ISAYAASI 2:19 - Qullaawa Maxaafa

¹⁹ Kaaliiqi baatto shafara daanno waro, hanqisinninna waajjishannohu xirchisiwiinni kinchu godiranna balete maaxantara wo'naaltanno.

ISAYAASI 2:19 ပူးပေါင်းရင်းမြစ်များ

LAYINKI SAAMUEELI 22:46

Insa wolqa hooggu; ri'inowiinni huxidhanni fultu.

IYYOOBI 9:6

Baatto darginni shafe kayisanno; baattote safo shashshafanno.

FAARSO 7:6

Kaaliiqa ballo, aarikkinni kai. Baarigaarra'ya hanqi aana kai; halaalaancho yoo hajajoottote garinni, Magano'ya ballo, ka'e kaa'lie!

ISAYAASI 13:13

Ani Olantote Mootichi Kaaliiqi aara'ya leellisheemmo barra, gordo shafeemmo. Baattono dargisenni milli yitanno gede asseemmo.

ISAYAASI 2:10

Kaaliiqi hanqiwiinninna waajjishannohu xirchisiwiinni gatate kinchu qarrira, godahonna balete giddo maaxantanno.

ISAYAASI 2:21

Kaaliiqi baatto shafara daanno waro hanqisinninna waajjishannohu xirchisiwiinni gatate kinchu qarrira, godahonna balete giddo maaxantanno.

ISAYAASI 24:1

Kune Kaaliiqi baatto diige mulla darga assanno; baattonniha dana soorre mannano billaallisanno.

ISAYAASI 24:18

Waajjishanno luulo xooqannohu, balete giddo uwanno; balete giddonni fule xooqannoha woshshaado amaddanno; iiminni wolqaataame barada dirritanno; baattote xinti shafamanno.

ISAYAASI 24:19

Baatto shafante, daddadhante addi addinni fultanno.

ISAYAASI 30:32

Kaaliiqi insa gananno kiironni, mannisi kayinni dibbenna bagana gananni qeexaa'lanno; Asooroota Kaaliiqi umisi qasanno.

ISAYAASI 33:10

Kaaliiqi daga baalate, «Xa ani mitto coye assammora kaeemmo; ayirrinye'yanna wolqa'ya leellisheemmo'ne.

ISAYAASI 7:19

Insano shaa'maltanni fulte halalla xeichaho, kinnate qarrira, utu giddonna lalu hosannowa dagge tuuddanno.

ERMIYAASI 16:16

«Xa kayinni qulxu'me woshshaandannihu gede woshshaaddannorennna moyicho ugaanxannihu gede assite ugaaxxannore soyemmo. Insano ilaallatenna gaarrate, hattono kinnate giddo noo goddara ugaaxxe amaddannonsa.

ERMIYAASI 4:29

Faradunninna digaanunni olantannori canconna luulo macciishshe, katamu manni baalu xooqanno; mitu mitu dubbo hige ba"anno; gattinori goddate giddora e'anno. Baalunku katami, mannu nookkiha mullicho ikkanno; hakkiicho mittuno digatanno.

ERMIYAASI 48:28

«Ki'ne Moaabi gobbara heedhinanni manni, katamma'ne agurtine fultine mine boonu gama mi'nitino ceicho gede ikkitine kinchu qarra suuqamme.

HIZIQEELI 33:27

«Kunnira, ani Mootichu Kaaliiqi heeshshote Magano ikka'yanni xaareemmona, diigantino katammara hee'ranno manna baala shinanni yee qorophisiisoommota xawisse kulinsa. Katamu gobbaanni hee'ranno moyichira sagale ikkitanno; ilaallatenna goddate maaxante noore dhibbu gudanno.

HOOSEI 10:8

Israeelete manni Aweeni yinanni katamira kaphu magano magansi'ranni cubbo loosanno gaarra diigantanno; kakkalonsa dargi aanano utunna kokko'lu fulanno. Hattenne yannara mannu ilaalla, «Maaxxenke» gaarrano, «Gollenke» yaanno.

MIKIYAASI 7:17

Hamasunna wolootu uullate aani da'muulla gede goshooshantanni buko laaxxanno. Qiishonsa giddonni huxidhanni fultanno. Lowo waajjanni Kaaliiqi Maganinkewa higganno. Ate waajjitanni heedhanno.

NAHOOMI 3:11

Nennewe! Ati dimbe gaggawanno manchi gede ikkattohunna diinnakkiwiinni xooqqe umo worattowa hasi'ratto yanna dagganno.

HAGE 2:6

Olantote Mootichi Kaaliiqi, «Harancho yanna giddo, galagale gordonna gobba baaranna baatto shafeemmo;

HAGE 2:7

gashshoote baala galcheemmo; jironsa baalantano kawiira dagganno gede asseenna, Qullaawa Mine jiro wo'mitanno.

LUQAASI 23:30

Hattenne yannara mannu ilaalla, ‹Aananke ubbe!› Gaarrano, ‹Maaxxenke!› yaanno.

LAYINKI TESELONQE 1:9

Insa Mootichu albinninna wolqaataamu ayirrinyisiwiinni baxxite, hegere qoricha adhitanno.

IBIRAAWOOTA 11:38

Halallitte gobbaranna gaarrate raataabbino; goddatenna ballate giddo heedhino. Tini gobba insara maltinota di"ikkitino.

IBIRAAWOOTA 12:26

Hatte yannara huurosi baatto shaffino. Xa kayinni, «Baatto calla ikkitukkinni, layinkimeeshsho gordono shafeemmo» yee coyi'rino.

YOHAANNIS AJUUJA 11:13

Hakko mereero baatto lowo geeshsha huxidhu. Katamunniti tonnikki anga diigantu. Baattote huxi'ranni kainohunni 7,000 manni reyi; reyotenni gatinohu lowo geeshsha waajje gordu Magano ayirrisi.

YOHAANNIS AJUUJA 11:19

Gordoho noohu Qullaawu Mini fa'nami; isihu gondooru taabootino hakkiicho leelli. Hatte yanna giddo banqo, belequ, gugatto, baattote huxi'ranna jajjabba kaade no.

YOHAANNIS AJUUJA 16:18

Belequ, banqonna gugatto fultu. Baatto jaddote garinni huxidhu. Mannu baattote aana kalaqamihunni kayise anfe egenninoonnikki garinni huxidhu.

YOHAANNIS AJUUJA 20:11

Hakkunni gedensaanni lowoha waajjo ayirrado barcimanna barcimu aana ofolle nooha afummo. Hatte yannara baattonna gordu albisinni xooqqu; higguwano dianfoonni.

YOHAANNIS AJUUJA 9:6

Hatte yannara mannu reyo halchanno; kayinni diafi'ranno. Reyara baxanno; reyo kayinni albinni xooqqanno.

UMI SAAMUEELI 13:6

Israeelootu noo gari lowo geeshsha yaachishannoha ikkinotanna olantonsa yaaddote giddo noota affe dubboho, goddatenna ballate, boonnatenna gaattaa'luwate maaxantu.

UMI SAAMUEELI 14:11

Lamunku xawo fultu yannara Filisxeemootu, «Kuneeti Ibiraawootu maaxantino bale giddonni fulte insanaa leellishshanni no» yitu.