ISAYAASI 2:2 - Qullaawa Maxaafa

² Goofimarchu yannara, Kaaliiqihu Qullaawu Mini noo Ilaali, wole ilaalla baalatenni roore leellanno. Gaarra baalantenni roore luphi yee leellanno; gosa baala hakkiichira hadhanno.

ISAYAASI 2:2 ပူးပေါင်းရင်းမြစ်များ

KALAQAMA 49:1

Yaiqoobi oososi woshshe, «Albillittete iillanno'ne coye kuleemmo'nena gamba yiiyye.

IYYOOBI 19:25

Ane gatisannoehu kayinni heeshshonniha ikkinota, goofimarchohono coyi'rannoeta afoommo.

FAARSO 102:23

Kaaliiqi anje hee'reennanni akkalsinoe; diro'yano haransino.

FAARSO 2:8

Daga baalanta amadokki, baatto baalanta gashshootekki asse eemmohena huucci'rie.

FAARSO 22:27

Gashshootu Kaaliiqihona, gosa baala qaagge, Kaaliiqiwa higganno; daga baala albasiinni kumbuultanno. Kunni daafira, daga isi gashshanno. Baattote aani duuwaleeyye baala jilte isira kumbuultanno; bushsha e'annori baalunna, lubbonsa reyotenni gatisidhe affannokkiri baalu, albasiinni guluphitanno.

FAARSO 48:2

Tsiyooni ilaalira noohu Maganu katami leelladohonna xumaho; kuni jawa moote katami baatto baalate hagiirre aannoho.

FAARSO 68:17

Maganunniti faradi gaare batinye kumeeti; Mootichu Siina Ilaalinni kae qullaawu minisira daanno.

FAARSO 72:8

Baarunni kayise baaru geeshsha, Efiraaxisi Wayinni kayise baattote qacce geeshsha gashsho.

FAARSO 86:9

Mooticha, kalaqoottonsa daga baala, dagge albakkiinni kumbuultanno; su'makkino ayirrissanno.

FAARSO 87:1

Kaaliiqi katamasi, Qullaawu Ilaalira mini;

FAARSO 87:2

Israeelete gobba baalantenni roore, Kaaliiqi Yerusaalamte Katama baxanno.

ISAYAASI 11:10

Hakka waro, Isseyi rumushshi gosate malaate ikkanno; gosa baala isiwa tintanno; isi moohanno katami ayirrado ikkanno.

ISAYAASI 25:6

Olantote Mootichi konne Tsiyooni Ilaali aana, gosa baalate jila jilanno; jilahono xuma sagalenna fila woyinete xajje qixxeessanno.

ISAYAASI 27:13

Hatte yannara jawa xurumba ufuunfanni. Asoorinna Gibitsete gobba darame ha're hee'rannohu Israeelete manni galagale hige, Yerusaalamete Qullaawu Ilaali aana Kaaliiqa magansi'ranno.

ISAYAASI 30:29

Ki'ne Maganu manni kayinni, qullaawa ayyaana ayirrisidhinanni hashshi gede faarsitinanni. Israeelete golo ikkino Kaaliiqi Minira ha'ranno yannara, suusulle ufuufanni faarsanno manni gede ikkitine hagiidhitinanni.

ISAYAASI 49:6

Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.

ISAYAASI 56:5

Qullaawu Mini'ya giddo su'ma'ne ooso'ne kayissannohunni roore, qaanganna hee'ranno gede asseemmo; ki'neno hambi'nekkinni heedhinanni» yii.

ISAYAASI 56:7

«Qullaawu Ilaali'yawa Tsiyooni haa're masse, huuccattote mini'ya giddo hagiidhitanno gede asseemmonsa; kakkalo'ya darga shiqishidhanno kakkalono adheemmonsa. Hatto asseemmohuno mine'ya: Mannu baalunkura huuccattote mineeti yinanni daafiraati» yii.

ISAYAASI 60:3

Daga caabbichikkiwa, mootoollano soodimari xawaabbikkiwa dagganno.

ISAYAASI 65:11

Ane Kaaliiqanna Qullaawa Ilaala'ya agurtine, ‹Dancha Kaayyooti› yinanni maganira sagale qishshinanni; ‹Kaayyote› yinanni maganira karsiinsoonnita woyinete xajje shiqishshinanni.

