ISAYAASI 21:2 - Qullaawa Maxaafa

² Waajjishshanno ajuuja leeltinoe: Ku'u ko'onne sayise hiranno; mulqi'rannohuno mulqi'ranno. Elaami Olanto! Fultine bala tugge! Medooni Olanto, Fultine katama doyisse! Kaaliiqi Baabilooninni kainohunni dayino qarra baala uurrisanno.

ISAYAASI 21:2 ပူးပေါင်းရင်းမြစ်များ

KALAQAMA 10:22

Seemi ooso: Elaami, Asuuri, Arfakisaadi, Luudiitinna Araamiiti.

LAYINKI MOOTOOLLA 17:6

Seliminaasoori, Hoosei moohihunni honsikki diro Samaariya qeele angara qo'li. Israeelete mannano qafade Asoorira haa're ha'ri. Insa giddonni gama Halaahi Katamira, gama Goozaani awuraajjira Haboori Wayi mule, woloota qole Medooni katammara heedhanno gede assi.

FAARSO 119:158

Qaalekki ayirrissannokki daafira, ate ammantinokkiriwa aana dibaxeemmo.

FAARSO 12:5

Kaaliiqi kayinni, «Buxanete qarrira, mitiimmaammu raarera xa kaeemmo; halchitino keereno eemmonsa» yaanno.

FAARSO 25:3

Ate hexxitannori disaalfattanno; beebbatenni ate aana ka'annori kayinni irraabbanno.

FAARSO 60:3

Ninke mannikkira shetto leellishoottonke; gaggassitannota woyinete xajjeno hayikkisoottonke.

FAARSO 79:11

Usuranyootu raare macciishshi; reyitona yinoonnire bayira wolqakkinni gatisinsa.

LAWISHSHA 13:15

Dancha egenno ayirrinye uyitanno; yawaawulootu doogo kayinni baote massitanno.

ISAYAASI 11:11

Hatte yannara, Mootichu galagale angasi diriirse gatino manna Asoorinni, Gibitsetenni, Itiyophiyunni, Elaaminni, Baabilooninni, Hamaatinni, Baaru qaccuwanninna giddichuwa baalatenni gamba assanno.

ISAYAASI 14:4

Baabilooni moote, «Kune haxawarru moote uwino! Kunni ka'a isi ayeno digadadisanno!

ISAYAASI 14:7

Gosa baala fooliishshidhe keere heedhanno; baalunku hagiidhanni faarsanno.

ISAYAASI 22:6

Elaami gobba manni faradi gaaretenna faradu aana ofolle, digaananna worbicho anga adhe dayi; Qiiri gaaddo wonqonsa qixxeessidhu.

ISAYAASI 24:16

Kalqe baalatenni, «Keeraanchoho ayirrinyu ikkosi» yinanni faarso macciishshinanni. Ani kayinni lowo geeshsha jaawoommo daafira, anera bayisibao! Hexxinannihu dihee'ranno; baalunku mimmitoho badhe wodhannoha ikkanno.

ISAYAASI 33:1

Ayino huninsakkinni huntannorira, ayino xagarinsakkinni xagartannorira, diinnankera aanne'e! Insa huntannohunna xagartanno barri saeenna, insa uminsa ba'anno barri daanno.

ISAYAASI 35:10

Kaaliiqi wodinonsa manni galagale hige, faarsanni Tsiyooni eanno; hegere hegerera hagiirru ba'latto wodhitanno. Hagiirrenna hisanyoote haraqidhanno; yaaddonna dadillu mulinsanni xooqanno.

ISAYAASI 47:6

Ani manni'yara hanqoommo; insa battete gede kiire, angakkira sayise oommo. Ati kayinni dimararoottansa; geerraho nafa ayirrino duha duhisiisootta.

ERMIYAASI 25:25

Zimiiri, Elaaminna Medooni gobba mootoolla baala,

ERMIYAASI 31:20

«Israeele! Ki'ne anera ayirrado oosooti; roorse baxeemmo'nere di"ikkitinoonni? Hanqe coyi'rummo'nero nafa, ki'ne daafira wodani'ya digoxino; godowi'yano ki'nera dikaajjino. Ani Kaaliiqi ki'ne marareemmo'ne. Konne coye coyi'roommohu ani Kaaliiqaati.

ERMIYAASI 31:25

Daafurtinorira wolqa haaroonseemmonsa; hudidhinorira sagale duushsheemmonsa.

ERMIYAASI 45:3

« ‹Baarooki: Kaaliiqi qarri'ya aana dadille ledinoena anera bayisibao! Lowo geeshsha daafuroommo; fooliishshono diafi'roommo› yootto.

ERMIYAASI 49:34

Yihudu moote Sedeqiyaasi moohanni hee'reennanni, Kaaliiqi Elaami gobba daafira,

ERMIYAASI 49:35

«Ani Elaami wolqaataame assitinota bagadaano'ne sheemmo.

ERMIYAASI 50:14

«Ki'ne digaanunni olantinanni bagadaasine, Baabilooni qasate doyissitine amadde; ane Kaaliiqi aana sao assitino daafira, mittono gatissinikkinni maxxa baala, Baabilooni aana giggishshe.

ERMIYAASI 50:34

Wodeemmonsahu ani Olantote Mootichi Kaaliiqi jawaataho; ani umi'ya insara golame, gobbansara keere dirriseemmo. Baabilooni heedhannori kayinni fooliishsho diafidhanno.

ERMIYAASI 51:11

Kaaliiqi Qullaawu Minisi daafira rabbisi'rate yee, Baabilooni huntanno gede Medooni mootoolla kayisino. Kunni daafira, maxxa'ne quxidhe; wonqo'ne amaxxe.

ERMIYAASI 51:44

Baabilooni magano Marduki qorichisheemmo; adhinore baala tushshiisheemmosi; layinkimeeshsho gosa diguwissannosi; Baabilooni huxxuwa to'ino› » yaanno.

ERMIYAASI 51:53

Baabilooni gordu iimira fule, qiisho qiishi'riro nafa, hakkiichira mare gudannosi diina soyemmo» yii.

ERMIYAASI QURTO 1:22

Bunshensa deerrinni yoo yiinsa; cubbi'ya baalu daafira, ane qorichishitto gede insano qorichishi. Shettotenni kainohunni uranni noommo; wodani'yano xiwamino» yoommo.

DAANIEELI 5:28

«Faareesi yaa, gashshootikki beehame Medooninna Faarisi mannira aamamino yaate» yee kulisi.

DAANIEELI 5:9

Moote Belshaatsaari lowo geeshsha yaadinohura albisi lede kolishshi'ri. Ayirraddisino amaddannore hoogge gara habbu.

DAANIEELI 8:2

Elaami awuraajjira kinchunni huxxinoonnihu dannawunnihura Suusa Katamira Ulayi Wayi mule uurre hee're ajuujatenni anenee afummo.

DAANIEELI 8:20

«Lame buuda afi'rinohu ge'rechu goci Medooninna Faarisi gashshoote leellishannoho.

YOHAANNIS AJUUJA 13:10

Qafadamanno gede hendoonnihu qafadamanno; bagadunni reyanno gede hendoonnihu bagadunni reyanno. Hatto yaa, Maganu manni cincanna amma'na hasiissannosi yaate.

UMI SAAMUEELI 24:13

Albi yannara, ‹Bunshe bushu mannilla loosanno› yinanni daafira, xaano anga'yanni ate dikiseemmohe.