ISAYAASI 18:7 - Qullaawa Maxaafa

⁷ Olantote Mootichi Kaaliiqi, gosa baala waajjitannori shaqqadu bisiri, hojjaameeyye, wolqaataammu, jawaatootunna gobbansa wayibba beekkinoriwiinni fushshaate adhanno barri daanno. Insano Olantote Mooticha Kaaliiqa magansi'nanniwa Tsiyooni Ilaala dagganno.

ISAYAASI 18:7 ပူးပေါင်းရင်းမြစ်များ

LAYINKI DUDUWO 32:23

Lowo manni Kaaliiqira fushshaate, moote Hiziqiyaasira qole afansha haa're Yerusaalame dayi. Hatte yannanni kayise mannu baalu Hiziqiyaasi lowo geeshsha ayirrisisi.

FAARSO 68:32

Baattote aani gosa baala! Maganoho faarse! Mootichaho galatunni faarse.

ISAYAASI 16:1

Ki'ne Moaabi manna! Tsiyooni Ilaalira noohura Yerusaalamete gashshaanchira Seelai Kataminni halallitte gobba widoonni qoltine ge'rechu goco afansha assitine sokke.

ISAYAASI 18:2

Hatti gobba, sokkaano haqalunni seekkinoonni markaawe gulufisiisse Abbayi Wayi aanaanni qolte sokkanno. Manninsa hojjaameeyyetenna shaqqadu bisireeti; gobbansa wayinni beehantinote. Ki'ne sokkaano, gosa baala waajjitannoriwa kaajjadonna wolqaataame gosawa marre!

ISAYAASI 18:4

Kaaliiqi, «Barra sammi yite xabbanno arrishsho gede, birrannihu hashshi loji gede asse noommowa gordoho hee're eela qole laeemmo» yaanno.

ISAYAASI 45:14

Kaaliiqi Israeelete, «Gibitsennitinna Itiyophiyu jiro ateta ikkitanno; hojjaameeyye Saaba manni daye ki'nera borojje ikkanno; anga uyite, ‹Maganu ki'newalla no; iso agurranna wolu magani dino› yitanno» yii.

MIKIYAASI 4:13

Kaaliiqi, «Ki'ne Yerusaalamete manna! Martine diina'ne gidu gede assitine ganne; buudasi siwiila, culunqasi camo ikkino woraami gede jawaatoota asseemmo'ne. Co'o assitine huntinanni. Beebbatenni adhitinoonni jironna beehacho wo'manka gobba wo'mante Mooticha ikkoommohura anera abbitinanni» yaanno.

IMBAAQOOMI 1:7

Insa waajjishshannoreetinna masissannoreeti; uminsa ayirrinye agarsiisi'rate seera qixxeessidhanno.

SOFFOONIYAASI 3:10

Billaalle noohu manni'ya xeertote gobbanni Itiyophiyu wayibba widiidinni fushshaate haa're daannoe.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

MAATEWOOSI 2:11

Minira e'e qaaqqo amasi Maariyaami ledo nooha affe, guluphite kumbuultusi. Hakkunni gedensaanni ogorransa fante culka, hixaananna kaarbe afansha assite uyitusi.