ISAYAASI 2:3 - Qullaawa Maxaafa

³ Kunnira lowo manni, «Seeru Tsiyooninni, Kaaliiqi qaalino Yerusaalametenni fulannona, amme Kaaliiqi Ilaala fullona. Qullaawu Yaiqoobi Magani Minira ha'nona; isino hedinore kulannonke; ninkeno isi doogo hinge ha'neemmo» yaanno.

ISAYAASI 2:3 ပူးပေါင်းရင်းမြစ်များ

ASTEERI 9:27

Ayihude uminsara, sirchinsaranna Ayihude ikkara hasi'rannohura baalaho soorramannokki seera fushshidhu. Hakkuno diru dirunkunni yinoonni barri iillanno woyite Merdookiyoosi uyino biddishshi garinni konne lamenka barra ayirrisateeti.

FAARSO 102:23

Kaaliiqi anje hee'reennanni akkalsinoe; diro'yano haransino.

FAARSO 110:2

Kaaliiqi gashshootikki roorre Tsiyooninni kayise halashshohe; baarigaarrakki aana roorre afi'ri.

FAARSO 119:171

Wogakki rosiisattoe daafira, wo'manka woyite galaxxeemmohe.

FAARSO 122:1

«Kaaliiqi minira ha'no» yitue yannara, tashshi yiie.

FAARSO 48:1

Kaaliiqi lowoho; Maganinke qullaawu ilaalira noohura katamisira lowo geeshsha galataminoho.

ISAYAASI 1:26

Yerusaalame, albiri gedee gashshaanonna amaalaasine kayiseemmohe. Hakkunni gedensaanni, ‹Keeraanchoho; ammanama noosi katamaati› yinannihe» yii.

ISAYAASI 11:10

Hakka waro, Isseyi rumushshi gosate malaate ikkanno; gosa baala isiwa tintanno; isi moohanno katami ayirrado ikkanno.

ISAYAASI 19:23

Hatte yannara Gibitsetenna Asoori mereero hala'lado doogo fultanno. Tini lamenti gosa mimmitunniwa hadhe, mitteenni magansidhanno.

ISAYAASI 28:9

Ki'ne, «Isi aye rosiisanno? Sokkano ayira kulanno? Isi rosiisanno coyi xaalla unuuna qana agurtino qaaqquullira kullanniho.

ISAYAASI 44:5

Ane magansidhanno; manna'yano ikkitanno; su'ma'yano angansara borreessidhanno; ‹Ninke Maganu mannaati› yitanno» yii.

ISAYAASI 56:5

Qullaawu Mini'ya giddo su'ma'ne ooso'ne kayissannohunni roore, qaanganna hee'ranno gede asseemmo; ki'neno hambi'nekkinni heedhinanni» yii.

ISAYAASI 56:7

«Qullaawu Ilaali'yawa Tsiyooni haa're masse, huuccattote mini'ya giddo hagiidhitanno gede asseemmonsa; kakkalo'ya darga shiqishidhanno kakkalono adheemmonsa. Hatto asseemmohuno mine'ya: Mannu baalunkura huuccattote mineeti yinanni daafiraati» yii.

ISAYAASI 60:3

Daga caabbichikkiwa, mootoollano soodimari xawaabbikkiwa dagganno.

ISAYAASI 65:11

Ane Kaaliiqanna Qullaawa Ilaala'ya agurtine, ‹Dancha Kaayyooti› yinanni maganira sagale qishshinanni; ‹Kaayyote› yinanni maganira karsiinsoonnita woyinete xajje shiqishshinanni.

ISAYAASI 66:20

Insa roduuwa'ne baala gobba gobbantenni farado, faradi gaare, gaare, gaangootanna gaala gulufisiisse anera afanshu gede assite Qullaawu Ilaali'yawa Yerusaalame haadhe abbitannoe. Insa haadhe abbitanno Israeelooti gidu fushshaate lagaawinokki uduunnichira worre anera Qullaawu Minira haa'ne abbinannihu gede assite uyitannoe.

ERMIYAASI 12:16

Manni'ya Ba"aali magansi'ranno gede assitino. Ani halaalaancho Magano ikkoommota ammante, manni'ya magansidhanno gara kulannonsa gede hasidhuro, tini gosano manna'ya ikkite qawaaxxidhe heedhanno.

