ISAYAASI 19:3 - Qullaawa Maxaafa

³ Gibitsootu hexxo mudhitanno; hedonsano mullare asse agureemmo. Hatte yannara, kaa'litannonsa gede magannansa xa'midhanno. Kiiloho hadhanno; ekerrate ledo ma'litanno.

ISAYAASI 19:3 ပူးပေါင်းရင်းမြစ်များ

LAYINKI SAAMUEELI 15:31

Daawitira, gano ganate Akixoofeeli Abeseloomi ledo noota kulleennasi, «Eeggate Kaaliiqa'ya, Akixoofeeli mali mulla ikkanno gede assi» yee huucci'ri.

LAYINKI SAAMUEELI 17:14

Abeseloominna Israeelete manni baalu, «Kuusi mali Akixoofeeli malinni rooranno» yii. Kaaliiqino Abeseloomira bao dagganno gede assara yee woyyitannosita Akixoofeeli amaale adhantannokki gede assino.

LAYINKI SAAMUEELI 17:23

Akixoofeeli malisi adhaminokkita afiti, harrichosi koodhe kae katama minisira ha'ri. Mine biddi assi'rihu gedensaanni angasinni qalxi're reenna, annisi waammara madaarrisi.

LAYINKI MOOTOOLLA 1:2

Hatte yannara Akaaziyaasi Samaariyaho mootete minira iimaanni noo darginni uwe lowo geeshsha madi'ri. Kunnira dhiwame hee're, «Kunni dhibbinni gateemmoronna hoogeemmoro Filisxeemete katama Eqirooni martine maganonsa Bielizebuuli xa'mitine amme"e» yee manna soqqi.

UMI DUDUWO 10:13

Saaooli reyinohu Kaaliiqira ammanama hoogino daafiraati. Kaaliiqi hajajo wonsha giwino; Maganu yaannore agadha agure ekera coyishshiishshannori ledo ma'li. Kunnira Kaaliiqi iso shee, gashshootesi Isseyi beettira Daawitira sayise uyi.

FAARSO 107:27

Dimbaanchu gede gatantarte ubbu; ogimmansa baala kapho ikkitu.

FAARSO 33:10

Kaaliiqi dagate mala diiganno; hedonsano wo'mitannokki gede assanno.

FAARSO 76:12

Isi boonaleeyye gashshaano shollishanno; jajjabba mootoolla masisanno.

LAWISHSHA 21:30

Mannu egenno, wodanchanna hedo, Kaaliiqi yiinore ittissara didandiitanno.

ISAYAASI 14:27

Olantote Mootichi Kaaliiqi tenne hedino. Ittisannosihu ayeti? Qorichishara anga kayise no. Amade hoolannosihu nooni?

ISAYAASI 15:2

Dibooni mannino magannansa mine wi'lara gaarrate aanira fulanno. Moaabi mannino katammansa Nebonna Medeba daafira lowo geeshsha dadille wi'lanno. Dadillitino daafira, umonsanna ereedansano meexxitanno.

ISAYAASI 19:1

Gibitsete daafira kulloonni sokka kunninni aante noote: Kaaliiqi ariiffatu gomichi aana ofolle Gibitse daanno. Gibitsenniti kaphu maganna albasiinni qece yite huxidhanno; Gibitsete manni wodanino daaqanno.

ISAYAASI 44:25

Kaphu himanaano kultannorenna, kiilaanote kiilono mullare asseemmo. Hayyoolete hayyono diigeemmo; egennonsano gowwimmate soorreemmo.

ISAYAASI 47:12

Hanni anjekkinni kayisse rosoottata, bitakki, gojokkinna kiilokki cu'mi'ri; miteekke shiimare kaa'lannoheha ikkannona, woy diinakki waajjishiishi'rattana.

ISAYAASI 57:16

Ani manna'ya wo'manka woyite dibushiisheemmo; wo'manka woyiteno dihanqeemmonsa. Hatto assoommoha ikkoommero, kalaqoommo manni goofe hoogino.

ISAYAASI 8:19

Mannu, «Lollobbitanno kiilaano, masaalaanonna ekera hasaawissannore mala xa'midhe» yaanno'ne. Mannu Kaaliiqa agure reyitinorinni mayira ma'lanno?

ERMIYAASI 46:15

Worbu magani'ne, woraamu Apiisi mayira uwi? Ani Kaaliiqi xiiwe tugeennaatiwe!

HIZIQEELI 21:7

‹Mayira urattto?› yite xa'mitannohe woyite, ‹Albillittete daara noohu bushu duduwi daafira yeeti. Hakku duduwi daanno yannara, wodani'ne daaqanno; anga'ne shaqqitanno; goonte'ne waa ikkitanno; gulubba'neno qece yitanno. Kunino keeshshikkinni ikkanno; digatannoho yaanno Mootichu Kaaliiqi› yite kulinsa» yiie.

HIZIQEELI 22:14

Ani qorichishummo'nehu gedensaanni wolqa heedhanno'neha lawanno'neni? Anga gotti assidhine affinanniha lawanno'neni? Konne coye coyi'roommohu ani Mootichu Kaaliiqaati; coyi'roommoreno wonsheemmo.

DAANIEELI 1:20

Egennotenna wodanchate daafira moote shiqishino xa'moranna haaqee baalate rahe dawaro qolate, gashshooti baalu giddo noo kiilaanonna bitaamma insa tonne anga roortino.

DAANIEELI 2:2

Kunni daafira haaqeesi tirate kiilaano, bitaamma, gojaammanna masaalaano isiwa dagganno gede hajaji. Insano dagge albasiinni uurrituta,

DAANIEELI 5:7

Qaalloole, masaalaanonna ayyaanto woshshinannisi gede hirrate coyi'ri. Insano daggeenna moote, «Tenne borro nabbawe tiro kulannoehu mootennita xiillitte uddano uddi'ranno; ayirrinyu malaate ikkitinota culku cagaage goowaho worrannisi; gashshooti'yarano sayikki darga amadanno» yii.

UMI SAAMUEELI 25:37

Soodeenna dimbu higisihu gedensaanni, hadhe daggu gara kulteennasi mase qiide milli yaa hoogi.