ISAYAASI 66:20

Insa roduuwa'ne baala gobba gobbantenni farado, faradi gaare, gaare, gaangootanna gaala gulufisiisse anera afanshu gede assite Qullaawu Ilaali'yawa Yerusaalame haadhe abbitannoe. Insa haadhe abbitanno Israeelooti gidu fushshaate lagaawinokki uduunnichira worre anera Qullaawu Minira haa'ne abbinannihu gede assite uyitannoe.

ISAYAASI 66:23

Mittu Agani Leellihunni kayise daanno Agani geeshshanna, mittu Fooliishshote Barrinni kayise daanno Barri Fooliishshonnihu geeshsha Haaro Yerusaalamera magansidhaera dagganno.

ERMIYAASI 16:19

Kaaliiqa, ati jawaante'yaatinna golo'yaati; ati qarru barra maaxameemmowaati. Gobba baalantenni gosa atewa shiqqe, «Akaakkankera kaphu maganna agurranna noonsari dino; misilla baalanti mittoreno dikaa'litannoreeti» yitanno.

ERMIYAASI 23:20

Hedoommore wonshammo geeshsha, hanqi'ya dihiganno; ki'neno mitto barra konne coye buuxxinanni.

ERMIYAASI 26:18

«Morisheeti Katamihu Mikiyaasi Yihudu moote Hiziqiyaasi yannara himanaanchoho. Isino Yihudu manni baalunkura, Olantote Mootichi Kaaliiqi, ‹Tsiyooni loosi'nanni gati gede ikke hawuuramanno; Yerusaalameno diingoonni duuno gede ikkitanno; Qullaawu Mini noo gaarino dubbo ikkanno› yee coyi'rino.

ERMIYAASI 3:17

Hatte yannara, Yerusaalame, ‹Ayirrado Kaaliiqi barcimaati› yinanni. Mannu ane magansi'rara, gashshootu baalu giddonni hakkiira gamba yaanno; hakkunni gedensaanni hettisamaanchunna bushu wodanire di"ikkitinanni.

ERMIYAASI 30:24

Kaaliiqihu kaajjadu hanqi, wodanisi hedo wonshikkinni dihiganno; ki'neno dagganno yannara, konne coye buuxxinanni.

ERMIYAASI 31:12

Galagalte higge Tsiyooni Ilaali aana, hagiirrunni faarsitanno. Ani gide, haaro woyinete xajjenna ejersu zayite, hooffille saadanna lalo aatenni maassi'reemmonsa. Waa duuwino gati gedeere ikkitanno; yaaddannori mitturino dihee'ranno.

ERMIYAASI 48:47

Ikkollana Moaabira adhinoonnisire baala qoleemmo yanna dagganno. Moaabi daafira kuloommo himani konneeti. Konne coye coyi'roommohuno ani Kaaliiqaati» yii.

ERMIYAASI 49:39

Ikkollana, mitto barra dargansa qoleemmonsa. Konne coye coyi'roommohu ani Kaaliiqaati» yii.

ERMIYAASI 51:44

Baabilooni magano Marduki qorichisheemmo; adhinore baala tushshiisheemmosi; layinkimeeshsho gosa diguwissannosi; Baabilooni huxxuwa to'ino› » yaanno.

HIZIQEELI 38:16

Baatto guggushshino gomichi gede ikkite, manni'ya Israeelete aana bala tugatto. Yanna iillituro, baatto'ya marte horratto gede soyemmohe. Togo asseemmohu, daga ane ayimma affanno gedenna ate widoonni qole wonsheemmo coyinni Qullaawa ikka'ya egensiisateeti.

HIZIQEELI 40:2

Ajuujatenni Kaaliiqi haa're masse, Israeelete gobbara mittu seedu ilaali aana worie. Wodiidi ragaanni, minnoonni katama labbannota mimmitu mule noota kinchu minna afummo.

DAANIEELI 10:14

Ani dayommohuno albillitte mannikki aana daanno coye kulammoheraati. Tini ajuujano albillitte ikkanno coye xawissannote» yiie.

