ISAYAASI 2:8 - Qullaawa Maxaafa

⁸ Kunni aanano baattonsara kaphu maganna wo'mitino; insano angansanni seekkidhino misilera kumbuultanno.

ISAYAASI 2:8 ပူးပေါင်းရင်းမြစ်များ

UMI MOOTOOLLA 16:7

Kaaliiqi himanaanchu Iyu widoonni qole Baasharanna minisi mannira konne coyi'rinohu, Iyorbiaami gede cubbo loose hanqisinosi daafira calla ikkikkinni, Iyorbiaami mini mannano co'o asse gudino daafiraati.

LAYINKI MOOTOOLLA 17:10

Gaarra baalate aananna haqqete hunda Asheera mokkollo uurrisi'ri.

LAYINKI MOOTOOLLA 17:16

Maganinsa Kaaliiqi hajajo baala agurte magansidhannota 2 culkunni seekkinoonnita siittu misilla uurrisidhino. Qolteno Asheera mokkollicho seekkidhino; beeddahete kumbuultino; Ba"aalirano soqqantino.

LAYINKI DUDUWO 27:2

Iyoaataami annisi Ooziya gede Kaaliiqi baxanno coye assino. Annisi gede hixaana giirate Qullaawu Minira dieino. Ikkollana mannu bunshe loosa diagurino.

ISAYAASI 17:8

Angansanni seekkidhinoha kakkalote darganna Asheera mokkollora hixaana giirate seekkidhino uduunne hexxa agurtanno.

ISAYAASI 26:13

Kaaliiqa Maganonke, wole lowo mootoolla gashshitinonke; ninke kayinni ate calla ayirrinseemmo.

ISAYAASI 37:19

Maganna ikkitinokkita haqqanna kinna angansanni bocce seekkidhinota tenne gosa misilla Asoorootu giirte huntino.

ISAYAASI 40:19

Isi haqqa bonce, culka xalline, birrunni seekkine uurrinsoonni misile gedeeha di"ikkino.

ISAYAASI 41:29

Kune ki'ne baalunku haafaho; mittoreno assitine diaffinannireeti; ki'ne misilla mulla diilallooti» yii.

ISAYAASI 57:5

«Ki'ne qilxootu giddonna lattino haqqe hunda, foorrete yortonni giirantinanni; ooso'ne laggate giddonna kinchu godira kakkaltinanni.

ERMIYAASI 1:16

Manna'ya bunshe loosino daafira qorichisheemmo. Insa ane agurte wole kaphu magannara hixaana giirtanno; misile angansanni seekkidhe insara kumbuultanno.

ERMIYAASI 11:13

Yihudu manna! Katamma'ne deerrinni lowo maganna noo'ne; makki'nannihura Ba"aali maganira kakkalo shiqishshinanni dargi Yerusaalamete doogga gede batinyeho.

ERMIYAASI 2:28

«Ki'ne anga'nenni seekkidhiniti kaphu maganna hiikkituyya? Katamma'ne batidhunte gede, maganna'neno batidhino daafira gatisso'nena insa huucci'ra mayira gibbini?» yii.

HOOSEI 12:11

Kuni baalu ikke hee'reennanni Geleaadi gobbara kaphu magannara kumbuultanno. Kaphu magannara kumbuultannori kayinni ba'anno. Galgalaho woraamma kakkalote shiqishshanno. Kakka'litanno darguwa kayinni hiiqqaqqante loosu mereero kinnate duuno ikkite gattanno» yii.

HOOSEI 13:2

Xaano cubbu aana cubbo loossanni no. Uminsara birra daashshite siittu misillanni kaphu maganna seekkidhe kumbuultino. Tenne angatenni seekkinoonnitera siittu misillara, «Amme kakkalo shiqishshe; sunqensa» yitanno.

HOOSEI 14:3

Kaaliiqa! Annanna ama shiidhino buxi atenni maaro afidhanno. Asoori digatisannonke; olu faradono diaddaxxineemmo. Kunni ka'a angankenni seekki'noommota kaphu maganna, ‹Magannankeeti› yine diwoshshi'neemmo» yitine aagintaabbe.

HOOSEI 8:6

Insa Israeele di"ikkitino? Kuni siitu suudinni seekkinoonnihu kaphu magani makaa'lannonsa? Ogeessu angasinni seekkinoha ikkino daafira, magano ikkara didandaanno. Kuni, Samaariyu manni siitu suudinni seekki'rino magani, hiiqqaqqame uwanno.

MIKIYAASI 5:12

Kiilunni assitinanniha murgote coye'ne huneemmo. Bitaammuno kunni ka'a mereero'ne diheedhanno.

SOQQAMAASINETE LOOSO 17:16

Phaawuloosi Ateenaho Silaasinna Ximootewoosi agare hee're, hakko katamira kaphu maganna batidhinota afe wodanisinni lowo geeshsha caaccaawi.

MARRO 4:28

Hakkiicho, la"a woy macciishsha, ita woy ulata dandiitannokkire mannu anganni seekkinoonnire haqqetenna kinchu maganna magansidhinanni.

YOHAANNIS AJUUJA 9:20

Kunni qoomaminni reyitukkinni gattinori busha looso agurte diaagintaabbino. Durriisahonna culkunni, birrunni, camotenni, kinchunninna haqqetenni seekkinoonnirira la"a, woy macciishsha, woy ha'ra dandiitannokki maganna kaphunnitera soqqama diagurtino.