ISAYAASI 21:1 - Qullaawa Maxaafa

¹ Baaru gami halallitte daafira kulloonni sokka kunninni aante noote: Wodiidi halallittenni dagge, wo'mankare fiite haadhe hadhanno hombobolatte gede, mitte waajjishshanno gobbanni, wolqaataame bao fultanno.

ISAYAASI 21:1 ပူးပေါင်းရင်းမြစ်များ

IYYOOBI 37:9

Jawaata bubbe wodiidinni ka'anno; qiidu bubbeno aliyyenni dagganno.

ISAYAASI 13:1

Amootsi beetti Isayaasi, Kaaliiqi Baabilooni daafira kulanna macciishshino sokka aante noote:

ISAYAASI 13:13

Ani Olantote Mootichi Kaaliiqi aara'ya leellisheemmo barra, gordo shafeemmo. Baattono dargisenni milli yitanno gede asseemmo.

ISAYAASI 14:1

Kaaliiqi mannasi Israeele mararannonsa; galagalche mannasi asse doodhanno. Galagalte gobbansara heedhanno gede assannonsa. Wole gobba mannino daye insa ledo sumuu yee hee'ranno.

ISAYAASI 14:14

Gomichoho aleenni sae, Wo'manka Dandaanno Magani gedeeha ikkeemmo» yite hedootto.

ISAYAASI 14:23

Baabilooni baatto rirriwa asseemmo daafira, ulaaulle qalantannowa ikkitanno; baote feyanchinni co'o asse feemmonsa. Konne coye coyi'roommohu ani Olantote Mootichi Kaaliiqaati» yii.

ISAYAASI 17:1

Demaasiqote kulloonni sokka kunninni aante noote: Kunni ka'a Demaasiqonniti katamimmasi gatteenna diigame duuno ikkanno.

ISAYAASI 47:1

Kaaliiqi qole, «Ati seyante egenninoonnihekkiti Baabilooni seemo, ayirrinyu barcimikki aaninni dirrite, bukote aana ofolli; kunni ka'a xummekkinna biinfillikki dihee'ranno.

ISAYAASI 5:28

Maxxinsa qaraamoho; digaaninsa gonninoonniho; faradinsa kotte reeqqiichote gedeete. Faradi gaarensa lami-qale hombobottete gede diiddo ga'nitannote.

ERMIYAASI 51:1

Kaaliiqi, «Baabilooninna mannasi, fiite huntannota wolqaataame bubbe kayiseemmo.

ERMIYAASI 51:42

Baabilooni, diinu baaru dambali gede ikke egemmi.

ERMIYAASI 51:51

‹Xonnoonninke daafira, saalu amadinonke. Qullaawu Dargira Kaaliiqi Minira, wole gobba manni eino daafira, sholline umo heeshshi yinoommo› yitinanni.

HIZIQEELI 1:4

Iima qole laummo woyite, wolqaataame bubbe aliyye raginni dagganni no; banaqono lowo gomichi giddo blicci yitanni no. Gomichu qooxeessira noo gordi duu'mi; banqo beleqqanno woyite, camote gedee blicceessi leellanno.

HIZIQEELI 30:11

Isino marartannokkire kaajjadda olantosi hoode adhe, baatto hunara daanno. Insano, Gibitse bisetenni guddanno. Reeshshuno gobba wo'manno.

HIZIQEELI 31:12

Marartannokki allaggi haqqicho murte agurtanno; umisenna sinnase baala murmurante gobbate aana noo ilaallaranna laggara ubbe gattanno. Hundase caa'litanno daga baala hakkiinni agurte hadhanno.

HIZIQEELI 38:9

Atinna olantokki hattenne gosara dambalu bubbe gede ikkitine bala tugginanni. Gomichu gede ikkitine baatto beeshshitine amaddinanni› yite kulisi» yiie.

DAANIEELI 11:40

«Aliyye mootera goofimarchu iillanno woyite Wodiidi moote iso qasanno; ikkollana, Aliyye moote faradi gaaretenni, faradunninna markabbatenni hombobolattete bubbe gede ikke daye gawajjannosi. Lolahu gede asse lowo gobba horre gudanno.

ZAKKAARIYAASI 9:14

Kaaliiqi mannaho aleenni hige leellanno; digaanu worbichono banqote gede asse olanno. Mootichu Kaaliiqi buudu xurumba ufuufanno; Wodiidi hombobolatte gede asse diina gawajjanno.