DAANIEELI 2:28

Ikkollana go'lino coye baala leellishanno Magani gordoho no. Isi kunni ka'ira ikkanno coye baala atera leellishinohe. Goxxe heedhe haaqii'rootto haaqeenna wodanikki giddo noo ajuuja kuneeti:

DAANIEELI 2:35

Siwiilu, doru, camo, birrunna culku baalu hakkawoyintenni cancaname arri yannara ayiddummete aana hee'ranno kuri gede ikkino. Isono bubbe dagge mittoreno gatissukkinni fiite haadhe hadhino. Misilete aana uwi kinchi kayinni baatto baala wo'manni mimmitu aana duunamanni lowo ilaala ikkino.

DAANIEELI 2:45

Mannu anga kissukkinni ilaalu aaninni gongo'me dirre siwiilunni, camotenni, dorunni, birrunninna culkunni seekkinoonni misile cancani kinchi hakko gashshooteeti. Kunni garinni jawu Magani albillittete ikkara noore baala leellishinohe. Kune haaqeekki halaaleho; tiroseno garaho» yee dawari.

HOOSEI 3:5

Hakkunni gedensaanni Israeelete manni galagale hige Maganonsa Kaaliiqanna mootensa Daawitino hasi'ranno. Hatte yannara Kaaliiqa ayirrisanno; dancha atooteno adhanno.

ZAKKAARIYAASI 14:10

Aliyye Geeba Kataminni kayise, Yerusaalamete wodiidi widoonni hige Remooni Katami geeshsha noo gobba taalo ikkitanno. Yerusaalame gaangaawisera noo gobbara iimaanni higge leeltanno; katamuno Biiniyaami xullichinni kayise, bashsho albi xullichi, xa maddete xullichooti yinannihu geeshsha, hattono Hanaanieeli shae huxxunnitenni kayise, mootete mini woyine huuncinanni dargi geeshsha iillitanno.

ZAKKAARIYAASI 14:9

Hatte yannara, Kaaliiqi kalqe baalate moote ikkanno; mannu baalu isi callu Magano ikkinota egenne su'masi ayirrisanno.

ZAKKAARIYAASI 8:22

Kunni garinni Olantote Mootichira Kaaliiqira kumbuultaranna isi atoote adhate huuccidhara lowo manninna wolqaataame gosa Yerusaalame dagganno.

ZAKKAARIYAASI 8:3

Ani qullaawa katama'ya Yerusaalame galagale hige hakko hee'reemmo; ammanamino manni hee'ranno katamaati yineenna egenname hee'ranno; Mini'ya noowi Tsiyooni Ilaali, qullaawa ilaalaati yineenna egenname hee'ranno» yii.

MILKIYAASI 3:12

Baatto'ne hee'rate toltinota ikkitino daafira, hatte yannara baattote aana noo manni baalu ki'ne, ‹Maassantino gosaati› yaanno'ne. Konne coyi'roommohu ani Olantote Mootichi Kaaliiqaati» yaanno.

KIIRO 24:14

Xaate ani gobba'ya higeemmo. Hara'yara albaanni kayinni, kuni manni kunni ka'a mannakki assannota kuleemmohe» yiisi.

SOQQAMAASINETE LOOSO 2:17

‹Maganu goofimarchu barra, Ayyaana'ya mannu baalu aana duneemmo; labballunna seennu ooso'ne himana coyidhanno; aju manni'neno ajuuja la"anno; geerri'neno haaqee haaqii'ranno.

LAYINKI XIMOOTEWOOSI 3:1

Goofimarchu barra qarrissanno yanna daggannota afi.

IBIRAAWOOTA 1:2

Xa kayinni kunni goofimarchu barrinni baalankare ragi'ranno gede assinohu Beettisi widoonni qole ninkerano coyi'rinonke. Kalqe baala kalaqinohuno isinniiti.

LAYINKI PHEEXIROOSI 3:3

Balaxxine konne coye wodanche: goofimarchu yannara hasidhu gede faasiiqqannorinna halchonsa hoode hadhanno haariimaasine dagganno.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.

YOHAANNIS AJUUJA 20:4

Hakkunni gedensaanni yoote roorre uyinoonniri ofolte noota ayirrado barcimma afummo. Yesuusi xawisino halaale farcidhinohuranna Maganu qaali daafira goowansa gorrinoonni manni lubbuwa afummo. Insa moyicho woy misilesi dimagansidhinoreeti; moyichu malaateno albinsaranna angansara diwodhitinoreeti. Insa reyotenni ka'e Kiristoosi ledo kume diro mookku.