8 Abbayi Wayi giddonni qulxu'me woshshaaxxite galtinori raarte wi'litanno; woshshaadonsanna qarawinsa mullare ikkanno.
Wayi giddo noo qulxu'mi baalu ree goofi; wayi bowino daafira, Gibitsootu agate didandiitino. Gibitsete baatto baala mundee calla ikkitu.
Ayini-Gaadi Buichonni ka'e, Ayini-Egilayimi Buicho geeshsha nooti baaru qacce, qulxu'me amaddannori fooliishshidhannowaati. Insano hakkiicho woshshaadonsa haqqite mooshshidhanno. Mediteraaniyu Baari giddo noohu gedeehu, hakkono addi addi qulxu'mi no.
Baabiloonootu manna qulxu'mu gede qarawunni amaddanno. Meemmaame woshshaadonni goshooshshanno. Kunnirano hagiidhite ilillissanno.
«Maahoyyena, tini gosa wo'manka woyite mararro nookkiha manna guddanni heedhanno?
Gibitsete hee'noommo waro qulxu'me hidhinummokkinni hasi'nummo geeshsha intoommo; baaqula, waa afi'rinoha coommanno baaqula, daraamo shunkurta, duumo shunkurtanna tuma duumboommo.
‹Suusulle ufuunfummo'ne; ki'ne kayinni disirbitinoonni; hamaraancho kiirrummo'ne; ki'ne kayinni diwi'litinoonni› yitanno ooso labbanno.