ISAYAASI 20:2 - Qullaawa Maxaafa

² Kaaliiqi Amootsi beetto Isayaasi, «Koattenna xiddunnita uddanokki fushshite mulla lekkanni ha'ri» yee hajajisi. Isayaasino yiinosi gede ikki.

ISAYAASI 20:2 ပူးပေါင်းရင်းမြစ်များ

LAYINKI SAAMUEELI 15:30

Daawitino dadille umo guggu'le wi'lanni mulla lekkanni Ejedhete Ilaala gooddi'ri. Ledosi noo manni baaluno umo guggu'le wi'lanni hoodesi fuli.

LAYINKI SAAMUEELI 6:20

Daawitino minisi manni keere afara minisira ha'ri. Saaooli beetto Melkoolino Daawiti haadhara fulte, «Ati techolla diayirritto! Soqqamaanokki borojji albaanni wodana shotu manchi gede teedakki mulqidhe kubbitto?» yitusi.

LAYINKI MOOTOOLLA 1:8

Insano, «Ordaame uddano uddi're hallo sunchunni qodhinoho» yite dawartusi. Mooteno qole, «Hakku Tesibichu Eeliyaasiiti!» yii.

FAARSO 30:11

Ati dadille'ya hagiirreho soorrootto; xidda'ya qasse hagiirre uddisiisoottoe.

FULO 3:5

Maganuno, «Anewa shiqqi yitooti! Uurrootto dargi qullaawa ikkino daafira, lekkakkinni koattekki fushshi.

ISAYAASI 1:1

Ani Isayaasi Amootsi beettooti. Tini sokka Ooziya, Iyoaataami, Akaazinna Hiziqiyaasi Yihudaho mookku waro, Yihudunna Yerusaalamete daafira kulloonniete.

ISAYAASI 13:1

Amootsi beetti Isayaasi, Kaaliiqi Baabilooni daafira kulanna macciishshino sokka aante noote:

ISAYAASI 37:2

Isino, mootete mini gashshaancho Eeliyaaqeemi, borreessaancho Shebinanna qeesootu giddonni umo umo ikkitinore ane Isayaasiwa soyi. Insano xiddu uddano uddidhe dagge,

ERMIYAASI 48:37

Ereeda mudhite, umono meexxite, anga bicidhe xiddu uddanono uddidhino.

HIZIQEELI 24:17

Mannu afannohe gede ikkite heqqifatte wi'litooti; dadillekki leellishate mullu uminni woy mulla lekkanni hadhooti. Umono heeshshi yitooti; waakkisono ittooti» yiie.

HIZIQEELI 24:23

Mullu uminninna mulla lekkanni dihadhinanni; hururantine diwi'litinanni. Hindiiddo'neno difushshidhinanni; cubbi'nenni kainohunni jaabbinanni; gurura'inanni ka'a kawa higginanni.

HIZIQEELI 4:1

Kaaliiqi, «Koo manchi beetto, mitto doru bano haadhe, albakkiinni worte, aanaho Yerusaalamete katama akeeki.

MIKIYAASI 1:11

Ki'ne Shaafiri qachi manna, mullootu saalsiisanno garinni qafadantine hadhe. Tsanaani Katamira heedhannori katamunni fulate dijawaattanno; Beetietseeli umisi wi'late darga ikkinohura maaxamate di"injaanno'ne.

MIKIYAASI 1:8

Hakkunni gedensaanni Mikiyaasi, «Kunni daafira yaaddo'ya leellishate mulqi're mulla lekkanni ha'ranni yeedaalate gede ikke godoodeemmo; balgudu gede ikke raareemmo.

ZAKKAARIYAASI 13:4

«Hatte yannara, kaphu himanaano himana coyi'ranna ajuujansa kula saalfattanno; halaalu himanaano uddidhannota saadate orda afidhino uddano uddidhe, manna diso'risiissanno.

MAATEWOOSI 16:24

Hakkunni gedensaanni Yesuusi rosaanosi, «Ane hoode ha'ra hasi'rannohu umosi kaado; masiqalasino duqqe hoode'ya dayo!

MAATEWOOSI 3:4

Yohaannisi uddano gaalu ordanni gannoonnite; hallo sunchunni qodhanno. Sagalesi kanchafarehonna godu malawooti.

YOHAANNISI 21:7

Hatte yannara Yesuusi baxannosi rosaanchi Pheexiroosira, «Mootichahowe!» yii. Simiooni Pheexiroosi, «Mootichahowe!» yiita macciishshe, loosoho yee uddano fushshi're noo daafira, hakkawoyintenni uddano uddi're baaru giddora kubbe ei.

SOQQAMAASINETE LOOSO 19:16

Durriisu amadinohu mittu manchi insa kubbe amade wolqansara aleenni hige qeeleennansa, mundiitanni mininni mullootu fulte xooqqu.

SOQQAMAASINETE LOOSO 21:11

Kuni himanaanchi ninkewa shiqqi yee, Phaawuloosi hiito haa're angasinna lekkasi usudhe, «Qullaawu Ayyaani, ‹Tenne hiito anna Yerusaalamete Ayihudooti togo assite usurte dagate sayisse uyitanno› yaanno» yee coyi'ri.

IYYAASU 5:15

Kaaliiqi olanto hajajaanchi, «Uurrootto baatto qullaawatena, lekkakkinni koattekki fushshi» yiisi. Iyyaasuno, hajajinosi gede assi.

YOHAANNIS AJUUJA 11:3

Lamunku farci'raasine'ya xiddu uddano uddidhe, 1,260 barra sokka'ya kultanno gede soyemmo» yinie.

UMI SAAMUEELI 19:24

Isino uddanosi mulqi're Saamueeli albaanni hagiirrunni kukkubbanni himana coyi'ri. Kunni garinni hashshanna barra wo'ma mullichu goxe keeshshi. «Saaoolino himanaanote ledohoni?» yine maammaankannihu kunniraati.