ERMIYAASI 26:18

«Morisheeti Katamihu Mikiyaasi Yihudu moote Hiziqiyaasi yannara himanaanchoho. Isino Yihudu manni baalunkura, Olantote Mootichi Kaaliiqi, ‹Tsiyooni loosi'nanni gati gede ikke hawuuramanno; Yerusaalameno diingoonni duuno gede ikkitanno; Qullaawu Mini noo gaarino dubbo ikkanno› yee coyi'rino.

ERMIYAASI 31:6

Ilaalaame Efireemi gobbara noo agaraasine, ‹Ka'e Tsiyoonira Maganinke Kaaliiqiwa ha'nona› yitanni lallabbanno barri daanno» yii.

HIZIQEELI 40:2

Ajuujatenni Kaaliiqi haa're masse, Israeelete gobbara mittu seedu ilaali aana worie. Wodiidi ragaanni, minnoonni katama labbannota mimmitu mule noota kinchu minna afummo.

HOOSEI 3:5

Hakkunni gedensaanni Israeelete manni galagale hige Maganonsa Kaaliiqanna mootensa Daawitino hasi'ranno. Hatte yannara Kaaliiqa ayirrisanno; dancha atooteno adhanno.

HOOSEI 6:3

Amme, Kaaliiqa afate lowo geeshsha diinaggaambona. Isino soodimari xawaabbinna baatto duushshannohu badheessi xeeni gede addinta ninkewa daanno» yaanno.

MIKIYAASI 4:2

kuni mannino, «Seera Tsiyooni, Maganu qaaleno Yerusaalamete anfanni daafira, amme Kaaliiqi ilaala fullona; amme ka'a Yaiqoobi Magani mini huuccattonnihuwa ha'nona. Isi hedinore assineemmo gede rosiisannonke; ninkeno isi doogo hinge ha'neemmo» yaanno.

MAATEWOOSI 7:24

Yesuusi aanche, «Qaale'ya macciishshe wonshannohu baalu mine kinchu aana mi'ninoha egennaamo mancho lawanno.

LUQAASI 11:28

Yesuusi qole, «Maassantinori Maganu qaale macciishshite hajajantannoreeti» yii.

LUQAASI 24:47

Su'misinni aagintaambannitanna cubbu maaro afi'nannita, Yerusaalametenni kayinse gobba baalate mannira kullannita coyi'noonni.

YOHAANNISI 4:22

Ki'ne affinoonnikki magano magansidhinanni; ninke kayinni gato Yihudunni fultanno daafira, anfoommo Magano magansi'neemmo.

YOHAANNISI 7:17

Soyinoehu hedo wonsha hasi'rannohu, kuni rosi Maganunnihoronna ani umi'yanni coyi'reemmohoro afanno.

SOQQAMAASINETE LOOSO 1:8

Ikkollana Qullaawu Ayyaani ki'ne aana dirranno yannara wolqa adhitinanni. Hakka woyite Yerusaalamete, Yihuda baalaho, Samaariyahonna gobbate qacce geeshsha naqaashshe'ya ikkitinanni» yiinsa.

SOQQAMAASINETE LOOSO 10:33

Atewa manna soqqoommohu kunniraati; atino dancha dayotto. Xa Mootichu kulattora hajajinohere baala macciishshate, ninke baalunku Maganu albaanni gamba yine hee'noommo» yii.

ROOMU SOKKA 10:18

Ani mitto coye xa'meemmona, insa dimacciishshitino? Macciishshitinowe! «Qoonqonsa gobba baalate leeltu; sokkansa gobbate qacce geeshsha iillitu» yinoonni.

MARRO 33:19

Wole ga'reno ilaalla'ne la'ara dagganno gede assitinanni; insano hakkiichira halaalaancho kakkalo shiqishshanno; jirono baaru aaninninna wayi gami shaafinni afidhinanni» yii.

MARRO 6:1

«Martine ragidhinanni baattora agadhitinanni gede rosiisammo'nera Magani'ne Kaaliiqi uyinoe hajajo, woganna seeru kunninni aane nooho:

YAIQOOBI 1:25

Ikkollana wolassannoha guuta seera buuxe afe isinni kaajje hee'rannohu, macciishshe hawannoha ikkikkinni, loosu aana hosiisanno manchi loosisinni maassaminoho.