agadheemmo.

YOHAANNISI 16:21

Ila rakkino meyati gamete barri iillinosehura yaaddanno. Iltuhu gedensaanni kayinni, tenne gobbara qaaqqu ilamino daafira hagiidhite qarrase habbanno.

MARRO 28:67

Ille'nenni la'inanniri baalu, masisanno'ne daafira, wodani'nera waajjillu wo'manno. Soodanno woyite, ‹Xa mayi rahella hashsha!› hashshanno woyiteno, ‹Xa mayi rahella sooda!› yitinanni.

UMI TESELONQE 5:3

Mannu, «Keereho; qarru dino» yaanna, godowinni noo mancho amaddanno game gede, bao hedeweelcho daggannonsa; gatteno diaffanno.